Nyrsio (Anableddau Dysgu), BSc (Anrh)

Diwrnod Agored

Cadwch Mewn Cysylltiad

Bydd eich ffioedd dysgu yn cael eu talu'n llawn

os gallwch chi ymrwymo i weithio yng Nghymru am ddwy flynedd ar ôl graddio

Manylion Allweddol y Cwrs

3 Blynedd Llawn Amser

Côd UCAS: B762
Dull Astudio: Dysgu Cyfunol
Cynnig Nodweddiadol (gweler dewisiadau arall): BBB
Lleoliad: Campws Parc Singleton

Dyddiad Dechrau	Ffioedd Dysgu - Blwyddyn 1
Med 2024	GIG

Trosolwg o'r Cwrs

Bydd ein cwrs gradd Nyrsio Anabledd Dysgu yn rhoi’r sgiliau a’r profiad i chi lansio gyrfa werth chweil yn y proffesiwn amrywiol a hanfodol hwn.

Yn ystod y rhaglen BSc tair blynedd hon sydd wedi’i hintegreiddio’n ofalus, byddwch yn dysgu sut mae mabwysiadu dull rhychwant oes o nyrsio person gydag anabledd dysgu. Wrth i chi symud ymlaen, bydd ein hystod o strategaethau dysgu ac addysgu yn datblygu eich meddwl beirniadol i'ch galluogi i adnabod anghenion amrywiol a chymhleth pobl ag anableddau dysgu; gwneud diagnosis nyrsio cywir a chynllunio a gwerthuso'r gofal sydd ei angen. Byddwch yn dysgu sut mae darparu gofal effeithiol i bobl ag anabledd dysgu a all fod ag afiachusrwydd iechyd lluosog yn ogystal â heriau iechyd meddwl, corfforol, gwybyddol neu ymddygiadol, gan alluogi ymarferwyr i allu cefnogi pobl ag anableddau dysgu o unrhyw oedran.

Digwydda hanner eich addysgu yn y brifysgol ar Gampws Parc Singleton, a'r hanner arall mewn lleoliadau gofal iechyd. Mae gennym berthnasoedd gwaith rhagorol gyda nifer o ddarparwyr gofal iechyd, felly byddwch yn cael mynediad at ystod eang o brofiadau clinigol ar draws de orllewin Cymru.

Pam Nyrsio Anabledd Dysgu ym Mhrifysgol Abertawe?

Mae gennym enw rhagorol am nyrsio yn Abertawe ac rydym yn y 10 uchaf yn y DU am Nyrsio (The Times and Sunday Times Good University Guide 2024).

Mae ein staff academaidd yn nyrsys cymwys, yn feddygon, ac yn weithwyr proffesiynol perthynol i iechyd, y mae llawer ohonynt hefyd yn glinigwyr wrth eu gwaith, gan ddarparu cyfuniad eithriadol o drylwyredd damcaniaethol, mewnwelediad proffesiynol, ac arbenigedd ymarferol.

Mae gennym gysylltiadau cryf iawn â byrddau iechyd yng Nghymru, gan agor cyfleoedd lleoliadau clinigol i chi mewn ysbytai neu dimau iechyd meddwl cymunedol mewn lleoliadau trefol a gwledig.

Os ydych yn fyfyriwr yn y DU sy’n gallu ymrwymo i weithio yng Nghymru am ddwy flynedd ar ôl graddio, gallech gael eich ffioedd dysgu wedi’u talu’n llawn drwy Gynllun Bwrsariaeth GIG Cymru, yn ogystal â chyllid cynhaliaeth a benthyciad cyfradd is gan Gyllid Myfyrwyr.

A wnewch chi weld ein tudalen we Ariannu’r GIG i wirio a ydych yn gymwys am gyllid cyn gwneud cais.

