Astudiaethau Plentyndod Cynnar gyda Statws Ymarferydd Blynyddoedd Cynnar, BA (Hons)

Ym mlwyddyn gyntaf eich astudiaethau, cewch eich addysgu drwy ddarlithoedd a thiwtorialau. Y dull asesu fydd gwaith cwrs, traethawd ac arholiad.

Yn yr ail flwyddyn, byddwch yn dysgu drwy seminarau a gwaith grŵp. Mae'r dull asesu'n amrywiol, gan gynnwys gwaith cwrs, traethodau, cyflwyniadau grŵp ac arholiad.

Yn y flwyddyn olaf, byddwch yn astudio'n annibynnol drwy ddulliau ymchwil, traethawd hir neu bortffolio ymarfer, a chewch hefyd eich addysgu drwy seminarau a gwaith grŵp. Mae'r dulliau asesu'n cynnwys traethawd hir ymchwil annibynnol, cyflwyniad annibynnol, gwaith cwrs ac arholiad.

Byddwch yn treulio 700 o oriau ar leoliad yn ystod y cwrs tair blynedd.

Gweld Rhestr Ddarllen Astudiaethau Plentyndod Cynnar

Ein gofyniad mynediad safonol yw BBB (120 o bwyntiau tariff UCAS) neu gyfwerth. Caiff ein holl gynigion eu gwneud yn dilyn adolygiad o'r ffurflen gais, y graddau a ragwelir/enillwyd a'r pynciau, y geirda a'r datganiad personol. Rydym hefyd yn derbyn amrywiaeth o gymwysterau lefel uwch, gan gynnwys: 32 yn y Fagloriaeth Ryngwladol; Bagloriaeth Cymru – gradd sy'n gyfwerth â Safon Uwch; Cymwysterau Mynediad i Addysg Uwch a'r Brifysgol Agored, a Phrosiect Estynedig.

Byddwch yn ymwybodol bod gofyniad i bob myfyriwr gwblhau Gwiriad Manwl y Gwasanaeth Datgelu a Gwahardd (DBS) (neu wiriad Heddlu ar gyfer myfyrwyr tramor) fel rhan o’r broses gofrestru ar gyfer ein rhaglenni Astudiaethau Plentyndod Cynnar a chodir ffi am y gwasanaeth hwn. Gweler ein tudalen Canllawiau ar gyfer Proses Cyflwyno Cais DBS am ragor o fanylion.  

Gwasanaeth Diweddaru’r Gwasanaeth Datgelu a Gwahardd (DBS):

Mae’r Gwasanaeth Diweddaru yn danysgrifiad a delir yn flynyddol sy’n cadw eich tystysgrif gan y DBS yn gyfredol, gan eich galluogi chi i ailddefnyddio eich tystysgrif ar gyfer gwaith a lleoliadau gwaith yn y dyfodol. Rydym yn eich cynghori’n gryf i gofrestru ar gyfer y Gwasanaeth Diweddaru er mwyn osgoi gorfod cyflwyno cais am dystysgrif uwch newydd gan y DBS ar gyfer pob lleoliad gwaith. Gallwch chi danysgrifio trwy wefan y DBS, er bod yn rhaid gwneud hyn ymhen 30 diwrnod o ddyddiad cyflwyno eich tystysgrif gan y DBS. Os ydych chi eisoes wedi tanysgrifio i’r Gwasanaeth Diweddaru e-bostiwch cas.admissions@abertawe.ac.uk

Dyma'r gofynion ar gyfer Myfyrwyr Rhyngwladol  Rydym yn gofyn am sgôr IELTS o 6.0 fan leiaf ar gyfer ymgeiswyr nad ydynt yn siarad Saesneg fel eu hiaith gyntaf.

Diweddariad Covid-19 - Darllenwch y 'Diweddariad Covid Dysgu ac Addysgu' isod.

Mae ein dysgu ac addysgu yn gwella'ch sgiliau allweddol y mae cyflogwyr yn chwilio amdanynt mewn graddedigion fel a ganlyn:

• Hunanreolaeth (mynychu dosbarthiadau, bodloni dyddiadau cau, paratoi ar gyfer seminarau, traethawd hir)
• Gweithio fel tîm (cyflwyniadau grŵp, seminarau grŵp, teithiau astudio a phrosiectau)
• Ymwybyddiaeth cwsmeriaid (astudio dramor, interniaethau, lleoliadau gwaith, profiad y myfyrwyr)
• Datrys problemau (ysgrifennu traethodau, ymchwil, arholiadau)
• Cyfathrebu a llythrennedd (traethodau, arholiadau, cyflwyniadau, gwaith prosiect, traethawd hir)
• Sgiliau rhifedd (dadansoddi data, ystadegau)
• Technoleg gwybodaeth (Blackboard, traethodau, arholiadau, cyflwyniadau, cyfryngau cymdeithasol)

Mae'r cwrs hwn yn cynnig rhai modiwlau a addysgir trwy gyfrwng y Gymraeg neu'n ddwyieithog ar gyfer myfyrwyr sy'n rhugl yn y Gymraeg. I gael rhagor o wybodaeth am y ddarpariaeth sydd ar gael, gweler yr adran Darpariaeth Gymraeg isod.

