1. Cartref i Fyfyrwyr Presennol
  2. Byw yn Abertawe
  3. Llety i Fyfyrwyr
  4. Gwybodaeth am ymadael

Gwybodaeth am ymadael

Amser symud allan o dy lety Prifysgol?

Gobeithio dy fod wedi mwynhau dy amser yn byw ym mhreswylfeydd Prifysgol Abertawe.

Dyma rai awgrymiadau i dy helpu wrth ymadael. Oherwydd dy fod yn gyfrifol am gyflwr dy ystafell a mannau cymunedol dy lawr, dy fflat neu dy dŷ tan ddiwedd dy gontract, rydym wedi llunio rhestr wirio o'r pethau y bydd angen i ti eu gwneud cyn i ti adael.

Cofia, os byddi di'n gadael dy lety'n gynharach na dyddiad diwedd dy gontract, bydd dy ymrwymiad dan gontract neu dy ymrwymiad ariannol yn dal i fod yn berthnasol.

Rhestr Wirio ar gyfer Ymadael

  • Glanha'r mannau cymunedol, megis dy gegin a'r ystafelloedd ymolchi 
  • Cer â dy holl eiddo o dy lety, gan gynnwys dy ystafell a'r mannau cymunedol
  • Dylet ti gloi drws dy ystafell wely a'r ffenestri yn dy lety er mwyn atal unrhyw un rhag cael mynediad i dy ystafell ar ôl i ti adael
  • Rho wybod am unrhyw ddifrod cyn i ti adael
  • Dychwela unrhyw gyfarpar rwyt ti wedi'u benthyca
  • Dychwelwch eich allweddi i Dderbynfa'ch Safle (neu'r blwch casglu allweddi y tu allan i'r oriau agor) cyn 10am ar ddiwrnod olaf eich contract
  • Cwblhewch ein Ffurflen Gwiriadau Cyn Gadael Ar-lein

Anfon dy bost ymlaen

Os wyt ti wedi trefnu bod post yn cael ei ddanfon i dy gyfeiriad preswyl, cysyllta â dy fanc, dy ddarparwr cerdyn credyd ac unrhyw bartïon perthnasol eraill i roi dy gyfeiriad newydd iddynt. Mae digon o dempledi llythyrau safonol ar y we i dy helpu.

Fel arall, gelli di drefnu arallgyfeirio dy bost drwy'r Post Brenhinol, er mwyn cael anfon dy bost i dy gyfeiriad newydd, neu i dy gartref y tu allan i'r tymor.

Mae gwybodaeth lawn ar gael ar wefan y Post Brenhinol. Rhaid talu am y gwasanaeth hwn, a thithau fydd yn gyfrifol am dalu.

Rhoddion elusennol

Os wyt ti'n penderfynu cael gwared â phethau o dy ystafell wrth i ti bacio, gelli di roi dy eitemau diangen, megis dillad, esgidiau, llyfrau, cryno ddisgiau, DVDs, ategolion a bric-a-brac, i elusen.

Mae banciau elusen Sefydliad Prydeinig y Galon ar:

  • Gampws y Bae ger Preswylfeydd Dolbadarn
  • Campws Singleton ym maes parcio Preseli

Dylid mynd â bwyd, dillad gwely ac eitemau trydanol i dderbynfeydd y preswylfeydd er mwyn eu rhoddi. Mae'n werth cysylltu â siopau elusennol lleol neu lochesi yn Abertawe i ofyn a oes angen eitemau arnynt neu a ydynt am roddion. Bydd gweithio gydag elusennau lleol yn helpu i osgoi gormod o wastraff a sbwriel.

Storio

Os oes angen i ti storio eiddo cyn i ti symud i mewn i dy gartref newydd, mae nifer o gwmnïau storio yn yr ardal. Rydym ni'n awgrymu dy fod yn cynllunio ymlaen llaw ac yn siopa ar-lein er mwyn dod o hyd i bris da. Nid yw'r Brifysgol yn gyfrifol am drefnu hyn na thalu costau sy'n ymwneud â storio eitemau.