Cyfieithu A Chyfieithu Ar Y Pryd, MA

Byddwch yn astudio nifer benodol o fodiwlau gorfodol a dewisol 20 credyd ar gyfieithu a dehongli uwch, cyn astudio modiwl 60 credyd ar ddau gyfieithiad estynedig, neu draethawd hir academaidd, neu interniaeth 13 wythnos mewn cwmni cyfieithu.

Mae'r modiwlau'n cwmpasu cyfieithu a dehongli uwch ar gyfer nifer o ieithoedd gwahanol mewn cyd-destunau a diwydiannau gwahanol. Ceir modiwlau arbenigol ar gyfer dehongli busnes, iechyd a'r gyfraith.

Gradd gyntaf, fel arfer mewn Cyfieithu, Iaith neu bwnc cysylltiedig, gyda 2:1 neu uwch fel arfer (neu'r hyn sy’n cyfateb i hynny). Fel arall, rydym yn derbyn o leiaf ddwy flynedd o brofiad proffesiynol perthnasol. Rhaid i fyfyrwyr o dramor allu dangos cymhwysedd Saesneg ar lefel IELTS 6.5 (neu'r hyn sy'n cyfateb i hynny).

Rhan Un – Bydd myfyrwyr amser llawn yn dilyn tri modiwl 20 credyd (10 ECTS) mewn dau dymor, tra bydd myfyrwyr rhan amser yn gallu rhannu'r un gwaith yn hyblyg dros bedwar tymor. Mae pedwar modiwl gorfodol:  Sylfeini Cyfieithu a Dehongli, Adnoddau Cyfieithu, ac un modiwl Cyfieithu Uwch o'r amrywiaeth o barau iaith a restrir uchod, ac un o'r tri modiwl Dehongli. Yna bydd myfyrwyr yn dewis dau fodiwl dewisol. Mae’r rhain yn cynnwys: ail fodiwl Cyfieithu Uwch, ail fodiwl Dehongli, Hanes a Theori Cyfieithu, Technolegau Cyfieithu, Addasu Clywedol, Rheoli Terminoleg, Profiad Gwaith ym maes Cyfieithu, neu (yn amodol ar niferoedd) Creu Fideo a Rhaglen Ddogfen. Gellir hefyd ddewis astudio iaith newydd yn ddwys (Ffrangeg, Almaeneg, Eidaleg, Mandarin neu Sbaeneg), neu ailafael mewn iaith ar lefel ganolraddol (Ffrangeg, Almaeneg, neu Sbaeneg) nas astudiwyd ers yr ysgol uwchradd. 

Rhan Dau - Prosiect unigol 60 credyd (30 ECTS) y bydd myfyrwyr amser llawn yn ei gyflawni dros yr haf, tra bydd myfyrwyr rhan amser yn cael hyd at flwyddyn arall. Gall y prosiect fod ar dair ffurf:

Dau Gyfieithiad Estynedig gyda sylwadau. Caiff y rhain eu dewis gan y myfyriwr ac maent yn cynnig y cyfle i ddatblygu meysydd arbenigol. Rhaid i o leiaf un fod yn dechnegol a chael ei wneud gan ddefnyddio prif adnodd CAT: neu

Interniaeth (15,000-20,000 o eiriau). Gall hyn fod, ar bwnc Astudiaethau Cyfieithu neu Ddehongli, cymharu dau neu fwy o gyfieithiadau a gyhoeddwyd, ymchwil i derminoleg mewn maes arbenigol, neu ymchwilio i dechnoleg cyfieithu. Mae'r traethawd hir yn gyfle i baratoi ar gyfer gwaith PhD, ond gall hefyd fod yn werthfawr i ddynodi arbenigedd proffesiynol; neu

Interniaeth (13 wythnos amser llawn, pro rata rhan amser). Dyma'r opsiwn mwyaf galwedigaethol a gellir ei wneud dramor. Mae ein rhestr hir o gysylltiadau proffesiynol ar gael i fyfyrwyr ond rhaid iddynt wneud eu ceisiadau eu hunain i gwmnïau a llwyddo mewn profion derbyn.