Eich Profiad Nyrsio Anabledd Dysgu

Mae ein cyfleusterau rhagorol yn cynnwys swît glinigol realistig fel y gallwch roi eich gwybodaeth ddamcaniaethol ar waith mewn amgylchedd sy'n adlewyrchu mor agos â phosibl yr amodau gwirioneddol y byddwch yn eu profi pan fyddwch yn mynd ar leoliad mewn ysbyty neu leoliad cymunedol.

Byddwch yn cael y cyfle i wneud cais i astudio dramor gydag un o'n prifysgolion partner yn Nenmarc, y Ffindir, Norwy, Slofenia, neu Sweden.

Gallwch hefyd astudio rhai modiwlau trwy gyfrwng y Gymraeg a gallech fod yn gymwys ar gyfer ysgoloriaethau mewnol neu gymorth drwy’r Coleg Cymraeg Cenedlaethol.

Gyrfaoedd Nyrsio

Wedi i chi raddio, byddwch yn gymwys i wneud cais am statws Nyrs Gofrestredig (Anabledd Dysgu) gyda'r Cyngor Nyrsio a Bydwreigiaeth ac i gofrestru fel nyrs ar gyfer gwaith yn yr UE a'r AEE.

Gallwch ddisgwyl cyflog cychwynnol o £28,407 yn codi i £57,349 ar gyfer nyrs staff hynod brofiadol. Gall nyrsys arbenigol a rheolwyr practis ennill £50,056.

Modiwlau

Blwyddyn 1 (Lefel 4)

FHEQ 4 Undergraduate / HECert

Mae myfyrwyr yn dewis 120 o gredydau o'r opsiynau canlynol:

Modiwlau Gorfodol

Enw'r Modiwl	Hyd y Modiwl	Credydau	Cod y Modiwl
Manual Handling 1	September-June	0	SHGE06
Violence & Aggression Passport 1	September-June	0	SHGE09

Modiwlau Opsiynol

Core Modules with Welsh Language Option

Dewiswch Yn union 40 o gredydau o'r Modiwlau a ganlyn:

SYLWER :Students must select one of the following modules.

Enw'r Modiwl	Hyd y Modiwl	Credydau	Cod y Modiwl	Canllawiau
Introduction to nursing and health care (Learning Disability)	Academic Year	40	SHN183
Cyflwyniad i nyrsio a gofal iechyd (Anabledd Dysgu)	Academic Year	40	SHN183W

AND

Core Modules with Welsh Language Option

Dewiswch Yn union 40 o gredydau o'r Modiwlau a ganlyn:

SYLWER :Students must select one of the following modules.

Enw'r Modiwl	Hyd y Modiwl	Credydau	Cod y Modiwl	Canllawiau
Understanding health and Illness (Learning Disability)	Academic Year	40	SHN184
Deall Iechyd a Salwch (Anabledd Dysgu)	Academic Year	40	SHN184W

AND

Core Modules with Welsh Language Option

Dewiswch Yn union 40 o gredydau o'r Modiwlau a ganlyn:

SYLWER :Students must select one of the following modules.

Enw'r Modiwl	Hyd y Modiwl	Credydau	Cod y Modiwl	Canllawiau
Contexts of Care (Learning Disability)	Academic Year	40	SHN185
Cyd-destunau Gofal (Anabledd Dysgu)	Academic Year	40	SHN185W

Blwyddyn 2 (Lefel 5)

FHEQ 5 Undergraduate / HEDip

Mae myfyrwyr yn dewis 120 o gredydau o'r opsiynau canlynol:

Modiwlau Gorfodol

Enw'r Modiwl	Hyd y Modiwl	Credydau	Cod y Modiwl
Manual Handling 2	September-June	0	SHGE07
Violence & Aggression Passport 2	September-June	0	SHGE10

Modiwlau Opsiynol

Core Modules with Welsh Language Option

Dewiswch Yn union 40 o gredydau o'r Modiwlau a ganlyn:

SYLWER :Students must select one of the following modules.

