Cyfrifiadureg Uwch gyda Blwyddyn mewn Diwydiant, MSc

Gradd anrhydedd 2:1 (neu uwch) mewn Cyfrifiadureg neu ddisgyblaeth berthnasol arall.

IELTS 6.0 (gyda lleiafswm o 5.5 ymhob elfen) neu brawf Saesneg cyfatebol.

Sylwer bod nifer cyfyngedig ar y rhaglen hon – gweler 'Sut i wneud cais' am ragor o wybodaeth ynghylch gofynion.

Byddwch yn cael eich asesu drwy gyfuniad o arholiadau ysgrifenedig, gwaith cwrs a thraethawd hir ar y cwrs.

Os wyt ti'n siarad Cymraeg, mae Academi Hywel Teifi, yma i'th gefnogi gydol dy amser ym Mhrifysgol Abertawe o safbwynt dy astudiaethau a'th brofiad myfyriwr. Mae Prifysgol Abertawe yn cynnig:

• Cyfweliad cyfrwng Cymraeg wrth wneud cais am le ar gwrs.
• Dewis i gael gohebiaeth bersonol yn y Gymraeg – byddwn yn cyfathrebu yn dy ddewis iaith.
• Dewis i ysgrifennu a chyflwyno dy waith cwrs, a sefyll dy arholiadau drwy gyfrwng y Gymraeg (hyd yn oed os mai Saesneg yw iaith dy astudiaethau) a gwneir pob ymdrech i'w farcio'r gwaith yn yr iaith wreiddiol.
• Tiwtor personol sy'n siarad Cymraeg.
• Cymorth un-i-un i loywi dy sgiliau Cymraeg academaidd.

Ers 2011, mae cynnydd o 113% wedi bod yn nifer y myfyrwyr sy'n astudio trwy gyfrwng y Gymraeg ym Mhrifysgol Abertawe ac yn ôl ein data TEF yn 2017 a 2018 mae myfyrwyr Cymraeg eu hiaith yn llwyddiannus iawn o safbwynt cyflogadwyedd.

Byddwch yn ymuno â'r gymuned Gyfrifiadura ac yn cael eich addysgu gan ddarlithwyr o'r radd flaenaf sy'n frwdfrydig am eu hymchwil ac sy'n gweithio tuag at Nodau Cynaliadwyedd y Cenhedloedd Unedig i lywio'r byd er gwell . Mae ein meysydd ymchwil yn cynnwys cryptoarian, diogelwch data, seiberderfysgaeth a thechnolegau rhyngweithio'r dyfodol.

Yr Athro Arnold Beckmann Pennaeth Adran

Dr Monika Seisenberger, Cyfarwyddwr y Rhaglen

Dr Liam O’Reilly, Tiwtor Derbyn

Dr Phillip James, Tiwtor Derbyn

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Yn ogystal â chymorth pwnc penodol gan staff addysgu'r coleg a'ch mentor academaidd personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Mae gan ein darlithwyr bolisi 'drws agored' er mwyn i chi allu trafod unrhyw bryderon a allai fod gennych â nhw. Nid oes yn rhaid i'r rhain fod yn gysylltiedig â'r cwrs. Mae ein staff academaidd yno i'ch helpu gydag unrhyw beth  yn ystod eich amser yn Abertawe.

Mae cynrychiolydd myfyrwyr ar bob cwrs. Maent yno i sicrhau y gwrandewir ar lais pob myfyriwr. Eu rôl yw gwrando ar eich barn a throsglwyddo adborth yn seiliedig arni, mynychu cyfarfodydd rheolaidd a sicrhau bod y sawl sy'n gallu gwneud newidiadau’n gwrando ar y bobl sy’n cyfrif, sef chi!

Rydym yn cynnig mentora academaidd a mentora cymheiriaid.  Neilltuir Mentor Academaidd i bob myfyriwr ar gwrs israddedig a fydd yn cynnig nid yn unig Arweiniad Academaidd ond cyngor ar gyllid a chyrchu cymorth ar gyfer materion personol. Mae ein cynllun Mentora Cymheiriaid ar waith i helpu  myfyrwyr newydd i ymgartrefi ym mywyd prifysgol yma yn Abertawe. Byddwch yn cael cyfle i siarad â'ch mentor a fydd yn gallu siarad â chi am ei brofiadau fel myfyriwr a hefyd sgwrsio am fywyd fel myfyriwr. Mae'r cynllun mentor cymheiriaid yn ffordd wych o gwrdd â myfyrwyr ac ehangu eich cylch o ffrindiau tra byddwch yn Abertawe.

Gallwch hefyd gael cymorth gyda materion personol gan amrywiaeth eang o wasanaethau i fyfyrwyr megis BywydCampws, Gwasanaethau Cymorth Cynhwysol i Fyfyrwyr a'r Ganolfan dros Lwyddiant Academaidd.

Gwnewch gais nawr – myfyrwyr rhyngwladol.

Bydd angen i chi ddarparu datganiad personol sy'n mynd i'r afael â'r 2 gwestiwn canlynol:

Cwestiwn 1: beth y gallaf ei gynnig i'r lleoliad diwydiannol?

Cwestiwn 2: Beth ydw i'n gobeithio ei ennill o'r profiad diwydiannol?

Y dyddiad cau yw 30 Mehefin 2019. Dyddiad y cyfarfod dethol yw 8 Gorffennaf.

Rhaid i'ch cais gynnwys yr wybodaeth ganlynol:

Trawsgrifiad academaidd (gan gynnwys strwythur graddio)
Tystiolaeth o unrhyw wobrwyon/gwobrau academaidd yr ydych wedi eu cael ar gyfer rhagoriaeth academaidd
Datganiad personol yn ymdrin â chwestiynau a restrir uchod
Cv
Tystiolaeth o unrhyw gyflawniadau chwaraeon/profiad gwirfoddoli/cymwysterau proffesiynol
Bydd llythyrau o gefnogaeth yn ffurfio rhan o'r broses ddethol a chi sy'n gyfrifol am sicrhau bod eich canolwyr enwebedig yn cyflwyno geirdaon erbyn y dyddiad cau
Am arweiniad pellach ewch i'n Tudalen sut i wneud cais.

Sylwer bod y cwrs hwn ar gyfer myfyrwyr rhyngwladol yn unig. Mae proses ddethol ar gyfer y cwrs hwn – gweler yr adran sut i wneud cais