Hanes A Sbaeneg gyda Blwyddyn Dramor, BA (Hons)

Diwrnod Agored

Gofynnwch gwestiwn i ni

93% Boddhad Myfyrwyr

Arolwg Cenedlaethol o Fyfyrwyr 2017

Manylion Allweddol y Cwrs

D.U./U.E.
Rhyngwladol

4 Blynedd Llawn Amser

- Côd UCAS RV41
- Dull Astudio Ar y Campws
- Dyddiad Dechrau Medi 2019
- Cynnig Nodweddiadol (gweler dewisiadau arall) BBB
- Lleoliad Campws Parc Singleton
- Ffioedd Dysgu Y Flwyddyn £ 9,000

4 Blynedd Llawn Amser

- Côd UCAS RV41
- Dull Astudio Ar y Campws
- Dyddiad Dechrau Medi 2019
- Cynnig Nodweddiadol BBB - Gwybodaeth Rhagor
- Lleoliad Campws Parc Singleton
- Ffioedd Dysgu Y Flwyddyn £ 14,500

Trosolwg o'r Cwrs

Mae Hanes a Sbaeneg, gyda blwyddyn dramor, yn archwilio i hanes drwy bynciau sy’n cynnwys hanes a rhywedd menywod, hanes cymdeithasol Prydain fodern, a hanes crefydd, iechyd a meddygaeth. Byddwch hefyd yn astudio amrywiaeth gyfoethog Sbaen: iaith, diwylliant, ffilm, hanes, cyfieithu ac addysgu’r iaith.

Mae astudio’r cwrs gradd BA bedair-blynedd hon yn agor y drws ar ystod eang o gyfleoedd gyrfa gan eich helpu i ddatblygu sgiliau sy’n werthfawr iawn i gyflogwyr.

Mae 94% o’n graddedigion Hanes naill ai wedi’u cyflogi neu’n gwneud astudiaethau pellach o fewn chwe mis o raddio (Cyrchfannau Ymadawyr Addysg Uwch 2015).

Pam Hanes A Sbaeneg gyda Blwyddyn Dramor yn Abertawe?

Lleolir yr adran am ein campws godidog ym Mharc Singleton, sef parcir â golygfa dros Fae Abertawe ar drothwy Penrhyn Gŵyr. Mae enw da iawn gan ein cyrsiau Hanes a Sbaeneg ym Mhrifysgol Abertawe ymhlith myfyrwyr a chyflogwyr:

Mae ymchwil Hanes ymhlith y 30 Gorau (Fframwaith Rhagoriaeth Ymchwil 2014) a chanddo sgôr Boddhad Myfyrwyr o 93% (Arolwg Cenedlaethol o Fyfyrwyr 2017)
Un o’r 15 Uchaf o safbwynt Rhagolygon Graddedigion (Canllaw Prifysgolion Da The Times 2018 a’r Canllaw Cyflawn i Brifysgolion 2019)
Cyfle i ymgymryd â modiwl taith astudio neu brosiect maes
Gallwch gyfuno tiwtora iaith dwys gyda modiwlau dewisol sy’n berthnasol i gymdeithas a diwylliant y byd Sbaeneg ei iaith.
Mae modiwlau cyfrwng Cymraeg ar gael

Cewch eich addysgu gan staff sy’n arbenigo ar ffilm, astudiaethau rhywedd, llenyddiaeth ganoloesol a modern cynnar, astudiaethau theatr, ysgrifennu teithio a chyfieithu.

Byddwch yn treulio’ch trydedd flwyddyn yn Sbaen pan fyddwch naill ai’n astudio mewn Prifysgol, yn addysgu mewn ystod neu’n gweithio mewn busnes.

Yn nes adre, mae digonedd o gyfleoedd i ehangu’ch profiad fel myfyriwr a’ch rhagolygon gyrfa. Mae Rhaglenni Lleoliad Gwaith Prifysgol Abertawe yn cynnig tair rhaglen yn y gweithle: Wythnos o Waith (WOW); Rhaglen Interniaethau â Thâl Abertawe (“SPIN”) a Lleoliadau Prifysgolion a Ariennir gan Santander.