Enw'r Modiwl	Hyd y Modiwl	Credydau	Cod y Modiwl	Canllawiau
Acute Care (Learning Disability)	Academic Year	40	SHN2019
Gofal Aciwt (Anabledd Dysgu)	Academic Year	40	SHN2019W

AND

Core Modules with Welsh Language Option

Dewiswch Yn union 40 o gredydau o'r Modiwlau a ganlyn:

SYLWER :Students must select one of the following modules.

Enw'r Modiwl	Hyd y Modiwl	Credydau	Cod y Modiwl	Canllawiau
Care of the Person with a Long-Term Condition and Palliative Care Needs (Learning Disability)	Academic Year	40	SHN2020
Gofalu am y Person â Chyflwr Hirdymor ac Anghenion Gofal Lliniarol (Anabledd Dysgu)	Academic Year	40	SHN2020W

AND

Core Modules with Welsh Language Option

Dewiswch Yn union 40 o gredydau o'r Modiwlau a ganlyn:

SYLWER :Students must select one of the following modules.

Enw'r Modiwl	Hyd y Modiwl	Credydau	Cod y Modiwl	Canllawiau
Ensuring Quality Care (Learning Disability)	Academic Year	40	SHN2021
Sicrhau Gofal o Ansawdd (Anabledd Dysgu)	Academic Year	40	SHN2021W

Blwyddyn 3 (Lefel 6)

FHEQ 6 Undergraduate / Honours

Mae myfyrwyr yn dewis 120 o gredydau o'r opsiynau canlynol:

Modiwlau Gorfodol

Enw'r Modiwl	Hyd y Modiwl	Cod y Modiwl
Practice and theory hours requirement	Academic Year	SHG3127
Manual Handling 3	September-June	SHGE08
Violence & Aggression Passport 3	September-June	SHGE11

Modiwlau Opsiynol

Core Modules with Welsh Language Option

Dewiswch Yn union 40 o gredydau o'r Modiwlau a ganlyn:

SYLWER :Students must select one of the following modules.

Enw'r Modiwl	Hyd y Modiwl	Credydau	Cod y Modiwl	Canllawiau
Care of the Service User with Complex Needs (Learning Disability)	Academic Year	40	SHN3107
Gofalu am y Defnyddiwr Gwasanaeth ag Anghenion Cymhleth (Anabledd Dysgu)	Academic Year	40	SHN3107W

AND

Core Modules with Welsh Language Option

Dewiswch Yn union 40 o gredydau o'r Modiwlau a ganlyn:

SYLWER :Students must select one of the following modules.

Enw'r Modiwl	Hyd y Modiwl	Credydau	Cod y Modiwl	Canllawiau
Advancing Nursing Practice (Learning Disability)	Academic Year	40	SHN3108
Ymarfer Nyrsio Uwch (Anabledd Dysgu)	Academic Year	40	SHN3108W

AND

Core Modules with Welsh Language Option

Dewiswch Yn union 40 o gredydau o'r Modiwlau a ganlyn:

SYLWER :Students must select one of the following modules.

Enw'r Modiwl	Hyd y Modiwl	Credydau	Cod y Modiwl	Canllawiau
Preparation for professional practice (Learning Disability)	Academic Year	40	SHN3109
Paratoi ar gyfer ymarfer proffesiynol (Anabledd Dysgu)	Academic Year	40	SHN3109W

Gofynion Mynediad

Cynnig Safon Uwch nodweddiadol

BBB o leiaf mewn lefel A. Mae cyrsiau sy'n gysylltiedig ag iechyd neu wyddoniaeth yn ddymunol.

Cynnig Nodweddiadol Mynediad i AU

24 Rhagoriaeth, 18 Teilyngdod, 3 Pas

Cynnig BTEC nodweddiadol

DDM

Cynnig nodweddiadol BACC Cymreig

B a BB mewn lefel A neu DD mewn BTEC

Tystysgrif Gadael Gwyddelig

360

Mae angen o leiaf pum pas TGAU gradd A-C gan gynnwys Cymraeg/Saesneg iaith, Mathemateg a Gwyddor Ffisegol neu Wyddoniaeth Dwyradd.

