Diploma yn y Gyfraith i Raddedigion

Byddwch yn dysgu'r pynciau sylfaen sef Cyfraith Contractau, Cyfraith Camwedd, Cyfraith Gyhoeddus, Ecwiti ac Ymddiriedolaethau, Cyfraith Tir, Cyfraith Trosedd a Chyfraith yr Undeb Ewropeaidd drwy ddarlithoedd a seminarau gorfodol.

Byddwch yn astudio pwnc cyfreithiol arall drwy brosiect ymchwil o dan oruchwyliaeth.

Er mwyn cofrestru ar y GDL, rhaid bod yr ymgeisydd fel arfer wedi ennill gradd israddedig a ddyfarnwyd gan sefydliad cydnabyddedig yn y DU neu Weriniaeth Iwerddon. (Noder y dylai'r rheini sy'n awyddus i symud ymlaen i'r Bar fel arfer fod wedi cyflawni gradd anrhydedd 2:2 o leiaf yn eu gradd israddedig. Ewch i http://www.barcouncil.org.uk/ i gael rhagor o wybodaeth).

Dylai myfyrwyr â chymwysterau a/neu brofiad proffesiynol amgen a myfyrwyr rhyngwladol edrych ar y wybodaeth 'Cymwysterau Ansafonol' isod.

Cymwysterau ansafonol

Y rheini â graddau o dramor:

 (i) Os ydych yn bwriadu cymhwyso fel cyfreithiwr, dylech gyflwyno eich cais fel arfer, drwy'r Bwrdd Ceisiadau Canolog (CAB).

Ar ôl derbyn eich cais, bydd Prifysgol Abertawe yn asesu cywerthedd eich cymhwyster rhyngwladol drwy gyfeirio at UK NARIC

(ii) Os ydych yn bwriadu cymhwyso fel bargyfreithiwr, dylech gael gafael ar Dystysgrif Statws Academaidd gan Fwrdd Safonau'r Bar

Ymgeiswyr aeddfed â chymwysterau neu brofiad amgen:

Os ydych yn bwriadu cymhwyso naill ai fel cyfreithiwr neu fargyfreithiwr, yna dylech gael gafael ar eich Tystysgrif Statws Academaidd naill ai gan yr Awdurdod Rheoleiddio Cyfreithwyr SRA neu Fwrdd Safonau'r Bar.

Cynhelir Bloc Addysgu 1 (BA1) o fis Medi tan fis Ionawr ac yn ystod y bloc hwn eleni caiff y cwrs hwn ei addysgu mewn ffordd ‘gyfunol’. Golyga hyn y cyflwynir rhywfaint o’r addysgu ar-lein a rhywfaint ohono ar y campws. Gall yr addysgu ar-lein, lle byddwch chi ar wahân i’ch darlithydd yn gorfforol, fod yn ‘fyw’ gyda’ch darlithydd yn bresennol a lle bydd modd i chi ryngweithio. Gall rhywfaint ohoni fod yn hunan-gyfeiriedig sy’n golygu y gallwch chi gyrchu’r deunyddiau dysgu ar adeg sy’n gyfleus i chi. 

Ar y Campws – Yn Fyw

• Rhaglenni sgiliau academaidd
• Cyfarfodydd mentora academaidd (ar yr amod bod modd cadw pellter cymdeithasol a bod staff ar gael)

Ar-lein – Yn Fyw

• Sesiynau sefydlu
• Sesiynau wythnosol mewn grwpiau mawr gyda thimau modiwlau
• Seminarau mewn grwpiau bach ar gyfer pob modiwl, bob yn ail wythnos
• Rhaglen sgiliau academaidd
• Cyfarfodydd mentora academaidd

Ar y Campws – Hunan-gyfeiriedig

• Darllen dan gyfarwyddyd
• Paratoi ar gyfer darlithoedd
• Paratoi ar gyfer seminarau
• Cwisiau
• Cwestiynau hunan-brofi

Ar-lein – Hunan-gyfeiriedig

• Darlithoedd wedi’u recordio
• Cwisiau
• Cwestiynau hunan-brofi
• Gallai gweithgareddau ychwanegol gynnwys, er enghraifft: Blogiau/Flogiau

Dysgwch am sut y cewch eich addysgu gyda’n dogfen Diffiniadau Dysgu ac Addysgu

Rhywfaint o ddarpariaeth

Darperir rhai elfennau o'r cwrs hwn trwy gyfrwng y Gymraeg ond nid oes digon o ddarpariaeth eto i gyrraedd 40 credyd ym mhob blwyddyn. Mae Academi Hywel Teifi yma i'th gefnogi trwy gydol dy amser ym Mhrifysgol Abertawe. Rydym yn cynnig:

• Fynediad at ysgoloriaethau a bwrsariaethau hael ar gyfer astudio trwy gyfrwng y Gymraeg.
• Mynediad at fodiwlau a addysgir yn gyfan gwbl neu'n rhannol yn Gymraeg.
• Mynediad at ap Arwain er mwyn derbyn y diweddaraf am ein cyrsiau a'n modiwlau cyfrwng Cymraeg. Gelli di lawrlwytho'r ap am ddim drwy'r App Store a Google Play.
• Yr opsiwn am gyfweliad trwy gyfrwng y Gymraeg wrth wneud cais am le.
• Yr opsiwn i dderbyn dy ohebiaeth bersonol yn Gymraeg, yn Saesneg neu'n ddwyieithog.
• Yr opsiwn i ysgrifennu a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os wyt ti wedi dewis astudio yn Saesneg), a bydd dy waith yn cael ei farcio yn Gymraeg.
• Mentor Academaidd Cymraeg ei iaith.
• Cefnogaeth un i un i wella dy sgiliau Cymraeg academaidd.
• Cyfle i ennill cymhwyster ychwanegol sy'n dystiolaeth o dy allu Cymraeg i gyflogwyr y dyfodol.
• Cyfle i fod yn aelod o Gangen Prifysgol Abertawe o'r Coleg Cymraeg Cenedlaethol.

Cer i'r dudalen Mae Gen i Hawl am wybodaeth bellach am hawliau myfyrwyr.

Bydd parhau i astudio trwy'r Gymraeg yn:

• ddatblygiad naturiol i ti os wyt ti wedi astudio trwy'r Gymraeg yn yr ysgol neu'r coleg
• ffordd o sicrhau dy gyfle i gael yr addysg orau
• ffordd o dderbyn lefel uchel o gefnogaeth wrth i'r grwpiau astudio fod yn llai
• ychwanegiad gwerthfawr i dy CV a dy ddatblygiad gyrfaol

Mae cyfleoedd ar gael i fyfyrwyr sy'n rhugl ac yn hyderus yn yr iaith yn ogystal ag i'r rhai sy'n llai hyderus neu sy'n ddysgwyr. Mae'n bosibl hefyd dewis dosbarthiadau seminar a thiwtorial cyfrwng Cymraeg ar gyfer modiwlau sy'n cael eu dysgu yn bennaf drwy gyfrwng y Saesneg.

Yr Awdurdod Rheoleiddio Cyfreithwyr, Bwrdd Safonau'r Bar a'r Sefydliad Gweithredwyr Cyfreithiol.

Mae ein graddau ôl-raddedig yn cynnig y cyfle i chi ddysgu gan academyddion sy'n arbenigwyr yn y diwydiant ac sy'n meddu ar brofiad academaidd ac ymarferol cyfoethog. Mae Ysgol y Gyfraith Hillary Rodham Clinton yn gartref i gymuned academaidd fywiog sy'n awyddus i ddeall rhai o faterion mwyaf heriol cymdeithas.

Gallwch gael gwybod mwy am ein harbenigedd academaidd ar ein tudalennau staff.

Gellir codi ffioedd myfyrwyr Israddedig y DU llawn amser yn chwyddiannol mewn blynyddoedd astudio i ddod. Penderfynir ar y swm gan Lywodraeth Cymru.

Bydd ffioedd ar gyfer myfyrwyr UE/Rhyngwladol Israddedig yn cynyddu 3% ar gyfer pob blwyddyn ddilynol o astudio.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Mae bwrsari o £1000 ar gael i raddedigion Prifysgol Abertawe.

Sylwer bod y bwrsariaethau presennol sy’n cael eu harddangos ar gyfer y flwyddyn academaidd 21/22 a gallent newid yn y dyfodol.

Talu Ffioedd Cwrs

• Talwch eich ffioedd cwrs yn llawn wrth gofrestru
• Neu gwnewch dri thaliad mewn rhandaliadau trwy'r flwyddyn.

Myfyrwyr gartref

Taliad llawn wrth/cyn cofrestru

NEU

Dalu mewn tri rhandaliad:

• 33% - 7 Tachwedd 2019
• 33% - 6 Chwefror 2020
• 34% - 7 Mai 2020 

Myfyrwyr rhyngwladol

Taliad llawn wrth/cyn cofrestru

NEU

Dalu mewn tri rhandaliad:

• 50% - Wrth/cyn cofrestru
• 25% - 6 Chwefror 2020
• 25% - 7 Mai 2020

Rhagor o wybodaeth am eich opsiynau talu.