Gallwch hefyd gysylltu ag Academy Cyflogadwyedd Abertawe (“SEA”). Mae’n darparu rhwydwaith sy’n cysylltu myfyrwyr â chyflogwyr. Gallwch fynychu trafodaethau a gweithdai ynghyd â digwyddiadau rhwydweithio a arweinir gan fyfyrwyr.

Eich Profiad Hanes A Sbaeneg gyda Blwyddyn Dramor

Yn ystod eich cwrs pedair-blynedd Hanes a Sbaeneg bydd gennych fentor academaidd a fydd yn ymdrin ag unrhyw gymorth bugeiliol ac academaidd a allai fod ei angen arnoch, ac mae’r Gymdeithas Astudiaethau Hynafol a’r gymdeithas myfyrwyr Hanes yn trefnu digwyddiadau cymdeithasol a diwylliannol.

Rydym yn cynnig cynnwys cyrsiau hyblyg a gallwch deilwra’ch gradd i gyd-fynd â’ch diddordebau eich hun. Wrth i chi symud ymlaen drwy’r cwrs, gallwch ddewis arbenigol mewn hanes canoloesol, modern cynnar neu fodern. Byddwch hefyd yn astudio amrywiaeth gyfoethog hanes, gwleidyddiaeth, llenyddiaeth a ffilm Sbaenig. Mae modiwlau dewisol amrywiol ar gael sy’n cynnwys Rhywedd yn Niwylliant Ewrop a Ffilm Ewropeaidd Gyfoes.

Cyfleoedd Cyflogaeth Hanes A Sbaeneg gyda Blwyddyn Dramor

Mae 92.3 y cant o Raddedigion Anrhydedd Sengl neu Gydanrhydedd Ieithoedd Modern Prifysgol Abertawe mewn gwaith a/neu astudiaeth bellach chwe mis wedi iddynt raddio. (DHLE 2015)

Yn gyffredinol bydd myfyrwyr y cwrs hwn yn datblygu sgiliau llafar ac ysgrifenedig arbennig a byddwch hefyd yn dysgu datblygu eich syniadau ar ffurfiau eang iawn, ynghyd â sgiliau ymchwil, dadansoddi a datrys-problemau cryf.

Mae ein graddedigion yn ymgymryd â gyrfaoedd mewn sectorau eang iawn, gan gynnwys:

Addysg
Marchnata
Cyfieithu ar y pryd a chyfieithu
Adnoddau dynol
Twristiaeth a rheoli digwyddiadau
Y Cyfryngau a Chysylltiadau Cyhoeddus
Treftadaeth ac Amgueddfeydd

Darganfyddwch eich prifysgol

Ewch ar rithdaith

Astudio trwy’r Gymraeg

Modiwlau

Bydd eich astudiaethau cychwynnol yn eich cyflwyno i hanes Prydain fodern, Sbaeneg i ddechreuwyr a diwylliant Sbaenig. Yna byddwch yn dewis eich llwybr gyda modiwlau i gyd-fynd â’ch diddordebau eich hun.

Blwyddyn 3 (Lefel 5 YR OUT)

FHEQ 5 Undergraduate Sandwich Year

Mae myfyrwyr yn dewis 120 o gredydau o'r opsiynau canlynol:

Modiwlau Gorfodol

Heb ganfod dim.

Modiwlau Opsiynol

Dewiswch Yn union 120 o gredydau o'r Modiwlau a ganlyn:

NODER :This module is compulsory for all students pursuing a degree involving a foreign language. It gives students the opportunity to increase their language skills and familiarize themselves with other culture(s).

Cod y Modiwl	Semester	Credydau	Enw'r Modiwl	Canllawiau
ML-R00	Semester 1 and Semester 2 (Sep-Jun Taught)	120	Year Abroad (Languages/Translation)

Gofynion Mynediad

Ein gofyniad mynediad safonol yw BBB (120 o bwyntiau tariff UCAS) neu gyfwerth. Caiff ein holl gynigion eu gwneud yn dilyn adolygiad o'r ffurflen gais, y graddau a ragwelir/enillwyd a'r pynciau, y geirda a'r datganiad personol. Rydym hefyd yn derbyn amrywiaeth o gymwysterau lefel uwch, gan gynnwys: 32 yn y Fagloriaeth Ryngwladol; Bagloriaeth Cymru – gradd sy'n gyfwerth â Safon Uwch; Cymwysterau Mynediad i Addysg Uwch a'r Brifysgol Agored, a Phrosiect Estynedig.

