Y Clasuron, BA (Hons)

Diwrnod Agored

Gofynnwch gwestiwn i ni

Mae 94% o raddedigion y Clasuron, Hanes yr Henfyd ac Eifftoleg yn gweithio neu'n

Arolwg Cenedlaethol o Fyfyrwyr 2018

Manylion Allweddol y Cwrs

D.U./U.E.
Rhyngwladol

3 Blynedd Llawn Amser

- Côd UCAS Q800
- Dull Astudio Ar y Campws
- Dyddiad Dechrau Medi 2019
- Cynnig Nodweddiadol (gweler dewisiadau arall) BBB
- Lleoliad Campws Parc Singleton
- Ffioedd Dysgu Y Flwyddyn £ 9,000

3 Blynedd Llawn Amser

- Côd UCAS Q800
- Dull Astudio Ar y Campws
- Dyddiad Dechrau Medi 2019
- Cynnig Nodweddiadol BBB - Gwybodaeth Rhagor
- Lleoliad Campws Parc Singleton
- Ffioedd Dysgu Y Flwyddyn £ 16,750

Trosolwg o'r Cwrs

Mae'r Clasuron yn ymchwilio i lenyddiaeth a diwylliant y bydoedd Groegaidd a Rhufeinig a byddwch hefyd yn astudio Groeg ar lefel ganolradd ac uwch. Mae'r cwrs gradd BA tair blynedd hwn yn cynnig amrywiaeth o bosibiliadau gyrfa cyffrous drwy eich helpu i feithrin sgiliau trosglwyddadwy y mae cyflogwyr yn rhoi llawer o werth arnynt.

Gellir dadlau mai diwylliannau Groeg a Rhufain yw conglfeini gwareiddiad y gorllewin. Byddwch yn archwilio mytholeg, drama, athroniaeth, ffuglen, dychan, celf, pensaernïaeth a'r ieithoedd Groeg a Lladin.

Mae gradd yn y Clasuron yn eich galluogi i astudio ac archwilio gwareiddiadau a all ymddangos yn hen iawn ond sy'n dal i gael dylanwad yn yr 21ain ganrif.

Mae Prifysgol Abertawe yn y 10 uchaf yn y Guardian University Guide (Arolwg Cenedlaethol o Fyfyrwyr 2018), a byddwch yn cael cyfle i dreulio tymor yn astudio dramor naill ai yn UDA, Canada, Tsieina, Hong Kong neu Singapôr yn ystod yr ail flwyddyn, gan wella eich profiad fel myfyriwr a'ch rhagolygon gyrfa ymhellach.

Pam Y Clasuron yn Abertawe?

Mae cyrsiau gradd yn y Clasuron ym Mhrifysgol Abertawe, sydd wedi'u lleoli ar gampws godidog Parc Singleton, mewn parcdir sy'n edrych dros Fae Abertawe ar gyrion Penrhyn Gŵyr, yn cael eu canmol yn fawr:

Mae 94% o raddedigion sydd wedi cwblhau graddau anrhydedd a chydanrhydedd ym meysydd y Clasuron, Hanes yr Henfyd ac Eifftoleg yn gweithio neu'n astudio ymhellach o fewn chwe mis i raddio (Arolwg Cenedlaethol o Fyfyrwyr, 2018).
Mae 95% o raddedigion sydd wedi cwblhau graddau anrhydedd a chydanrhydedd ym meysydd y Clasuron, Hanes yr Henfyd ac Eifftoleg yn fodlon ar ansawdd eu cwrs (Arolwg Cenedlaethol o Fyfyrwyr 2018).

Mae Prifysgol Abertawe yn falch o fod yn gartref i'r Ganolfan Eifftaidd sydd â mwy na 5,000 o wrthrychau archeolegol sy'n rhan o'r Casgliad Wellcome o henebion Eifftaidd.

Gallwch gael profiad addysgu drwy arwain gweithdai ar gyfer Partneriaeth Ymgyrraedd yn Ehangach De-orllewin Cymru er mwyn gwella eich profiad fel myfyriwr a'ch rhagolygon gyrfa.

Eich Profiad Y Clasuron

Yn ystod eich blwyddyn gyntaf, byddwch yn archwilio'r ieithoedd Groeg a Lladin yn ogystal â chynnwys amrywiol a hyblyg, felly gallwch lywio eich cwrs gradd yn y Clasuron mewn ffordd sy'n gweddu i'ch diddordebau eich hun.

