Rheoli Busnes (Marchnata), BSc (Hons)

Bydd eich astudiaethau cynnar yn rhoi sylfaen gadarn i chi mewn cyfrifyddu, cyllid, ystadegau, strategaeth a rheoli. Yn ystod blynyddoedd diweddarach, gallwch roi ffocws i'ch astudiaethau drwy ddewis o blith gwahanol fodiwlau arbenigol yn unol â'ch dewis yrfa, fel y nodir isod.

Myfyrwyr y DU/UE
Mae blwyddyn sylfaen ar gael i fyfyrwyr sydd ddim yn ennill y graddau angenrheidiol ar gyfer y rhaglen gradd o'u dewis.

Os nad ydych yn bodloni ein gofynion mynediad sylfaenol, anfonwch e-bost i astudio@abertawe.ac.uk a darganfyddwch sut y gallai gradd gyda blwyddyn sylfaen fod yn addas i chi.

Myfyrwyr rhyngwladol
Ewch i wefan Y Coleg am wybodaeth cyrsiau a gofynion mynediad.

Byddwch yn dod o hyd i'r cymwysterau gofynnol i ddechrau'r radd israddedig o'ch dewis ar gyfer y tair blynedd yma. Os nad ydych yn bodloni'r gofynion hyn, gallwch gofrestru ar gyfer y rhaglen pedair blynedd, sy'n cynnwys blwyddyn sylfaen.

Addysgu
Ar ôl cofrestru, byddwch yn treulio eich blwyddyn gyntaf yn mynd i ddarlithoedd a seminarau yn Y Coleg, Campws y Bae. Mae adeilad newydd y Coleg, a adeiladwyd yn bwrpasol, gyda chyfleusterau sydd ar flaen y gad wedi'i leoli ym mae Abertawe. Gyda lle i weithgareddau cymdeithasol ac academaidd, mae'n darparu'r amgylchedd dysgu gorau posib i fyfyrwyr sy'n astudio rhaglenni llwybr sy'n arwain yn uniongyrchol at gyrsiau gradd Prifysgol Abertawe.

Yn dilyn eich blwyddyn Sylfaen byddwch yn treulio tair mlynedd yn astudio yn yr Ysgol Reolaeth, sydd wedi'i lleoli tafliad carreg oddi wrth Y Coleg.

Mae gan yr Ysgol Reolaeth gyfleusterau o'r radd flaenaf. Atriwm trawiadol, gofodau addysgu deinamig, offer TG sydd ar flaen y gad a mynediad heb ei ail i yrfaoedd a thimau cymorth myfyrwyr o'r radd flaenaf.

Mae'r Ysgol Reolaeth yn defnyddio amrywiaeth o ddulliau addysgu drwy ddarlithoedd wythnosol a seminarau. 

O ddechrau eich gradd, cewch eich trwytho yn ein hymchwil arloesol ac addysgu a arweinir gan y diwydiant, a byddwch yn cael pob cyfle i ddatblygu sgiliau trosglwyddadwy allweddol tra'n cyflawni'r deilliannau dysgu a nodir ym maes llafur y modiwl.

Mae'r prosiect Blwyddyn Olaf yn yr adran Fusnes yn cynnwys gweithio gyda busnes go iawn ar aseiniad ymchwil y diwydiant.

Asesiad
Defnyddir amrywiaeth o ddulliau asesu gwahanol yn cynnwys aseiniadau unigol, gwaith grŵp, cyflwyniadau, adroddiadau busnes ac arholiadau.

Mae hawl gennych i ysgrifennu a chyflwyno eich gwaith cwrs ac i sefyll eich arholiadau yn y Gymraeg, hyd yn oed os ydych wedi dewis dilyn modiwlau cyfrwng Saesneg. Hefyd mae’n bosib i chi ddewis cael cyfweliad trwy gyfrwng y Gymraeg wrth ymgeisio am le.

