1. Hafan
  2. Y Brifysgol
  3. Astudio
  4. Mynd Yn Fyd-Eang
  5. Cyfleoedd Byd-eang
  6. Rhaglenni Byr a Rhaglenni Haf
  7. Ysgol Haf SDU

Ysgol Haf SDU

Ysgol Haf SDU

Students in front of university

Ysgol Haf SDU

Ymunwch â myfyrwyr sy'n hanu o fwy na 40 gwlad am Ysgol Haf ryngwladol ddwys a fydd yn para pythefnos yn rhithwir ym mis Awst. Byddwch yn profi ymagwedd y Daniaid at addysgu ac yn ymdrochi yn iaith a diwylliant Denmarc yr haf hwn!

Beth mae'n cynnwys?

  • Pythefnos o addysgu yn y maes pwnc o'ch dewis
  • Dewis o restr gynhwysfawr o gyrsiau ym maes Peirianneg, Gwyddoniaeth a Busnes
  • Dysgu mewn grŵp bach
  • Gweithgareddau cymdeithasol rhithwir

Costau a Dyddiadau

Hyd: Pythefnos
Dyddiadau: Dydd Llun 9 Awst i ddydd Gwener 20 Awst 2021
Cost safonol y rhaglen: mae'n amrywio gan ddibynnu ar y maes pwnc

Bydd myfyrwyr sy'n ymgeisio am gyllid gan Ewch yn Fyd-eang ac yn ei dderbyn yn talu ffracsiwn o gost safonol y rhaglen yn unig.  Ar ôl ystyried y cyllid, bydd cost gyffredinol eich rhaglen yn lleihau. Gweler isod drosolwg o gostau'r rhaglenni gwahanol fesul maes pwnc, y mae angen eu talu'n uniongyrchol i SDU ar ôl i chi gael eich derbyn:

Os ydych chi'n astudio cwrs mewn Peirianneg a Gwyddoniaeth, ar ôl i chi dderbyn bwrsariaeth Ewch yn Fyd-eang bydd cost eich rhaglen yn lleihau i'r canlynol:

£200 (myfyrwyr nad ydynt yn rhai Ehangu Cyfranogiad)
£100 (myfyrwyr Ehangu Cyfranogiad)

Os ydych chi'n astudio cwrs mewn Busnes a'r Gwyddorau Cymdeithasol, ar ôl i chi dderbyn bwrsariaeth Ewch yn Fyd-eang bydd cost eich rhaglen yn lleihau i'r canlynol:

£95 (myfyrwyr nad ydynt yn rhai Ehangu Cyfranogiad)
£47 (myfyrwyr Ehangu Cyfranogiad)

Os ydych chi'n astudio cwrs yn y Dyniaethau, ar ôl i chi dderbyn bwrsariaeth Ewch yn Fyd-eang bydd cost eich rhaglen yn lleihau i'r canlynol:

£90 (myfyrwyr nad ydynt yn rhai Ehangu Cyfranogiad)
£45 (myfyrwyr Ehangu Cyfranogiad)

 

Rydych chi'n gymwys ar gyfer 'Ehangu Cyfranogiad'...

  • os chi yw cenhedlaeth gyntaf eich teulu i fynd i'r brifysgol
  • os ydych chi wedi datgan bod incwm blynyddol eich aelwyd yn llai na £30,000 fel rhan o'ch cais am Gyllid Myfyrwyr
  • os ydych chi'n gadael gofal, yn rhoddwr gofal, yn fyfyriwr wedi'i ymddieithrio o'i deulu, yn ffoadur neu'n geisiwr lloches

Sut i gyflwyno cais?

Ceir rhagor o wybodaeth a manylion am sut i gyflwyno cais ar wefan SDU ac yn y llyfryn haf.

Dyddiad cau ar gyfer cyflwyno ceisiadau: Dydd Llun 10 Mai 2021

Sut Gallaf Gyflwyno Cais?

Mae cyllid yn gyfyngedig a chaiff ei ddyfarnu ar sail y cyntaf i'r felin. Mae myfyrwyr israddedig presennol Prifysgol Abertawe yn gymwys i ymgeisio.Gall myfyrwyr ôl-raddedig gyflwyno cais am gyllid hefyd, ond mae'n rhaid iddynt ddarparu tystiolaeth bod eu goruchwyliwr academaidd yn cymeradwyo eu cyfranogiad.

  1. Cyflwyno cais am gyllid Ewch yn Fyd-eang drwy ddefnyddio un ffurflen syml:
    Lawrlwythwch y Ffurflen Gais am Gyllid Haf Rhithwir 2021 a'i dychwelyd drwy e-bost i a.harry@abertawe.ac.uk. Yna byddwn ni'n gwirio eich cymhwysedd ac yn cadarnhau a fyddwch yn derbyn cyllid. Fel rhan o hyn, byddwn ni'n gwirio'n awtomatig a ydych chi'n gymwys i dderbyn y cyllid Ehangu Cyfranogiad. Bydd lefel y cyllid a ddyfernir yn dibynnu ar gost eich rhaglen. Nid ariennir rhaglenni yn llawn. Bydd y tîm Ewch yn Fyd-eang yn cadarnhau eich cymhwysedd ac yn anfon Cytundeb Cyfranogiad atoch i'w lofnodi.
  2. Cyflwyno cais i'r rhaglen haf rithwir o'ch dewis:
    Cyflwynwch gais i'r rhaglen o'ch dewis yn uniongyrchol. Bydd arnom angen cadarnhad eich bod wedi'ch derbyn ar y cwrs.

Dechrau eich rhaglen:
Ni fyddwn yn prosesu’r cyllid tan inni dderbyn tystiolaeth eich bod wedi'ch derbyn a'ch cofrestru, ac ar ôl i ddarparwr eich rhaglen lofnodi ein ffurflen Cadarnhau Dechrau. Sylwer bod hyn yn golygu y byddwch yn derbyn eich cyllid ar ôl i’ch rhaglen ddechrau. Meddyliwch am hyn wrth ichi gyllidebu.