Mae ein dull gweithredu rhyngddisgyblaethol yn golygu y byddwch yn ffurfio cysylltiadau ag amrywiaeth o feysydd pwnc – byddwch yn archwilio diwylliannau'r gorffennol, gan gynnwys y bydoedd Groegaidd a Rhufeinig, ac yn astudio'r iaith Ladin.

Caiff yr addysgu ei lywio gan ein hymchwil o'r radd flaenaf, a gallwch fynychu seminarau a drefnir drwy ein rhaglen siaradwyr gwadd.

Bydd gennych fentor academaidd a all roi unrhyw gymorth bugeiliol neu academaidd sydd ei angen arnoch, ac mae Cymdeithas Astudiaethau'r Henfyd yn trefnu digwyddiadau cymdeithasol a diwylliannol.

Cyfleoedd Cyflogaeth Y Clasuron

Mae 94% o raddedigion y Clasuron, Hanes yr Henfyd ac Eifftoleg yn gweithio neu'n astudio ymhellach o fewn chwe mis i raddio (Arolwg Cenedlaethol o Fyfyrwyr, 2018).

Bydd myfyrwyr ar y cwrs hwn fel arfer yn meithrin sgiliau llafar ac ysgrifennu rhagorol a byddwch yn dysgu sut i gyflwyno eich syniadau mewn amrywiaeth o fformatau, ynghyd â sgiliau ymchwilio a dadansoddi cadarn.

Darganfyddwch eich prifysgol

Ewch ar rithdaith

Astudio trwy’r Gymraeg

Modiwlau

Yn ystod eich blwyddyn gyntaf, byddwch fel arfer yn archwilio'r ieithoedd Groeg a Lladin.

Bydd eich astudiaethau cynnar yn eich cyflwyno i athroniaeth, rhethreg, celf a phensaernïaeth yr henfyd ac yn datblygu eich sgiliau yn yr iaith Roeg. Ymhlith y modiwlau dewisol mae'r canlynol: Barddoniaeth Serch Rufeinig a Groeg Hynafol.

Wedyn, byddwch yn dewis eich llwybr gyda modiwlau sy'n gweddu i'ch diddordebau, cyn canolbwyntio'n fanwl ar eich prosiect ymchwil terfynol er mwyn ysgrifennu eich traethawd hir terfynol.

Blwyddyn 3 (Lefel 6)

FHEQ 6 Undergraduate / Honours

Mae myfyrwyr yn dewis 120 o gredydau o'r opsiynau canlynol:

Modiwlau Gorfodol

Cod y Modiwl	Semester	Credydau	Enw'r Modiwl
CLD300	Semester 1 and Semester 2 (Sep-Jun Taught)	40	Classics, Ancient History, Egyptology Dissertation

Modiwlau Opsiynol

Greek Modules

Dewiswch Yn union 40 o gredydau o'r Modiwlau a ganlyn:

NODER :Students must select 60 credits in each teaching block. Staff can advise on the appropriate level of Greek on request.

Cod y Modiwl	Semester	Credydau	Enw'r Modiwl	Canllawiau
CLG321	Semester 1 (Sep-Jan Taught)	20	Intermediate Greek Language I
CLG322	Semester 2 (Jan-Jun Taught)	20	Intermediate Greek Language II	To select this module you must pursue CLG321 also.
CLG325	Semester 1 (Sep-Jan Taught)	20	Further Greek 1 (Level 3)
CLG326	Semester 2 (Jan-Jun Taught)	20	Further Greek 2 (Level 3)	To select this module you must pursue CLG325 also.
CLG327	Semester 1 (Sep-Jan Taught)	20	Advanced Greek 1 (Level 3)
CLG328	Semester 2 (Jan-Jun Taught)	20	Advanced Greek 2 (Level 3)	To select this module you must pursue CLG328 also.
CLG329	Semester 1 (Sep-Jan Taught)	20	Advanced Greek 3
CLG330	Semester 2 (Jan-Jun Taught)	20	Advanced Greek 4

AND

Latin Modules

Dewiswch Yn union 40 o gredydau o'r Modiwlau a ganlyn:

NODER :Staff can advise on the appropriate level of Latin on request.

Cod y Modiwl	Semester	Credydau	Enw'r Modiwl	Canllawiau
CLL321	Semester 1 (Sep-Jan Taught)	20	Intermediate Latin Language I
CLL322	Semester 2 (Jan-Jun Taught)	20	Intermediate Latin Language II	To select this module you must pursue CLL321 also.
CLL325	Semester 1 (Sep-Jan Taught)	20	Further Latin 1 (Level 3)
CLL326	Semester 2 (Jan-Jun Taught)	20	Further Latin 2 (Level 3)	To select this module you must pursue CLL325 also.
CLL327	Semester 1 (Sep-Jan Taught)	20	Advanced Latin 1 (Level 3)
CLL328	Semester 2 (Jan-Jun Taught)	20	Advanced Latin 2 (Level 3)	To select this module you must pursue CLL327 also.
CLL329	Semester 1 (Sep-Jan Taught)	20	Advanced Latin 3
CLL330	Semester 2 (Jan-Jun Taught)	20	Advanced Latin 4	To select this module you must pursue CLL329 also.