Mewn rhai amgylchiadau bydd Sgiliau Allweddol Lefel 2 mewn Cymhwyso Rhif yn cael eu derbyn yn lle TGAU Mathemateg a Sgiliau Allweddol Lefel 2 mewn Cyfathrebu yn lle TGAU Cymraeg/Saesneg Iaith, os ymgymerwyd ag ef ers Medi 2015.

Bydd angen i chi hefyd ddangos:

Proffil addysgol cryf yn y tair i bum mlynedd flaenorol
Dealltwriaeth fanwl o Nyrsio Oedolion ac ymrwymiad iddo

Mae profiad gofal yn ddefnyddiol ond nid yn hanfodol.

Bydd disgwyl i chi gymryd rhan mewn trafodaethau grŵp, gwaith tîm, a thasgau unigol yn ystod cyfweliadau.

Os cynigir lle i chi bydd angen y canlynol arnoch hefyd:

Gwiriad Gwasanaeth Datgelu a Gwahardd (DBS), neu gyfwerth cymeradwy
Gwiriad Iechyd Galwedigaethol
Dylech hefyd ymgyfarwyddo â Gwerthoedd a Safonau Ymddygiad GIG Cymru.

Bydd gofyn i bob ymgeisydd gael gwiriad manylach gan y Gwasanaeth Datgelu a Gwahardd (DBS) a gwiriad iechyd galwedigaethol. Gellir ystyried unrhyw bryderon sy'n codi o'r rhain ym Mhanel Addasrwydd a Phriodoldeb i Ymarfer Proffesiynol yr Ysgol Iechyd a Gofal Cymdeithasol a gall arwain at dynnu lle ar y rhaglen yn ôl.

Sut byddwch chi'n cael eich dysgu

Rydym yn falch o ddarparu profiad addysgol rhagorol, gan ddefnyddio'r dulliau dysgu ac addysgu mwyaf effeithiol, wedi'u teilwra'n ofalus i anghenion penodol eich cwrs. Ar wahân i nifer fach o gyrsiau ar-lein, mae'r rhan fwyaf o'n cyrsiau'n cynnwys addysgu wyneb yn wyneb ar y campws, gan alluogi ymgysylltiad llawn â'ch darlithwyr a'ch cyd-fyfyrwyr.

Mae sesiynau sgiliau ymarferol, seminarau gwaith labordy, a gweithdai yn bennaf yn cael eu cynnal wyneb yn wyneb ar y campws, gan ganiatáu gweithio mewn grŵp ac arddangosiadau. Rydym hefyd yn gweithredu labordai rhithwir ac Amgylcheddau Dysgu Efelychol a fydd yn hwyluso mwy o fynediad at gyfleoedd hyfforddi yn y dyfodol. Fodd bynnag, mae ein dulliau addysgu hefyd yn cynnwys defnyddio rhywfaint o ddysgu ar-lein i gefnogi a gwella addysgu wyneb yn wyneb traddodiadol.

Gall dysgu ar-lein ddigwydd ‘yn fyw’ gan ddefnyddio meddalwedd fel Zoom, sy'n eich galluogi i ryngweithio â'r darlithydd a myfyrwyr eraill ac i ofyn cwestiynau. Mae recordiadau darlithoedd hefyd yn caniatáu mwy o hyblygrwydd i ailedrych ar ddeunydd, i adolygu at asesiadau ac i wella dysgu y tu allan i'r ystafell ddosbarth. Mae gan rai modiwlau adnoddau ychwanegol ar Canvas, megis fideos, sleidiau a chwisiau sy'n galluogi astudiaeth hyblyg bellach.

