Y Gyfraith Ac Astudiaethau Americanaidd, LLB (Hons)

Mae'r ddwy flynedd gyntaf yn cynnwys modiwlau'r Gyfraith gorfodol sy'n cynnwys y saith maes craidd ar gyfer gradd cymhwyso yn y gyfraith, ynghyd â dewis o bynciau Astudiaethau Americanaidd.  Mae'ch blwyddyn olaf yn cynnwys modiwlau dewisol, gan adlewyrchu'ch diddordebau a'ch uchelgeisiau personol.

Ein cynnig safonol ar gyfer ein rhaglenni Anrhydedd Sengl a Chydanrhydedd amrywiol yw 3 Chymhwyster Safon Uwch yn amrywio o raddau AAB i BBB neu gyfwerth.

Mae gwybodaeth am ofynion mynediad amgen ar gael yma.

Ar gyfer ymgeiswyr nad Saesneg yw eu hiaith gyntaf, mae angen sgôr IELTS o leiaf 6.0 (neu gyfwerth). Mae rhagor o wybodaeth ar gael yma.

Mae Blwyddyn 1 a 2 yn cynnwys saith maes craidd gradd cymhwyso yn y gyfraith; Cyfraith Contract, Cyfraith Droseddol, Cyfraith Tir, Ecwiti ac Ymddiriedolaethau, Cyfraith yr Undeb Ewropeaidd, Cyfraith Camweddau a Chyfraith Gyhoeddus.

Ychwanegir at y modiwlau craidd hyn gyda modiwlau dewisol sy'n berthnasol i Astudiaethau Americanaidd.

Mae Blwyddyn 3 yn cynnwys modiwlau dewisol yn unig, gan eich galluogi chi i lywio'ch dysgu personol, a gallwch ddewis o blith dros 50 o fodiwlau!

Cewch eich addysgu drwy ddarlithoedd (sy'n cael eu recordio), seminarau a thiwtorialau. Mae ffocws cryf ar ddysgu arbrofol. Mae ein mentrau ni, gan gynnwys Clinig y Gyfraith a'r Prosiect Camwedd Cyfreithiol, yn galluogi myfyrwyr i weithio ar achosion bywyd go iawn, o dan oruchwyliaeth, i atgyfnerthu sgiliau dadansoddi, datrys problemau ac ymchwil.

Gallai fod amrywiaeth o gyfleoedd lleoliadau gwaith, yn y DU ac yn rhyngwladol, hefyd ar gael.

Mae'r cwrs hwn yn cynnig rhai modiwlau sy'n cael eu haddysgu trwy gyfrwng y Gymraeg neu'n ddwyieithog ar gyfer myfyrwyr sy'n ystyried eu bod yn rhugl yn y Gymraeg. Gweler yr adran isod am fanylion Darpariaeth Gymraeg.

Mae hawl gennych i ysgrifennu a chyflwyno eich gwaith cwrs ac i sefyll eich arholiadau yn y Gymraeg, hyd yn oed os ydych wedi dewis dilyn modiwlau cyfrwng Saesneg. Hefyd mae’n bosib i chi ddewis cael cyfweliad trwy gyfrwng y Gymraeg wrth ymgeisio am le.

Gallwch astudio o leiaf 40 credyd o’r cwrs hwn drwy gyfrwng y Gymraeg. Bydd parhau i astudio trwy’r Gymraeg wedi i chi adael yr ysgol neu’r coleg yn ddatblygiad naturiol i chi ac yn fodd o sicrhau eich cyfle i gael yr addysg orau. Bydd hefyd yn ychwanegiad gwerthfawr i’ch CV a’ch datblygiad gyrfaol. Mae cyfleoedd ar gael i fyfyrwyr sy’n rhugl ac yn hyderus yn yr iaith yn ogystal ag i’r rhai sy’n llai hyderus neu sy’n ddysgwyr. Mae’n bosibl hefyd ddewis dosbarthiadau seminar a thiwtorial cyfrwng Cymraeg ar gyfer modiwlau sy’n cael eu dysgu yn bennaf drwy gyfrwng y Saesneg.

Mae ysgoloriaethau a bwrsariaethau ar gael i fyfyrwyr sy’n dewis astudio 40 credyd neu fwy trwy gyfrwng y Gymraeg. Ewch i’r dudalen Ysgoloriaethau am wybodaeth bellach.

Mae pob un o’r rhaglenni israddedig y Gyfraith yn raddau cymhwyso yn y gyfraith sy’n rhoi sylw i seilwaith gwybodaeth gyfreithiol fel a nodir gan Awdurdod Rheoli Cyfreithwyr a Bwrdd Safonau’r Bar.

Ymgeiswyr India

Cydnabyddir y cwrs hwn gan Gyngor Bar os bodlonir amodau penodol.

Addysgir ein graddau cymhwyso yn y gyfraith gan arbenigwyr yn y diwydiant y mae ganddynt brofiad o'r byd gwaith, sy'n golygu bod ganddynt wybodaeth gyfreithiol helaeth y gellid ei throsglwyddo i'n myfyrwyr.

Rydym yn cynnig safbwynt unigryw ar astudio'r gyfraith oherwydd bod ein Pennaeth Ysgol, yr Athro Elwen Evans CF, yn gyfreithiwr arweiniol sy'n ceisio pontio'r bwlch rhwng academia ac ymarfer, heddiw ac i'r dyfodol!