Darperir rhai elfennau o’r cwrs hwn trwy gyfrwng y Gymraeg ond nid oes digon o ddarpariaeth eto i gyrraedd 40 credyd ym mhob blwyddyn. Bydd parhau i astudio trwy’r Gymraeg wedi i chi adael yr ysgol neu’r coleg yn ddatblygiad naturiol i chi ac yn fodd o sicrhau eich cyfle i gael yr addysg orau. Bydd hefyd yn ychwanegiad gwerthfawr i’ch CV a’ch datblygiad gyrfaol. Mae cyfleoedd ar gael i fyfyrwyr sy’n rhugl ac yn hyderus yn yr iaith yn ogystal ag i’r rhai sy’n llai hyderus neu sy’n ddysgwyr. Mae’n bosibl hefyd ddewis dosbarthiadau seminar a thiwtorial cyfrwng Cymraeg ar gyfer modiwlau sy’n cael eu dysgu yn bennaf drwy gyfrwng y Saesneg.

Mae'r blynyddoedd sy'n dilyn y flwyddyn sylfaen wedi'u hachredu gan nifer o gyrff proffesiynol mewn diwydiant, gan gynnwys y Sefydliad Marchnata Siartredig (CIM), y Sefydliad Rheoli Siartredig (CMI) a Sefydliad Siartredig y Cyfrifwyr Rheoli (CIMA).*
*yn amodol ar ddewisiadau modiwl

Beth yw cwrs achrededig?
Un sydd wedi'i gymeradwyo gan y corff proffesiynol perthnasol fel un sy'n bodloni ei safonau ansawdd. Mae'n amlygu cyswllt agos rhwng diwydiant a'ch cwrs, gan ddod ag ymarfer arloesol go iawn yn rhan o'ch astudiaethau. Drwy gyfrif tuag at gymwysterau a chofrestriadau proffesiynol, gall cyrsiau achrededig helpu i'ch rhoi ar lwybr cyflym i'ch dewis lwybr gyrfa.

Beth yw manteision Achrediadau Proffesiynol?
- Achub y blaen: Bydd graddau achrededig proffesiynol yn eich eithrio rhag arholiadau/cymwysterau proffesiynol cam cynnar penodol sy'n golygu y gallwch achub y blaen yn eich gyrfa.
- Cymorth: Cofrestrwch ar gyfer aelodaeth myfyriwr a manteisiwch ar gymorth gyrfa corff achrededig yn ogystal â chysylltiadau gyda chymheiriaid ac arbenigwyr. Mae'n edrych yn dda ar eich CV ac mae'n eich helpu i baratoi ar gyfer cyflogaeth.

NODER:
Ar gyfer nifer o broffesiynau, dim ond y cam cyntaf o'r broses cymhwyso'n llawn yw astudio cwrs achrededig.
Gallwch gysylltu â'r cyrff proffesiynol perthnasol i gael gwybod am y gofynion penodol eraill.

I gael rhagor o wybodaeth, ewch i'n tudalen Achrediad Proffesiynol.

Cewch eich addysgu gan dîm o academyddion profiadol o gefndiroedd ymchwil, academaidd a diwydiant. Mae eu gwybodaeth a'u harbenigedd eang yn gysylltiedig â chynnwys y modiwl a addysgir i chi, gan sicrhau eich bod yn dysgu'r wybodaeth fwyaf perthnasol a chyfoes ac yn datblygu'r sgiliau sydd eu hangen ar gyfer gyrfa mewn rheoli busnes neu farchnata.

Y ffioedd dysgu blynyddol ar gyfer blwyddyn academaidd 2019/20 fydd:

Gellir codi ffioedd myfyrwyr Israddedig y DU/UE llawn amser yn chwyddiannol mewn blynyddoedd astudio i ddod. Penderfynir ar y swm gan Lywodraeth Cymru.

Bydd ffioedd ar gyfer myfyrwyr rhyngwladol Israddedig yn cynyddu 3% ar gyfer pob blwyddyn ddilynol o astudio.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau y Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Gallwch wynebu costau ychwanegol yn ystod eich amser yn y Brifysgol, gan gynnwys y canlynol (ond nid yw hon yn rhestr gynhwysfawr):

• Parcio yn y cae hamdden a theithio i'r campws ac oddi yno
• Argraffu, llungopïo, costau deunyddiau a chyfarpar ysgrifennu (e.e. cof bach)
• Prynu llyfrau neu destunau
• Argraffu a rhwymo
• Gŵn ar gyfer seremonïau graddio

