Gwybodaeth Ddaearyddol A Newid Hinsoddol, MSc

Mae rhan gyntaf yr MSc hwn yn cynnwys modiwlau 20 credyd gorfodol a dewisol ar bynciau megis Systemau Modelu’r Ddaear, Synhwyro o Bell drwy Loeren a Gwyddoniaeth a Pholisi Hinsawdd. Mae'r ail ran yn brosiect ymchwil 60 credyd ar Wybodaeth Ddaearyddol a Newid Hinsawdd.

Fel arfer gradd 2:2 (gyda chyfartaledd o 55%) mewn pwnc cymeradwy. Disgwylir i ymgeiswyr feddu ar sgiliau mathemategol a chyfrifiadurol da.

IELTS 6.5 (gydag o leiaf 6.0 ym mhob elfen) neu gyfwerth.

Asesir y graddau Meistr a addysgir trwy gyfuniad o arholiadau, gwaith cwrs a thraethawd neu brosiect ymchwil.

Os ydych chi’n siarad Cymraeg, mae ein hacademi bwrpasol, Academi Hywel Teifi, yma i’ch cefnogi gydol eich amser ym Mhrifysgol Abertawe. Rydym yn cynnig:

• Cyfweliad cyfrwng Cymraeg wrth wneud cais am le ar gwrs.
• Dewis i gael gohebiaeth bersonol yn y Gymraeg – byddwn yn cyfathrebu yn eich dewis iaith.
• Dewis i ysgrifennu a chyflwyno eich gwaith cwrs, a gwneud eich arholiadau drwy gyfrwng y Gymraeg (hyd yn oed os mai Saesneg yw iaith eich astudiaethau) a gwneir pob ymdrech i’w farcio yn yr iaith wreiddiol.
• Tiwtor personol sy’n siarad Cymraeg.
• Cymorth un-i-un i wella’ch sgiliau Cymraeg academaidd.

Ers 2011, mae cynnydd o 40% wedi bod yn nifer y myfyrwyr sy’n astudio drwy gyfrwng y Gymraeg ym Mhrifysgol Abertawe ac yn ôl ein data *TEF o’r ddwy flynedd ddiwethaf mae myfrywyr Cymraeg eu hiaith yn llwyddiannus iawn o safbwynt cyflogadwyedd (*canlyniadau TEF Prifysgol Abertawe 2017 a 2018).

Byddwch yn cael eich addysgu gan ddarlithwyr o safon fyd-eang sydd oll yn ymchwilio fel rhan o'u swydd. Mae eu gweithgareddau ymchwil mewn meysydd megis newid yn yr hinsawdd, rhewlifeg, trechu tlodi drwy reoli clefydau a risgiau llygredd o ganlyniad i ludw tanau gwyllt i helpu i newid y byd er gwell. 

Yr Athro Siwan Davies, Pennaeth yr Adran 

Dr Joanne Maddern, Cyfarwyddwr Rhaglen

Dr Ian Robertson, Tiwtor Derbyn

Gweld holl staff Daearyddiaeth

Y ffioedd dysgu blynyddol ar gyfer blwyddyn academaidd 2020/21 fydd:

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr rhyngwladol ac astudiaethau rhan-amser: Bellach mae'n bosibl i rai myfyrwyr astudio'n rhan-amser o dan lwybr fisa Haen 4. Mae hyn yn dibynnu ar ffactorau sy'n ymwneud â'r cwrs a'ch sefyllfa unigol. Efallai y bydd yn bosibl astudio gyda ni hefyd os ydych chi eisoes yn y DU o dan gategori fisa gwahanol. Ewch i wybodaeth y Brifysgol am Visas a Mewnfudo am arweiniad a chefnogaeth bellach.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Gallwch wynebu costau ychwanegol yn ystod eich amser yn y Brifysgol, gan gynnwys y canlynol (ond nid yw hon yn rhestr gynhwysfawr):

• Parcio yn y cae hamdden a theithio i'r campws ac oddi yno
• Argraffu, llungopïo, costau deunyddiau a chyfarpar ysgrifennu (e.e. cof bach)
• Prynu llyfrau neu destunau
• Argraffu a rhwymo
• Gŵn ar gyfer seremonïau graddio

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Mae'r MSc Gwybodaeth Ddaearyddol a Newid yn yr Hinsawdd yn gwella eich rhagolygon ar gyfer gyrfa wobrwyol.

Bydd gennych chi gyfleoedd cyflogaeth mewn amwynderau, cynghorau sirol, y diwydiant gwasanaethau amgylcheddol a chyrff rheoleiddio. Bydd gyrfa mewn academia yn y dyfodol hefyd ar agor i chi.

Mae ein graddedigion wedi symud ymlaen i amrywiaeth o rolau hynod ddiddorol. Isod ceir ambell enghraifft.

• Goruchwyliwr safleoedd (Phase Eight)
• Dadansoddwr Data (PHS group)
• Cymorth Rheolwr Cyfrif (Handelsbanken)
• Prosesydd Data Daearyddol (Western Power Distribution)
• Gwyddonydd Dalgylch (Dŵr Cymru)

Yn ogystal â chymorth pwnc penodol gan staff addysgu'r coleg a'ch mentor academaidd personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Mae'n darlithwyr yn gweithredu polisi 'drws agored' felly gallwch sgwrsio â nhw am unrhyw bryderon a allai fod gennych chi. Nid oes yn rhaid i'r rhain fod yn gysylltiedig â'r cwrs; mae'n staff academaidd yno i'ch helpu gydag unrhyw beth o gwbl yn ystod eich amser yn Abertawe.

Mae gan bob cwrs gynrychiolydd myfyrwyr. Maent yno i wneud yn siŵr y clywir llais pob myfyriwr. Eu rôl yw gwrando a throsglwyddo adborth am eich barn, mynychu cyfarfodydd rheolaidd a sicrhau bod y bobl sy'n gwneud newidiadau'n gwrando ar y bobl sy'n cyfrif, sef chi!

Rydym yn cynnig mentora academaidd a mentora cyfoedion. Neilltuir Mentor Academaidd i'n holl fyfyrwyr ar gyrsiau israddedig a fydd yn cynnig arweiniad academaidd i chi yn ogystal â chyngor ar ddod o hyd i gymorth ar faterion personol a'i gyrchu. Nod ein cynllun mentora cyfoedion yw helpu myfyrwyr newydd i ymgartrefu yn eu bywydau prifysgol yma yn Abertawe. Byddwch yn cael cyfle i siarad â'ch mentor a fydd yn gallu rhannu ei brofiadau fel myfyriwr ond hefyd sgwrsio am fywyd myfyrwyr. Mae'r cynllun mentora cyfoedion yn ffordd wych o gwrdd â myfyrwyr ac ehangu eich cylch o ffrindiau yma yn Abertawe.

Gallwch hefyd gael cymorth gyda materion personol o'n hamrywiaeth eang o gefnogaeth i fyfyrwyr megis BywydCampws, Gwasanaethau Cymorth Cynhwysol i Fyfyrwyr a'r Ganolfan Llwyddiant Academaidd

Dylech wneud cais drwy system ymgeisio fewnol y Brifysgol.

I gael rhagor o gyngor, ewch i’n tudalennau sut i wneud cais ar gyfer astudio ôl-radd.