Gofynion Mynediad

Ein gofyniad mynediad safonol yw BBB (120 o bwyntiau tariff UCAS) neu gyfwerth. Caiff ein holl gynigion eu gwneud yn dilyn adolygiad o'r ffurflen gais, y graddau a ragwelir/enillwyd a'r pynciau, y geirda a'r datganiad personol. Rydym hefyd yn derbyn amrywiaeth o gymwysterau lefel uwch, gan gynnwys: 32 yn y Fagloriaeth Ryngwladol; Bagloriaeth Cymru – gradd sy'n gyfwerth â Safon Uwch; Cymwysterau Mynediad i Addysg Uwch a'r Brifysgol Agored, a Phrosiect Estynedig.

Rydym yn gofyn am sgôr IELTS o 6.0 fan leiaf ar gyfer ymgeiswyr nad ydynt yn siarad Saesneg fel eu hiaith gyntaf.

Sut fyddwch chi'n cael eich dysgu

Yn ystod blwyddyn gyntaf eich astudiaethau, cewch eich addysgu drwy ddarlithoedd a thiwtorialau. Bydd y broses asesu yn cynnwys gwaith cwrs, traethawd ac arholiad.

Yn yr ail flwyddyn, byddwch yn dysgu drwy seminarau a gwaith grŵp. Bydd y broses asesu yn amrywiol ac yn cynnwys gwaith cwrs, traethodau, cyflwyniadau grŵp ac arholiad.

Yn y flwyddyn olaf, byddwch yn cwblhau astudiaethau annibynnol drwy ddulliau ymchwilio, traethawd hir neu bortffolio ymarfer a chewch hefyd eich addysgu drwy seminarau a gwaith grŵp. Bydd y broses asesu yn cynnwys traethawd ymchwil hir annibynnol, cyflwyniad annibynnol, gwaith cwrs ac arholiad.

Mae ein dysgu ac addysgu yn gwella eich sgiliau allweddol, y mae cyflogwyr yn chwilio amdanynt mewn graddedigion, fel a ganlyn:

Hunanreoli (mynychu dosbarthiadau, cadw at derfynau amser, paratoi ar gyfer seminarau, traethawd hir)
Gweithio mewn tîm (cyflwyniadau grŵp, seminarau grŵp, teithiau astudio a phrosiectau)
Ymwybyddiaeth o gwsmeriaid (astudio dramor, interniaethau, lleoliadau gwaith, profiad myfyrwyr)
Datrys problemau (ysgrifennu traethodau, ymchwil, arholiadau)
Cyfathrebu a llythrennedd (traethodau, arholiadau, cyflwyniadau, gwaith prosiect, traethawd hir)
Sgiliau rhifedd (dadansoddi data, ystadegau, graffiau, setiau data)
Technoleg gwybodaeth (Blackboard, traethodau, arholiadau, cyflwyniadau, cyfryngau cymdeithasol)

Darpariaeth Gymraeg

Mae hawl gennych i ysgrifennu a chyflwyno eich gwaith cwrs ac i sefyll eich arholiadau yn y Gymraeg, hyd yn oed os ydych wedi dewis dilyn modiwlau cyfrwng Saesneg. Hefyd mae’n bosib i chi ddewis cael cyfweliad trwy gyfrwng y Gymraeg wrth ymgeisio am le.

Darperir rhai elfennau o’r cwrs hwn trwy gyfrwng y Gymraeg ond nid oes digon o ddarpariaeth eto i gyrraedd 40 credyd ym mhob blwyddyn. Bydd parhau i astudio trwy’r Gymraeg wedi i chi adael yr ysgol neu’r coleg yn ddatblygiad naturiol i chi ac yn fodd o sicrhau eich cyfle i gael yr addysg orau. Bydd hefyd yn ychwanegiad gwerthfawr i’ch CV a’ch datblygiad gyrfaol. Mae cyfleoedd ar gael i fyfyrwyr sy’n rhugl ac yn hyderus yn yr iaith yn ogystal ag i’r rhai sy’n llai hyderus neu sy’n ddysgwyr. Mae’n bosibl hefyd ddewis dosbarthiadau seminar a thiwtorial cyfrwng Cymraeg ar gyfer modiwlau sy’n cael eu dysgu yn bennaf drwy gyfrwng y Saesneg.