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa
• Cyngor ac arweiniad ar astudio a chyllid i fyfyrwyr ôl-raddedig.
• Ariannu i gefnogi cyfleoedd interniaethau myfyrwyr a digwyddiadau Cymdeithasau/Clybiau Myfyrwyr

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Mae gan yr Ysgol Reolaeth dîm gyrfaoedd mewnol ymroddedig hefyd sy’n cynnig cymorth ychwanegol.
Yn ystod eich cyfnod gyda ni byddwch yn cael cyfle i wneud y canlynol:

• Ymuno â'n cynllun Mentora Cyflogadwyedd a chael eich mentora gan gyflogwr a all eich helpu i bontio o fod yn fyfyriwr i fod yn weithiwr proffesiynol.
• Gweithio a rhwydweithio â chyflogwyr o amrywiaeth o gwmnïau cenedlaethol ac amlwladol drwy ein seminarau a'n digwyddiadau.
• Gwella eich sgiliau a chwrdd â chyflogwyr yn ystod ein Modiwl Cyflogadwyedd, a gynhelir ddwywaith y flwyddyn.
• Cwblhau Gwobr Cyflogadwyedd Abertawe.
• Cymryd rhan yn ein cystadleuaeth 'Business in the Bay' a chystadlu yn erbyn myfyrwyr prifysgolion eraill.

Darganfod sut y gall ein Gwasanaeth Gyrfaoedd mewnol eich cefnogi.

Yn ogystal â chymorth pwnc penodol gan staff addysgu'r coleg a'ch mentor academaidd personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Efallai bod gennych eisoes y cyfle i astudio neu weithio dramor fel rhan o’ch gradd, ond gallwch hefyd ystyried rhaglen haf ryngwladol.

Mae'r rhaglenni ar agor i fyfyrwyr israddedig y Brifysgol ac ymhlith yr opsiynau mae teithiau astudio a diwylliannol, rhaglenni gwirfoddoli ac interniaethau ledled gwledydd tramor fel Tsieina, Sambia, De Corea, Siapan, Ewrop a Chanada. Fel rheol, mae rhaglenni dros gyfnod o 2 – 6 wythnos ac mae cyllid ar gael. Am fwy o wybodaeth ewch i Rhaglenni Haf.

Gwnewch gais nawr - myfyrwyr y DU, UE a rhyngwladol.

Cewch wybod mwy drwy ymweld â'n tudalen ar sut i wneud cais

Gallwch astudio amrywiad Blwyddyn Dramor, sy'n cynnwys blwyddyn yn astudio yn un o'n sefydliadau partner rhyngwladol. Drwy ddewis yr opsiwn hwn gallwch ddatblygu eich sgiliau cyfathrebu, gwella eich ymwybyddiaeth ddiwylliannol a gallwch hyd yn oed ddod yn rhugl mewn iaith dramor cyn i chi raddio.

I fyfyrwyr sy'n astudio rhaglen Sylfaen, gallwch drosglwyddo i gynllun Blwyddyn Dramor a ddewiswyd gennych ar ddiwedd Blwyddyn 2. Siaradwch â'n Tîm Lleoliadau am eich opsiynau a phenderfynu ai Blwyddyn Dramor yw'r dewis cywir i chi.

Caiff cyfleoedd astudio dramor eu rheoli ar y cyd â Thîm Ewch yn Fyd-eang Prifysgol Abertawe. Dysgu mwy am eich cyfleoedd i astudio dramor.

Gallwch gwblhau ein gradd amrywiol Blwyddyn mewn Diwydiant, sy'n cynnwys lleoliad gwaith blwyddyn o hyd, mewn diwydiant o'ch dewis chi. Byddwch yn ennill profiad diwydiant go iawn, rhwydweithio a chydweithio â gweithwyr busnes blaenllaw, gan roi eich gwybodaeth ddamcaniaethol ar waith mewn ffordd ymarferol yn y gweithle.

I fyfyrwyr sy'n astudio rhaglen Sylfaen, gallwch drosglwyddo i gynllun Blwyddyn mewn Diwydiant a ddewiswyd gennych ar ddiwedd Blwyddyn 2.

Siaradwch â'n Tîm Lleoliadau mewnol am eich opsiynau a phenderfynu ai Blwyddyn mewn Diwydiant yw'r dewis cywir i chi.