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa
• Cyngor ac arweiniad ar astudio a chyllid i fyfyrwyr ôl-raddedig.
• Ariannu i gefnogi cyfleoedd interniaethau myfyrwyr a digwyddiadau Cymdeithasau/Clybiau Myfyrwyr

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Cyflogadwyedd yn Ysgol y Gyfraith

Mae Ysgol y Gyfraith yn gweithredu mewn modd rhagweithiol er mwyn gwella cyflogadwyedd graddedigion, ac mae ganddi Swyddog Cyflogadwyedd a Lleoliadau penodedig. Mae'r Ysgol yn cynnig amrywiaeth o leoliadau gwaith lleol, cenedlaethol a rhyngwladol, cyrsiau proffesiynol, cyngor a chymorth i'ch helpu i feithrin y sgiliau sydd eu hangen i gyflawni eich uchelgeisiau.

Ceir rhagor o wybodaeth ar ein gwe-dudalen cyflogadwyedd.

Er mwyn cymhwyso fel cyfreithiwr neu fargyfreithiwr, bydd yn rhaid i chi gwblhau'r cam hyfforddi galwedigaethol. Mae Ysgol y Gyfraith Hillary Rodham Clinton yn cynnig Cwrs Ymarfer Cyfreithiol (LPC) llawn amser a rhan amser, a thrwy gwblhau'r cwrs hwnnw yn llwyddiannus, byddwch yn bodloni gofynion yr Awdurdod Rheoleiddio Cyfreithwyr. 

I gael rhagor o wybodaeth am ein LPC, cysylltwch â Michaela Leyshon, Tiwtor Derbyn yr LPC.

Mae nifer gynyddol o raddedigion nad oes ganddynt radd yn y gyfraith yn cael croeso cynnes i'r proffesiwn cyfreithiol, oherwydd ystyrir eu bod yn cynnig safbwynt newydd wrth ymarfer y gyfraith, ac erbyn hyn, mae tua 50% o'r holl gyfreithwyr newydd yn raddedigion o'r fath.  Mae cwblhau GDL Abertawe yn llwyddiannus, a gaiff ei achredu gan yr Awdurdod Rheoleiddio Cyfreithwyr, y Bar ac ILEX, yn bodloni'r holl ofynion academaidd ar gyfer cael eich derbyn i'r cam hyfforddi galwedigaethol fel cyfreithiwr, bargyfreithiwr neu weithredwr cyfreithiol.

Yn ogystal â'r cyfle i weithio mewn cwmnïau a siambrau lleol a chenedlaethol, cyrff cyhoeddus a busnesau, caiff cyfreithwyr cymwys yn y DU hefyd y cyfle i weithio mewn amgylcheddau cyfreithiol ledled y byd.

Yn ogystal â chymorth pwnc penodol gan staff addysgu'r coleg a'ch mentor academaidd personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Cymorth yn Ysgol y Gyfraith

Caiff Mentor Academaidd ei neilltuo i bob myfyriwr er mwyn helpu â'r canlynol:

• Arweiniad Academaidd
• Cynllunio Datblygiad Personol
• Cyngor ar Gyflogadwyedd

Mae gan yr ysgol hefyd Swyddfa Gwybodaeth i Fyfyrwyr a fydd yn gallu cynnig cymorth academaidd drwy gydol eich astudiaethau.

I ddysgu mwy am astudio dramor, ewch i'n tudalennau gwe Go Global. Nid yw cofrestru ar raglen sy'n cynnwys semester/blwyddyn dramor yn gwarantu lleoliad gwaith semester/blwyddyn dramor yn awtomatig. Mae nifer gyfyngedig o leoedd ar gael ac yn amodol ar broses ddethol gystadleuol. Os na fyddwch chi'n llwyddo i ennill lleoliad gwaith semester/blwyddyn dramor, cewch chi eich trosglwyddo i gwrs safonol eich cynllun gradd heb semester neu flwyddyn dramor.

Mae rhaglenni rhyngwladol yr haf ar agor i fyfyrwyr o bob coleg. Fel arfer, mae rhaglenni'n para o 2 i 6 wythnos, ar draws cyrchfannau megis Tsieina, Sambia, De Corea, Siapan, Canada a ledled Ewrop. Am ragor o wybodaeth ynghylch rhaglenni a chymhwysedd, ewch i'n tudalennau gwe Haf Dramor.

Cyflwynir ceisiadau i’r Bwrdd Ceisiadau Canolog ar gyfer y cwrs amser llawn. 

Manylion Cyswllt

I gael rhagor o fanylion, cysylltwch â:

Ms Jess Hammett (Swyddog Recriwtio)  
Ffôn: +44 (0)1792 606341
E-bost: Jess

Ymholiadau Cyffredinol:
Ffôn: +44 (0)1792 295831
E-bost: Study

Ar gyfer Ymholiadau o'r UE/Ymholiadau Rhyngwladol:  
Ffôn: +44 (0)1792 602600
E-bost: International