Peirianneg Sifil gyda Diwydiant, MSc

Mae blwyddyn gyntaf y radd MSc yn cynnwys modiwlau 10-credyd gorfodol a dewisol ar bynciau sy'n cynnwys dynameg a dadansoddi dros dro, plastigrwydd cyfrifiadurol, dylunio strwythurau arfordirol a rhyngweithiad strwythurau hylifol, yn ogystal â phrosiect grŵp 30-credyd.

Byddwch yn treulio eich ail flwyddyn gyfan yn cwblhau prosiect traethawd hir, sydd werth 60 o gredydau.

Mae’r cwrs hwn ar gael i fyfyrwyr rhyngwladol yn unig.

Gofynion mynediad arferol y cwrs MSc Peirianneg Electronig a Thrydanol gyda Diwydiant yw gradd anrhydedd 2:2 (neu uwch) mewn Peirianneg Electronig a Thrydanol neu ddisgyblaeth beirianegol neu wyddonol berthnasol. Noder bod nifer cyfyngedig o leoedd ar gael ar y rhaglen hon - gweler ‘Sut i ymgeisio’ am wybodaeth bellach ynglŷn â’r gofynion.

Mae'r Swyddfa Derbyn Ôl-raddedigion yn falch o roi cyngor i chi ar b'un a yw eich cymwysterau yn bodloni gofynion mynediad y cwrs yr hoffech ei astudio. Anfonwch neges e-bost i admissions@abertawe.ac.uk i gael rhagor o wybodaeth.

Os nad Saesneg yw eich iaith gyntaf bydd angen marc llwyddo derbyniol mewn cymhwyster Saesneg cymeradwy arnoch er mwyn gwneud yn siŵr y byddwch yn gallu manteisio i'r eithaf ar eich astudiaethau yn Abertawe. Rydym yn ystyried amrywiaeth eang o gymwysterau, gan gynnwys Prawf Saesneg Prifysgol Abertawe, prawf IELTS y British Council (gyda sgôr o 6.5 a 5.5 o leiaf ym mhob elfen). Ceir rhestr lawn o brofion Saesneg derbyniol yn:
https://www.swansea.ac.uk/admissions/english-language-requirements

Mae'r Coleg yn defnyddio amrywiaeth o ddulliau addysgu gan gynnwys; gwaith grŵp dysgu / darlithio, gwaith grŵp bach, seiliedig ar labordy, prosiect / aseiniad, defnydd o Blackboard. Mae darlithoedd yn gynyddol yn edrych ar y defnydd o recordio darlithoedd, dysgu cyfunol a dysgu symudedig.  

Mae manylion llawn y dulliau a ddefnyddir ym mhob modiwl i'w gweld yn y disgrifiadau modiwl yn y llawlyfrau pwnc penodol.

Rhywfaint o ddarpariaeth

Darperir rhai elfennau o'r cwrs ôl-raddedig hwn trwy gyfrwng y Gymraeg ond nid oes digon o ddarpariaeth eto i gyrraedd 40 credyd ym mhob blwyddyn. Gall Cyfarwyddwr Rhaglen amlinellu union natur y ddarpariaeth cyfrwng Cymraeg.

Mae Academi Hywel Teifi yma i'th gefnogi trwy gydol dy amser ym Mhrifysgol Abertawe. Rydym yn cynnig:

• Mynediad at ysgoloriaethau a bwrsariaethau ar gyfer astudio trwy gyfrwng y Gymraeg.
• Mynediad at ap Arwain er mwyn derbyn y diweddaraf am ein cyrsiau a'n modiwlau cyfrwng Cymraeg. Gelli lawrlwytho'r ap am ddim drwy'r App Store a Google Play.
• Cyfweliad trwy gyfrwng y Gymraeg wrth wneud cais am le.
• Gohebiaeth bersonol yn Gymraeg, yn Saesneg neu'n ddwyieithog.
• Cyfle i lunio a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os wyt ti wedi dewis astudio yn Saesneg), a bydd dy waith yn cael ei asesu yn Gymraeg.
• Mentor Academaidd Cymraeg ei iaith.
• Cefnogaeth un i un i wella dy sgiliau Cymraeg academaidd.
• Cyfle i ennill cymhwyster ychwanegol sy'n dystiolaeth o dy allu Cymraeg i gyflogwyr y dyfodol.
• Aelodaeth o Gangen Prifysgol Abertawe o'r Coleg Cymraeg Cenedlaethol.