Rydym yn gofyn am sgôr IELTS o 6.0 fan leiaf ar gyfer ymgeiswyr nad ydynt yn siarad Saesneg fel eu hiaith gyntaf.

Sut fyddwch chi'n cael eich dysgu

Yn ystod blwyddyn gyntaf eich astudiaethau, cewch eich addysgu drwy ddarlithoedd a thiwtorialau. Bydd y broses asesu yn cynnwys gwaith cwrs, traethawd ac arholiad.

Yn yr ail flwyddyn, byddwch yn dysgu drwy seminarau a gwaith grŵp. Bydd y broses asesu yn amrywiol ac yn cynnwys gwaith cwrs, traethodau, cyflwyniadau grŵp ac arholiad.

Yn y flwyddyn olaf, byddwch yn cwblhau astudiaethau annibynnol drwy ddulliau ymchwilio, traethawd hir neu bortffolio ymarfer a chewch hefyd eich addysgu drwy seminarau a gwaith grŵp. Bydd y broses asesu yn cynnwys traethawd ymchwil hir annibynnol, cyflwyniad annibynnol, gwaith cwrs ac arholiad.

Mae ein dysgu ac addysgu yn gwella eich sgiliau allweddol, y mae cyflogwyr yn chwilio amdanynt mewn graddedigion, fel a ganlyn:

Hunanreoli (mynychu dosbarthiadau, cadw at derfynau amser, paratoi ar gyfer seminarau, traethawd hir)
Gweithio mewn tîm (cyflwyniadau grŵp, seminarau grŵp, teithiau astudio a phrosiectau)
Ymwybyddiaeth o gwsmeriaid (astudio dramor, interniaethau, lleoliadau gwaith, profiad myfyrwyr)
Datrys problemau (ysgrifennu traethodau, ymchwil, arholiadau)
Cyfathrebu a llythrennedd (traethodau, arholiadau, cyflwyniadau, gwaith prosiect, traethawd hir)
Sgiliau rhifedd (dadansoddi data, ystadegau, graffiau, setiau data)
Technoleg gwybodaeth (Blackboard, traethodau, arholiadau, cyflwyniadau, cyfryngau cymdeithasol)

Darpariaeth Gymraeg

Mae hawl gennych i ysgrifennu a chyflwyno eich gwaith cwrs ac i sefyll eich arholiadau yn y Gymraeg, hyd yn oed os ydych wedi dewis dilyn modiwlau cyfrwng Saesneg. Hefyd mae’n bosib i chi ddewis cael cyfweliad trwy gyfrwng y Gymraeg wrth ymgeisio am le.

Gallwch astudio o leiaf 40 credyd o’r cwrs hwn drwy gyfrwng y Gymraeg. Bydd parhau i astudio trwy’r Gymraeg wedi i chi adael yr ysgol neu’r coleg yn ddatblygiad naturiol i chi ac yn fodd o sicrhau eich cyfle i gael yr addysg orau. Bydd hefyd yn ychwanegiad gwerthfawr i’ch CV a’ch datblygiad gyrfaol. Mae cyfleoedd ar gael i fyfyrwyr sy’n rhugl ac yn hyderus yn yr iaith yn ogystal ag i’r rhai sy’n llai hyderus neu sy’n ddysgwyr. Mae’n bosibl hefyd ddewis dosbarthiadau seminar a thiwtorial cyfrwng Cymraeg ar gyfer modiwlau sy’n cael eu dysgu yn bennaf drwy gyfrwng y Saesneg.

Mae ysgoloriaethau a bwrsariaethau ar gael i fyfyrwyr sy’n dewis astudio 40 credyd neu fwy trwy gyfrwng y Gymraeg. Ewch i’r dudalen Ysgoloriaethau am wybodaeth bellach.

Ffioedd Dysgu

Y ffioedd dysgu blynyddol ar gyfer blwyddyn academaidd 2019/20 fydd:

		D.U./U.E.	Rhyngwladol
BA (Hons)	Llawn Amser	£ 9,000	£ 14,500

Gellir codi ffioedd myfyrwyr Israddedig y DU/UE llawn amser yn chwyddiannol mewn blynyddoedd astudio i ddod. Penderfynir ar y swm gan Lywodraeth Cymru.

