Troseddeg A Seicoleg, BSc (Hons)

Bydd eich astudiaethau cynnar yn cyflwyno egwyddorion allweddol y gyfraith, cyfiawnder troseddol, hawliau dynol, ystadegau a dulliau ymchwil i chi, yn ogystal ag agweddau ar seicoleg fiolegol, cymdeithasol a datblygiadol.

Bydd yr opsiynau diweddarach yn eich galluogi i ganolbwyntio ar amrywiaeth o opsiynau ym maes troseddeg a seicoleg ochr yn ochr â modiwlau craidd gorfodol.

Mae gennym leoedd gwag ar draws amrywiaeth o bynciau ar gyfer mynediad ym Medi 2020 - cysylltwch â ni drwy e-bostio ynghylch gofynion mynediad cyrsiau penodol neu ffoniwch 0800 094 9071.

Rydym hefyd yn croesawu ymholiadau gan ymgeiswyr sy’n ymchwilio i ddechrau cwrs yn 2021 - gweler ein Tudalen Gofynion Mynediad i gael gwybod am ystodau cynnig nodweddiadol, e-bostiwch ni neu ffoniwch 01792 295111.

Mae'r amserlen safonol yn cynnwys tua 10-12 awr o ddarlithoedd a dosbarthiadau ymarferol bob wythnos, ond bydd seminarau a thiwtorialau personol ychwanegol sy'n gysylltiedig â'r modiwlau yn cael eu trefnu drwy gydol pob semester ac mae astudio annibynnol yn rhan annatod o bob modiwl.

Byddwch yn dysgu drwy amrywiaeth eang o ddulliau addysgu a dysgu rhyngweithiol ac arloesol, gan gynnwys darlithoedd, tiwtorialau personol, seminarau academaidd, gweithdai, grwpiau cyfryngau cymdeithasol a dosbarthiadau ymchwil ymarferol.

Byddwch hefyd yn cael cyfle i gael profiad uniongyrchol o ymchwil drwy gymryd rhan mewn amrywiaeth o brosiectau ymchwil cyffrous.

Yn ystod eich trydedd flwyddyn, byddwch yn cydweithio â staff seicoleg ar brosiect ymchwil annibynnol. Mae rhai o'n myfyrwyr hyd yn oed yn symud ymlaen i gyhoeddi eu prosiectau ymchwil annibynnol mewn cyfnodolion academaidd a adolygir gan gymheiriaid a chyflwyno eu canfyddiadau mewn cynadleddau ymchwil cenedlaethol a rhyngwladol.

Byddwch hefyd yn dewis modiwlau o blith amrywiaeth eang o opsiynau yn ystod eich trydedd flwyddyn, sy'n rhoi hyblygrwydd i chi allu teilwra eich gradd yn unol â'ch nodau gyrfa ar gyfer y dyfodol.

Ymhlith y modiwlau Seicoleg dewisol yn ystod y drydedd flwyddyn mae: Seicolegydd Fforensig; Dadansoddi Ymddygiad Cymhwysol; Niwroseicoleg; Seicoleg Gwaith; Seicopatholeg, a Chyffuriau ac Ymddygiad.

Ymhlith y modiwlau Troseddeg dewisol yn ystod y drydedd flwyddyn mae: Troseddoli Rhyw; Amrywiaeth, Trosedd a Chyfiawnder Troseddol; Troseddau Rhyw, a Therfysgaeth: Yr Ymateb Cyfreithiol.

Bob blwyddyn, cewch eich asesu drwy gyfuniad o waith cwrs, gan gynnwys adroddiadau ymchwil, cyflwyniadau llafar ac ar ffurf poster, blogiau, fformiwleiddiadau achos a phortffolios. Mae'r dulliau arholi yn cynnwys cwestiynau amlddewis a chwestiynau atebion byr neu draethodau. 

Mae'r cwrs hwn yn cynnig rhai modiwlau yn y Gymraeg neu'n ddwyieithog.

Mae hawl gennych i ysgrifennu a chyflwyno eich gwaith cwrs ac i sefyll eich arholiadau yn y Gymraeg, hyd yn oed os ydych wedi dewis dilyn modiwlau cyfrwng Saesneg. Hefyd mae’n bosib i chi ddewis cael cyfweliad trwy gyfrwng y Gymraeg wrth ymgeisio am le.

Darperir rhai elfennau o’r cwrs hwn trwy gyfrwng y Gymraeg ond nid oes digon o ddarpariaeth eto i gyrraedd 40 credyd ym mhob blwyddyn. Bydd parhau i astudio trwy’r Gymraeg wedi i chi adael yr ysgol neu’r coleg yn ddatblygiad naturiol i chi ac yn fodd o sicrhau eich cyfle i gael yr addysg orau. Bydd hefyd yn ychwanegiad gwerthfawr i’ch CV a’ch datblygiad gyrfaol. Mae cyfleoedd ar gael i fyfyrwyr sy’n rhugl ac yn hyderus yn yr iaith yn ogystal ag i’r rhai sy’n llai hyderus neu sy’n ddysgwyr. Mae’n bosibl hefyd ddewis dosbarthiadau seminar a thiwtorial cyfrwng Cymraeg ar gyfer modiwlau sy’n cael eu dysgu yn bennaf drwy gyfrwng y Saesneg.

Cymdeithas Seicolegol Prydain (BPS)

Y ffioedd dysgu blynyddol ar gyfer blwyddyn academaidd 2020/21 fydd:

Gellir codi ffioedd myfyrwyr Israddedig y DU/UE llawn amser yn chwyddiannol mewn blynyddoedd astudio i ddod. Penderfynir ar y swm gan Lywodraeth Cymru.

Bydd ffioedd ar gyfer myfyrwyr rhyngwladol Israddedig yn cynyddu 3% ar gyfer pob blwyddyn ddilynol o astudio.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Gallwch wynebu costau ychwanegol yn ystod eich amser yn y Brifysgol, gan gynnwys y canlynol (ond nid yw hon yn rhestr gynhwysfawr):

• Parcio yn y cae hamdden a theithio i'r campws ac oddi yno
• Argraffu, llungopïo, costau deunyddiau a chyfarpar ysgrifennu (e.e. cof bach)
• Prynu llyfrau neu destunau
• Argraffu a rhwymo
• Gŵn ar gyfer seremonïau graddio

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa
• Cyngor ac arweiniad ar astudio a chyllid i fyfyrwyr ôl-raddedig.
• Ariannu i gefnogi cyfleoedd interniaethau myfyrwyr a digwyddiadau Cymdeithasau/Clybiau Myfyrwyr

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Yn ogystal â chymorth pwnc penodol gan staff addysgu'r coleg a'ch mentor academaidd personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Efallai bod gennych eisoes y cyfle i astudio neu weithio dramor fel rhan o’ch gradd, ond gallwch hefyd ystyried rhaglen haf ryngwladol.

Mae'r rhaglenni ar agor i fyfyrwyr israddedig y Brifysgol ac ymhlith yr opsiynau mae teithiau astudio a diwylliannol, rhaglenni gwirfoddoli ac interniaethau ledled gwledydd tramor fel Tsieina, Sambia, De Corea, Siapan, Ewrop a Chanada. Fel rheol, mae rhaglenni dros gyfnod o 2 – 6 wythnos ac mae cyllid ar gael. Am fwy o wybodaeth ewch i Rhaglenni Haf.

Gwnewch gais nawr - myfyrwyr y DU, UE a rhyngwladol.

Am fwy o wybodaeth gweler ein Canllaw Clirio.