Os wyt ti'n siarad Cymraeg, mae Academi Hywel Teifi, yma i'th gefnogi gydol dy amser ym Mhrifysgol Abertawe o safbwynt dy astudiaethau a'th brofiad myfyriwr. Mae Prifysgol Abertawe yn cynnig:

• Cyfweliad cyfrwng Cymraeg wrth wneud cais am le ar gwrs.
• Dewis i gael gohebiaeth bersonol yn y Gymraeg – byddwn yn cyfathrebu yn dy ddewis iaith.
• Dewis i ysgrifennu a chyflwyno dy waith cwrs, a sefyll dy arholiadau drwy gyfrwng y Gymraeg (hyd yn oed os mai Saesneg yw iaith dy astudiaethau) a gwneir pob ymdrech i'w farcio'r gwaith yn yr iaith wreiddiol.
• Tiwtor personol sy'n siarad Cymraeg.
• Cymorth un-i-un i loywi dy sgiliau Cymraeg academaidd.

Ers 2011, mae cynnydd o 113% wedi bod yn nifer y myfyrwyr sy'n astudio trwy gyfrwng y Gymraeg ym Mhrifysgol Abertawe ac yn ôl ein data TEF yn 2017 a 2018 mae myfyrwyr Cymraeg eu hiaith yn llwyddiannus iawn o safbwynt cyflogadwyedd.

• Susanne Arenhovel
• Ariotti, Chiara (Ms)
• Professor Tom Cheesman
• Dr Lloyd Davies
• Dr Giovanna Donzelli
• Salwa El-Awa
• Dr Maria Fernandez-Parra
• Ms Christiane Güenther
• Dr Brigid Haines
• Mr Julien Hamilton-Hart
• Dr Gregory Herman
• Dr Kathryn Jones
• Mrs Ute Keller-Jenkins
• Dr Joanne Langley
• Dr Federico Lopez-Terra
• Dr Geraldine Lublin
• Huicong Luo (Tanya)
• Mrs Tanya May
• Dr Rocio Perez Tattam
• Professor Julian Preece
• Mrs Adriana Rizzo-Dunnage
• Dr Catherine Rodgers
• Dr Patricia Rodriguez-Martinez
• Professor Andy Rothwell
• Sophie Rouys
• Dr Sabrina Wang
• Dr Alison Williams

Y ffioedd dysgu blynyddol ar gyfer blwyddyn academaidd 2020/21 fydd:

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr rhyngwladol ac astudiaethau rhan-amser: Bellach mae'n bosibl i rai myfyrwyr astudio'n rhan-amser o dan lwybr fisa Haen 4. Mae hyn yn dibynnu ar ffactorau sy'n ymwneud â'r cwrs a'ch sefyllfa unigol. Efallai y bydd yn bosibl astudio gyda ni hefyd os ydych chi eisoes yn y DU o dan gategori fisa gwahanol. Ewch i wybodaeth y Brifysgol am Visas a Mewnfudo am arweiniad a chefnogaeth bellach.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Gallwch wynebu costau ychwanegol yn ystod eich amser yn y Brifysgol, gan gynnwys y canlynol (ond nid yw hon yn rhestr gynhwysfawr):

• Parcio yn y cae hamdden a theithio i'r campws ac oddi yno
• Argraffu, llungopïo, costau deunyddiau a chyfarpar ysgrifennu (e.e. cof bach)
• Prynu llyfrau neu destunau
• Argraffu a rhwymo
• Gŵn ar gyfer seremonïau graddio

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Yn ogystal â chymorth pwnc penodol gan staff addysgu'r coleg a'ch mentor academaidd personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Mae ein myfyrwyr yn bwysig i ni a'n nod yw sicrhau eich bod yn ennill y dosbarth gradd gorau. Mae gennym system mentora personol lle y dyrennir mentor academaidd i chi. Mae gennym hefyd bolisi "drws agored" lle mae ein hathrawon academaidd ar gael i siarad â chi ar unrhyw adeg am unrhyw ymholiadau neu bryderon academaidd a allai fod gennych.

Dylech wneud cais drwy system ymgeisio fewnol y Brifysgol.

I gael rhagor o gyngor, ewch i’n tudalennau sut i wneud cais ar gyfer astudio ôl-radd.