Rhywfaint o ddarpariaeth

Darperir rhai elfennau o'r cwrs hwn trwy gyfrwng y Gymraeg ond nid oes digon o ddarpariaeth eto i gyrraedd 40 credyd ym mhob blwyddyn. Mae Academi Hywel Teifi yma i'th gefnogi trwy gydol dy amser ym Mhrifysgol Abertawe. Rydym yn cynnig:

• Fynediad at ysgoloriaethau a bwrsariaethau hael ar gyfer astudio trwy gyfrwng y Gymraeg.
• Mynediad at fodiwlau a addysgir yn gyfan gwbl neu'n rhannol yn Gymraeg.
• Mynediad at ap Arwain er mwyn derbyn y diweddaraf am ein cyrsiau a'n modiwlau cyfrwng Cymraeg. Gelli di lawrlwytho'r ap am ddim drwy'r App Store a Google Play.
• Yr opsiwn am gyfweliad trwy gyfrwng y Gymraeg wrth wneud cais am le.
• Yr opsiwn i dderbyn dy ohebiaeth bersonol yn Gymraeg, yn Saesneg neu'n ddwyieithog.
• Yr opsiwn i ysgrifennu a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os wyt ti wedi dewis astudio yn Saesneg), a bydd dy waith yn cael ei farcio yn Gymraeg.
• Mentor Academaidd Cymraeg ei iaith.
• Cefnogaeth un i un i wella dy sgiliau Cymraeg academaidd.
• Cyfle i ennill cymhwyster ychwanegol sy'n dystiolaeth o dy allu Cymraeg i gyflogwyr y dyfodol.
• Cyfle i fod yn aelod o Gangen Prifysgol Abertawe o'r Coleg Cymraeg Cenedlaethol.

Cer i'r dudalen Mae Gen i Hawl am wybodaeth bellach am hawliau myfyrwyr.

Bydd parhau i astudio trwy'r Gymraeg yn:

• ddatblygiad naturiol i ti os wyt ti wedi astudio trwy'r Gymraeg yn yr ysgol neu'r coleg
• ffordd o sicrhau dy gyfle i gael yr addysg orau
• ffordd o dderbyn lefel uchel o gefnogaeth wrth i'r grwpiau astudio fod yn llai
• ychwanegiad gwerthfawr i dy CV a dy ddatblygiad gyrfaol

Mae cyfleoedd ar gael i fyfyrwyr sy'n rhugl ac yn hyderus yn yr iaith yn ogystal ag i'r rhai sy'n llai hyderus neu sy'n ddysgwyr. Mae'n bosibl hefyd dewis dosbarthiadau seminar a thiwtorial cyfrwng Cymraeg ar gyfer modiwlau sy'n cael eu dysgu yn bennaf drwy gyfrwng y Saesneg.

• Professor Tom Crick
• Dr Ceryn Evans
• Dr Janet Goodall
• Professor Alma Harris
• Yr Athro Michelle Jones  - Pennaeth yr Ysgol
• Dr Cathryn Knight
• Dr Helen Lewis
• Dr Neil Lucas
• Dr Gisselle Tur Porres
• Dr Jacky Tyrie

Gellir codi ffioedd myfyrwyr Israddedig y DU llawn amser yn chwyddiannol mewn blynyddoedd astudio i ddod. Penderfynir ar y swm gan Lywodraeth Cymru.

Bydd ffioedd ar gyfer myfyrwyr UE/Rhyngwladol Israddedig yn cynyddu 3% ar gyfer pob blwyddyn ddilynol o astudio.

Yn ystod blwyddyn ryngol (e.e. blwyddyn mewn diwydiant, blwyddyn dramor neu flwyddyn lleoliad), bydd ffi is yn gymwys. Am ragor o wybodaeth ewch i'n tudalen ffioedd dysgu.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

• Teithio i ysgolion ac oddi yno
• Byddwch yn ymwybodol bod gofyniad i bob myfyriwr gwblhau Gwiriad Manwl y Gwasanaeth Datgelu a Gwahardd (DBS) (neu wiriad Heddlu ar gyfer myfyrwyr tramor) fel rhan o’r broses gofrestru ar gyfer ein rhaglenni Astudiaethau Plentyndod Cynnar a chodir ffi am y gwasanaeth hwn. Gweler ein tudalen Canllawiau ar gyfer Proses Cyflwyno Cais DBS am ragor o fanylion.  
  