Gallwch gael rhagor o wybodaeth am ein harbenigedd academaidd ar y tudalennau staff.

Y ffioedd dysgu blynyddol ar gyfer blwyddyn academaidd 2019/20 fydd:

Gellir codi ffioedd myfyrwyr Israddedig y DU/UE llawn amser yn chwyddiannol mewn blynyddoedd astudio i ddod. Penderfynir ar y swm gan Lywodraeth Cymru.

Bydd ffioedd ar gyfer myfyrwyr rhyngwladol Israddedig yn cynyddu 3% ar gyfer pob blwyddyn ddilynol o astudio.

Yn ystod blwyddyn ryngol (e.e. blwyddyn mewn diwydiant, blwyddyn dramor neu flwyddyn lleoliad), bydd ffi is yn gymwys. Am ragor o wybodaeth ewch i'n tudalen ffioedd dysgu.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau y Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Gallwch wynebu costau ychwanegol yn ystod eich amser yn y Brifysgol, gan gynnwys y canlynol (ond nid yw hon yn rhestr gynhwysfawr):

• Parcio yn y cae hamdden a theithio i'r campws ac oddi yno
• Argraffu, llungopïo, costau deunyddiau a chyfarpar ysgrifennu (e.e. cof bach)
• Prynu llyfrau neu destunau
• Argraffu a rhwymo
• Gŵn ar gyfer seremonïau graddio

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa
• Cyngor ac arweiniad ar astudio a chyllid i fyfyrwyr ôl-raddedig.
• Ariannu i gefnogi cyfleoedd interniaethau myfyrwyr a digwyddiadau Cymdeithasau/Clybiau Myfyrwyr

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

CYFLOGADWYEDD YN YSGOL Y GYFRAITH A CHOLEG Y CELFYDDYDAU A'R DYNIAETHAU

Mae Ysgol y Gyfraith a Choleg y Celfyddydau a'r Dyniaethau yn mynd ati'n rhagweithiol i ehangu cyflogadwyedd raddedigion, gyda Swyddogion Cyflogadwyedd a Lleoliadau pwrpasol. Gyda'i gilydd, maen nhw'n cynnig lleoliadau a chyrsiau proffesiynol eang, yn lleol, yn genedlaethol ac yn rhyngwladol, yn ogystal â chyngor a chymorth i'ch helpu i ddatblygu eich sgiliau a chyflawni eich amcanion.

Ceir rhagor o wybodaeth: 
Tudalen we cyflogadwyedd Ysgol y Gyfraith.
Tudalen we cyflogadwyedd Coleg y Celfyddydau a'r Dyniaethau.

Yn ogystal â chymorth pwnc penodol gan staff addysgu'r coleg a'ch mentor academaidd personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Mae Mentor Academaidd yn cael ei neilltuo i bob myfyriwr, i’w helpu o safbwynt:

• Arweiniad Academaidd
• Cynllunio Datblygiad Personol
• Arweiniad wrth gael help gyda phroblemau personol (sy’n effeithio ar eich lles, presenoldeb, a chynnydd yn y Brifysgol)

Mae cynrychiolwyr myfyrwyr ym mhob blwyddyn o’n rhaglen y Gyfraith yn ogystal â chynrychiolwyr yr Ysgol ar gyfer myfyrwyr israddedig. Mae gan yr ysgol hefyd Swyddfa Gwybodaeth i Fyfyrwyr bwrpasol sy’n gallu cynnig arweiniad academaidd gydol eich astudiaethau.

Efallai bod gennych eisoes y cyfle i astudio neu weithio dramor fel rhan o’ch gradd, ond gallwch hefyd ystyried rhaglen haf ryngwladol.

Mae'r rhaglenni ar agor i fyfyrwyr israddedig y Brifysgol ac ymhlith yr opsiynau mae teithiau astudio a diwylliannol, rhaglenni gwirfoddoli ac interniaethau ledled gwledydd tramor fel Tsieina, Sambia, De Corea, Siapan, Ewrop a Chanada. Fel rheol, mae rhaglenni dros gyfnod o 2 – 6 wythnos ac mae cyllid ar gael. Am fwy o wybodaeth ewch i Rhaglenni Haf.

Gwnewch gais nawr - myfyrwyr y DU, UE a rhyngwladol.

Cewch wybod mwy drwy ymweld â'n tudalen ar sut i wneud cais

Cymdeithasau Myfyrwyr

Gallwch gwrdd â'ch cydfyfyrwyr a chymryd rhan mewn amrywiaeth o gyfleoedd cymdeithasol drwy ymuno â Chymdeithas y Gyfraith Myfyrwyr Abertawe, y Gymdeithas Astudiaethau Americanaidd neu Gymdeithas y Bar Myfyrwyr, y maent yn cael eu cynnal i fyfyrwyr gan fyfyrwyr.

Manylion Cyswllt

Am ragor o fanylion am astudiaethau LLB israddedig, cysylltwch â:

Ms Gemma Champion (Swyddog Recriwtio)
Rhif ffôn: +44(0) 1792 602194
E-bost: Gemma

Dr Patrick Bishop (Pennaeth Derbyn Myfyrwyr Israddedig y Gyfraith)
E-bost: Patrick

Ymholiadau cyffredinol:
Rhif ffôn: +44 (0)1792 295831
Email: Astudio

Ymholiadau UE/Rhyngwladol:
Rhif ffôn: +44 (0)1792 602600
E-bost: Rhyngwladol