Defnyddiwn amrywiaeth o ddulliau addysgu i gyflwyno’r radd nyrsio, byddwch yn elwa o ddull dysgu cyfunol, hyblyg gan gynnwys gwaith grŵp, seminarau, sesiynau sgiliau clinigol, chwarae rôl, sesiynau labordy ac e-ddysgu.

Byddwch yn astudio hanner y theori yn y brifysgol a hanner yn ymarferol felly byddwch yn gallu rhoi eich dysgu academaidd mewn lleoliadau ymarfer clinigol go iawn gyda chefnogaeth ymarferwyr gofal iechyd profiadol.

Defnyddiwn amrywiaeth o ddulliau i asesu eich dysgu ar draws yr holl fodiwlau nyrsio gan gynnwys traethodau gwaith cwrs, cyflwyniadau llafar a phoster, prosiectau, portffolios, arholiadau amlddewis a heb eu gweld, arholiadau clinigol/ymarferol strwythuredig gwrthrychol (OSCE), ac asesiadau ar-lein.

Darpariaeth Gymraeg

Rhywfaint o ddarpariaeth

Darperir rhai elfennau o'r cwrs hwn trwy gyfrwng y Gymraeg ond nid oes digon o ddarpariaeth eto i gyrraedd 40 credyd ym mhob blwyddyn.

Mae Academi Hywel Teifi yma i'ch cefnogi trwy gydol eich amser ym Mhrifysgol Abertawe. Rydym yn cynnig:

Mynediad at ysgoloriaethau a bwrsariaethau hael ar gyfer astudio trwy gyfrwng y Gymraeg.
Mynediad at fodiwlau a addysgir yn gyfan gwbl neu'n rhannol yn Gymraeg.
Mynediad at ap Arwain er mwyn derbyn y diweddaraf am ein cyrsiau a'n modiwlau cyfrwng Cymraeg. Lawrlwythwch yr ap am ddim drwy'r App Store a Google Play.
Cyfle am gyfweliad trwy gyfrwng y Gymraeg wrth wneud cais am le.
Cyfle i dderbyn gohebiaeth bersonol yn Gymraeg, yn Saesneg neu'n ddwyieithog.
Cyfle i ysgrifennu a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os ydych chi wedi dewis astudio yn Saesneg), a bydd eich gwaith yn cael ei farcio yn Gymraeg.
Tiwtor Personol Cymraeg ei iaith.
Cefnogaeth un i un i wella eich sgiliau Cymraeg academaidd.
Cyfle i ennill cymhwyster ychwanegol sy'n dystiolaeth o'ch gallu yn yr iaith Gymraeg i gyflogwyr.
Cyfle i fod yn aelod o Gangen Prifysgol Abertawe o'r Coleg Cymraeg Cenedlaethol.
Cyfle i gyfrannu at weithgaredd a bywiogrwydd cymuned Gymraeg y Brifysgol ac ennill Gwobr Academi Hywel Teifi

I ddysgu mwy am yr uchod ac am yr holl gyfleoedd sydd ar gael i chi trwy gyfrwng y Gymraeg, ewch i dudalennau israddedig Academi Hywel Teifi

Achrediad Corff Proffesiynol

Wedi'i achredu gan y Cyngor Nyrsio a Bydwreigiaeth

Cwrdd â'ch Darlithwyr

Mae'r tîm addysgu yn cynnwys darlithwyr tra chymwys sydd wedi bod yn cyflwyno rhaglenni clinigol ers blynyddoedd lawer.

Ffioedd Dysgu

Dyddiad Dechrau	D.U.	Rhyngwladol
Medi 2023	GIG	N/A
Medi 2024	GIG	N/A

Gellir codi ffioedd myfyrwyr Israddedig y DU llawn amser yn chwyddiannol mewn blynyddoedd astudio i ddod. Penderfynir ar y swm gan Lywodraeth Cymru.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Ariannu ac Ysgoloriaethau

Mae’n bosib eich bod yn gymwys i gael cymorth ariannol tuag at eich astudiaethau.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Efallai y byddwch yn gymwys i gael cyllid i helpu i gefnogi eich astudiaeth.