Bydd ffioedd ar gyfer myfyrwyr rhyngwladol Israddedig yn cynyddu 3% ar gyfer pob blwyddyn ddilynol o astudio.

Yn ystod blwyddyn ryngol (e.e. blwyddyn mewn diwydiant, blwyddyn dramor neu flwyddyn lleoliad), bydd ffi is yn gymwys. Am ragor o wybodaeth ewch i'n tudalen ffioedd dysgu.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Ysgoloriaethau a Bwrsariaethau

Mae’n bosib eich bod yn gymwys i gael cymorth ariannol tuag at eich astudiaethau.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau y Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Costau Ychwanegol

Gallwch wynebu costau ychwanegol yn ystod eich amser yn y Brifysgol, gan gynnwys y canlynol (ond nid yw hon yn rhestr gynhwysfawr):

Parcio yn y cae hamdden a theithio i'r campws ac oddi yno
Argraffu, llungopïo, costau deunyddiau a chyfarpar ysgrifennu (e.e. cof bach)
Prynu llyfrau neu destunau
Argraffu a rhwymo
Gŵn ar gyfer seremonïau graddio

Gyrfaoedd a Chyflogadwyedd

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
Cyngor ac arweiniad unigol gan Ymgynghorwyr Gyrfaoedd proffesiynol
Cymorth i chwilio am swyddi, interniaethau, lleoliadau gwaith a chyfleoedd gwirfoddoli
Mynediad i adnoddau gwybodaeth am amrywiaeth eang o bynciau rheoli gyrfa
Cyngor ac arweiniad ar astudio a chyllid i fyfyrwyr ôl-raddedig.
Ariannu i gefnogi cyfleoedd interniaethau myfyrwyr a digwyddiadau Cymdeithasau/Clybiau Myfyrwyr

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Cymorth Academaidd

Yn ogystal â chymorth pwnc penodol gan staff addysgu'r coleg a'ch mentor academaidd personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

Ysgrifennu academaidd
Mathemateg ac ystadegau
Meddwl critigol
Rheoli amser
Sgiliau digidol
Sgiliau cyflwyno
Cymryd nodiadau
Technegau adolygu, dysgu ar gof ac arholiadau
Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Mae ein myfyrwyr yn bwysig i ni a'n nod yw sicrhau eich bod yn ennill y dosbarth gradd gorau. Mae gennym system mentora personol lle y dyrennir mentor academaidd i chi. Mae gennym hefyd bolisi "drws agored" lle mae ein hathrawon academaidd ar gael i siarad â chi ar unrhyw adeg am unrhyw ymholiadau neu bryderon academaidd a allai fod gennych.

Cyfleoedd Byd-eang

Efallai bod gennych eisoes y cyfle i astudio neu weithio dramor fel rhan o’ch gradd, ond gallwch hefyd ystyried rhaglen haf ryngwladol.

Mae'r rhaglenni ar agor i fyfyrwyr israddedig y Brifysgol ac ymhlith yr opsiynau mae teithiau astudio a diwylliannol, rhaglenni gwirfoddoli ac interniaethau ledled gwledydd tramor fel Tsieina, Sambia, De Corea, Siapan, Ewrop a Chanada. Fel rheol, mae rhaglenni dros gyfnod o 2 – 6 wythnos ac mae cyllid ar gael. Am fwy o wybodaeth ewch i Rhaglenni Haf.

Caiff pob un o'n myfyrwyr yr opsiwn o astudio dramor. Mae ein rhaglenni pedair blynedd yn cynnig blwyddyn lawn dramor ac rydym hefyd yn cynnig tymor dramor ar gyfer cyrsiau gradd tair blynedd, yn ystod eich ail flwyddyn o fis Ionawr i fis Mai yn Hong Kong, Singapôr ac UDA. Rhaglen gyfnewid yw'r tymor dramor felly byddwch yn talu ffioedd dysgu'r DU a byddwch yn gyfrifol am gostau llety a byw yn y sefydliad partner am y tymor hwnnw.

Sut i wneud cais

Gwnewch gais nawr - myfyrwyr y DU, UE a rhyngwladol.

Cewch wybod mwy drwy ymweld â'n tudalen ar sut i wneud cais