Cwrdd â'ch Darlithwyr

Ffioedd Dysgu

Y ffioedd dysgu blynyddol ar gyfer blwyddyn academaidd 2019/20 fydd:

		D.U./U.E.	Rhyngwladol
BA (Hons)	Llawn Amser	£ 9,000	£ 16,750

Gellir codi ffioedd myfyrwyr Israddedig y DU/UE llawn amser yn chwyddiannol mewn blynyddoedd astudio i ddod. Penderfynir ar y swm gan Lywodraeth Cymru.

Bydd ffioedd ar gyfer myfyrwyr rhyngwladol Israddedig yn cynyddu 3% ar gyfer pob blwyddyn ddilynol o astudio.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Ysgoloriaethau a Bwrsariaethau

Mae’n bosib eich bod yn gymwys i gael cymorth ariannol tuag at eich astudiaethau.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau y Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Costau Ychwanegol

Gallwch wynebu costau ychwanegol yn ystod eich amser yn y Brifysgol, gan gynnwys y canlynol (ond nid yw hon yn rhestr gynhwysfawr):

Parcio yn y cae hamdden a theithio i'r campws ac oddi yno
Argraffu, llungopïo, costau deunyddiau a chyfarpar ysgrifennu (e.e. cof bach)
Prynu llyfrau neu destunau
Argraffu a rhwymo
Gŵn ar gyfer seremonïau graddio

Gyrfaoedd a Chyflogadwyedd

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
Cyngor ac arweiniad unigol gan Ymgynghorwyr Gyrfaoedd proffesiynol
Cymorth i chwilio am swyddi, interniaethau, lleoliadau gwaith a chyfleoedd gwirfoddoli
Mynediad i adnoddau gwybodaeth am amrywiaeth eang o bynciau rheoli gyrfa
Cyngor ac arweiniad ar astudio a chyllid i fyfyrwyr ôl-raddedig.
Ariannu i gefnogi cyfleoedd interniaethau myfyrwyr a digwyddiadau Cymdeithasau/Clybiau Myfyrwyr

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Cymorth Academaidd

Yn ogystal â chymorth pwnc penodol gan staff addysgu'r coleg a'ch mentor academaidd personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

Ysgrifennu academaidd
Mathemateg ac ystadegau
Meddwl critigol
Rheoli amser
Sgiliau digidol
Sgiliau cyflwyno
Cymryd nodiadau
Technegau adolygu, dysgu ar gof ac arholiadau
Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Mae ein myfyrwyr yn bwysig i ni a'n nod yw sicrhau eich bod yn ennill y dosbarth gradd gorau. Mae gennym system mentora personol lle y dyrennir mentor academaidd i chi. Mae gennym hefyd bolisi "drws agored" lle mae ein hathrawon academaidd ar gael i siarad â chi ar unrhyw adeg am unrhyw ymholiadau neu bryderon academaidd a allai fod gennych.

Cyfleoedd Byd-eang

Efallai bod gennych eisoes y cyfle i astudio neu weithio dramor fel rhan o’ch gradd, ond gallwch hefyd ystyried rhaglen haf ryngwladol.

Mae'r rhaglenni ar agor i fyfyrwyr israddedig y Brifysgol ac ymhlith yr opsiynau mae teithiau astudio a diwylliannol, rhaglenni gwirfoddoli ac interniaethau ledled gwledydd tramor fel Tsieina, Sambia, De Corea, Siapan, Ewrop a Chanada. Fel rheol, mae rhaglenni dros gyfnod o 2 – 6 wythnos ac mae cyllid ar gael. Am fwy o wybodaeth ewch i Rhaglenni Haf.

Caiff pob un o'n myfyrwyr yr opsiwn o astudio dramor. Mae ein rhaglenni pedair blynedd yn cynnig blwyddyn lawn dramor ac rydym hefyd yn cynnig tymor dramor ar gyfer cyrsiau gradd tair blynedd, yn ystod eich ail flwyddyn o fis Ionawr i fis Mai yn Hong Kong, Singapôr ac UDA. Rhaglen gyfnewid yw'r tymor dramor felly byddwch yn talu ffioedd dysgu'r DU a byddwch yn gyfrifol am gostau llety a byw yn y sefydliad partner am y tymor hwnnw.

Sut i wneud cais

Gwnewch gais nawr - myfyrwyr y DU, UE a rhyngwladol.

Cewch wybod mwy drwy ymweld â'n tudalen ar sut i wneud cais