I gael mwy o wybodaeth am ysgoloriaethau, bwrsariaethau a chyfleoedd ariannu eraill sydd ar gael ewch i dudalen ysgoloriaethau a bwrsariaethau'r Brifysgol.

Mae Academi Hywel Teifi ym Mhrifysgol Abertawe a’r Coleg Cymraeg Cenedlaethol yn cynnig nifer o ysgoloriaethau a bwrsariaethau hael i fyfyrwyr sy’n dymuno astudio drwy gyfrwng y Gymraeg neu’n ddwyieithog. I gael rhagor o wybodaeth am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi.

Os ydych yn fyfyriwr yn y DU sy’n gallu ymrwymo i weithio yng Nghymru am ddwy flynedd wedi i chi raddio, gallech gael eich ffioedd dysgu wedi’u talu’n llawn drwy Werthoedd a Safonau Ymddygiad GIG Cymru yn ogystal â chyllid cynhaliaeth a gostyngiad benthyciad ardrethi gan Gyllid Myfyrwyr.

Cyn gwneud cais, ewch i’n tudalen we Ariannu’r GIG i wirio a ydych yn gymwys am gyllid.

Costau Ychwanegol

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

Teithio i'r campws ac oddi yno
Costau argraffu, llungopïo, rhwymo, deunydd ysgrifennu ac offer (e.e. ffyn USB)
Prynu llyfrau neu werslyfrau
Gwisgoedd ar gyfer seremonïau graddio

Gyrfaoedd a Chyflogadwyedd

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
Cyngor ac arweiniad unigol gan Ymgynghorwyr Gyrfaoedd proffesiynol
Cymorth i chwilio am swyddi, interniaethau, lleoliadau gwaith a chyfleoedd gwirfoddoli
Mynediad i adnoddau gwybodaeth am amrywiaeth eang o bynciau rheoli gyrfa
Cyngor ac arweiniad ar astudio a chyllid i fyfyrwyr ôl-raddedig.
Ariannu i gefnogi cyfleoedd interniaethau myfyrwyr a digwyddiadau Cymdeithasau/Clybiau Myfyrwyr

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Cymorth Academaidd

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

Ysgrifennu academaidd
Mathemateg ac ystadegau
Meddwl critigol
Rheoli amser
Sgiliau digidol
Sgiliau cyflwyno
Cymryd nodiadau
Technegau adolygu, dysgu ar gof ac arholiadau
Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Cyfleoedd Astudio Tramor a Byd-eang

I ddysgu mwy am astudio dramor, ewch i'n tudalennau gwe Go Global. Nid yw cofrestru ar raglen sy'n cynnwys semester/blwyddyn dramor yn gwarantu lleoliad gwaith semester/blwyddyn dramor yn awtomatig. Mae nifer gyfyngedig o leoedd ar gael ac yn amodol ar broses ddethol gystadleuol. Os na fyddwch chi'n llwyddo i ennill lleoliad gwaith semester/blwyddyn dramor, cewch chi eich trosglwyddo i gwrs safonol eich cynllun gradd heb semester neu flwyddyn dramor.

Mae rhaglenni rhyngwladol yr haf ar agor i fyfyrwyr o bob ysgol. Fel arfer, mae rhaglenni'n para o 2 i 6 wythnos, ar draws cyrchfannau megis Tsieina, Sambia, De Corea, Siapan, Canada a ledled Ewrop. Am ragor o wybodaeth ynghylch rhaglenni a chymhwysedd, ewch i'n tudalennau gwe Haf Dramor.

Sut i wneud cais

Gwnewch gais nawr - myfyrwyr y DU, UE a rhyngwladol.

Cewch wybod mwy drwy ymweld â'n tudalen ar sut i wneud cais

Dyddiadau Cau Ymgeisio

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.