Cer i'r dudalen Mae Gen i Hawl am wybodaeth bellach am hawliau iaith Gymraeg myfyrwyr.

Bydd parhau i astudio trwy'r Gymraeg yn:

• ddatblygiad naturiol i ti os wyt ti wedi astudio trwy'r Gymraeg ar lefel israddedig.
• ffordd o sicrhau dy gyfle i gael yr addysg orau.
• ffordd o dderbyn lefel uchel o gefnogaeth wrth i'r grwpiau astudio fod yn llai.
• ychwanegiad gwerthfawr i dy CV a dy ddatblygiad gyrfaol.

Bydd y staff academaidd canlynol yn addysgu eich gradd Peirianneg Sifil:

• Dr Jude Clancy
• Professor Eduardo De Souza Neto
• Professor Michael Edwards
• Professor Yuntian Feng
• Professor Antonio Gil
• Dr Gunmo Gu
• Professor Oubay Hassan
• Professor Harshinie Karunarathna
• Dr Chenfeng Li
• Dr Antonio Martinez
• Professor Ken Morgan
• Professor Perumal Nithiarasu
• Professor Djordje Peric
• Professor Dominic Reeve
• Dr Ruben Sevilla
• Dr Clare Wood
• Dr Patricia Xavier
• Dr Yunqing Xuan
• Dr Xiaojun (Ping) Yin

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Yn ogystal â chymorth pwnc penodol gan staff addysgu'r coleg a'ch mentor academaidd personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Ymgeisiwch nawr – Myfyrwyr rhyngwladol.

Bydd angen i ymgeiswyr gyflwyno datganiad personol sy’n ateb y ddau gwestiwn canlynol:

 Cwestiwn 1: Beth y gallaf ei gynnig i’r lleoliad diwydiannol?

 Cwestiwn 2: Beth rwyf yn gobeithio ei ennill o’r profiad diwydiannol?

Mae’n rhaid i’ch cais gynnwys yr wybodaeth ganlynol: 

1. Trawsgrifiad Academaidd (gan gynnwys strwythur y graddau)
2. Tystiolaeth o wobrau/anrhydeddau academaidd rydych wedi eu hennill am ragori’n academaidd
3. Datganiad personol sy’n ateb y ddau gwestiwn a nodir uchod
4. CV
5. Tystiolaeth o lwyddiannau o ran chwaraeon, profiad gwirfoddol, cymwysterau proffesiynol
6. Hefyd noder y bydd llythyrau cefnogol yn rhan o’r broses ddewis, a’chcyfrifoldeb chi fydd sicrhau y bydd eich canolwyr enwebedig yn cyflwyno geirdaon erbyn y dyddiad cau.

 I gael rhagor o gyngor, ewch i’n tudalennau sut i gyflwyno cais ar gyfer astudiaethau ôl-raddedig.

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.

Ni ellir astudio opsiwn rhan-amser y cwrs hwn ochr yn ochr â chyflogaeth llawn amser.

Os ydych eisiau trafod yr oriau gofynnol ac amserlen y cwrs, cysylltwch â ni drwy e-bostio engineering@swansea.ac.uk neu ffonio 01792 295514

Mae’r cwrs hwn yn cynnwys cyfnod o 32 wythnos ar fodiwl profiad diwydiannol (EG-M39). Yn y rhan fwyaf o achosion bydd hyn yn gymysgedd o leoliad yn y brifysgol ac amser mewn lleoliad diwydiannol â thâl . Bydd pob myfyriwr mewn diwydiant yn derbyn arweiniad agos gan staff academaidd ym Mhrifysgol Abertawe.

Cyfrifoldeb y myfyriwr yw sicrhau lleoliad addas gyda chymorth gan staff y Brifysgol. Yn anffodus, ni allwn warantu y cewch leoliad. Lle bo’n bosibl, caiff lleoliadau eu sicrhau cyn recriwtio, bydd angen i fyfyrwyr sicrhau gweddill y prosiectau lleoliad gyda chefnogaeth gan staff y Brifysgol a bydd y broses hon yn digwydd yn ystod mis Hydref – mis Mehefin yn y flwyddyn gyntaf.