  Gwasanaeth Diweddaru’r Gwasanaeth Datgelu a Gwahardd (DBS):

  Mae’r Gwasanaeth Diweddaru yn danysgrifiad a delir yn flynyddol sy’n cadw eich tystysgrif gan y DBS yn gyfredol, gan eich galluogi chi i ailddefnyddio eich tystysgrif ar gyfer gwaith a lleoliadau gwaith yn y dyfodol. Rydym yn eich cynghori’n gryf i gofrestru ar gyfer y Gwasanaeth Diweddaru er mwyn osgoi gorfod cyflwyno cais am dystysgrif uwch newydd gan y DBS ar gyfer pob lleoliad gwaith. Gallwch chi danysgrifio trwy wefan y DBS, er bod yn rhaid gwneud hyn ymhen 30 diwrnod o ddyddiad cyflwyno eich tystysgrif gan y DBS.Os ydych chi eisoes wedi tanysgrifio i’r Gwasanaeth Diweddaru e-bostiwch cas.admissions@abertawe.ac.uk

  Byddwch yn ymwybodol bod yn rhaid i bob gwiriad DBS/Heddlu gael ei gwblhau erbyn dydd Gwener 15fed Hydref 2021. Hwn yw’r dyddiad cau ar gyfer myfyrwyr sy’n cofrestru ar gyfer Blwyddyn academaidd 2021-2022. 

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa
• Cyngor ac arweiniad ar astudio a chyllid i fyfyrwyr ôl-raddedig.
• Ariannu i gefnogi cyfleoedd interniaethau myfyrwyr a digwyddiadau Cymdeithasau/Clybiau Myfyrwyr

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Yn ogystal â chymorth pwnc penodol gan staff addysgu'r coleg a'ch mentor academaidd personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

I ddysgu mwy am astudio dramor, ewch i'n tudalennau gwe Go Global. Nid yw cofrestru ar raglen sy'n cynnwys semester/blwyddyn dramor yn gwarantu lleoliad gwaith semester/blwyddyn dramor yn awtomatig. Mae nifer gyfyngedig o leoedd ar gael ac yn amodol ar broses ddethol gystadleuol. Os na fyddwch chi'n llwyddo i ennill lleoliad gwaith semester/blwyddyn dramor, cewch chi eich trosglwyddo i gwrs safonol eich cynllun gradd heb semester neu flwyddyn dramor.

Mae rhaglenni rhyngwladol yr haf ar agor i fyfyrwyr o bob coleg. Fel arfer, mae rhaglenni'n para o 2 i 6 wythnos, ar draws cyrchfannau megis Tsieina, Sambia, De Corea, Siapan, Canada a ledled Ewrop. Am ragor o wybodaeth ynghylch rhaglenni a chymhwysedd, ewch i'n tudalennau gwe Haf Dramor.

Gwnewch gais nawr - myfyrwyr y DU, UE a rhyngwladol.

Cewch wybod mwy drwy ymweld â'n tudalen ar sut i wneud cais

Rydym wedi newid rhai agweddau ar y ffordd rydym yn addysgu eleni, a bydd mwy o weithgareddau nag arfer yn cael eu cynnal ar-lein.

Mae calendr y Brifysgol wedi’i rannu’n flociau. Mae Bloc Addysgu Un yn para o fis Medi tan fis Ionawr ac yn ystod y bloc hwn eleni byddwch yn cael eich addysgu mewn ffordd ‘gyfunol’. Mae hyn yn golygu y bydd rhai o’ch gweithgareddau addysgu ar-lein a rhai ar y campws. Gyda’r addysgu ar-lein, er na fyddwch yn yr un ystafell â’r darlithydd, gall y gweithgarwch fod yn ‘fyw’ a bydd gennych gyfle i ryngweithio. Bydd rhai o’ch gweithgareddau’n hunan-gyfeiriedig sy’n golygu eich bod yn gallu cyrchu’r deunyddiau dysgu ar adeg sy’n gyfleus i chi.

 

Bydd eich sesiynau wyneb yn wyneb ar y campws yn gymysgedd o:

Grwpiau astudio a gweithdai rhaglenni

Seminarau pwnc

Gweithdai sgiliau astudio

Digwyddiadau sefydlu ac ymgynefino

Cyfarfodydd unigol gyda’ch Mentor Academaidd

Ymgynghori â staff ac oriau swyddfa

Goruchwyliaeth traethawd estynedig (myfyrwyr y flwyddyn olaf ac ôl-raddedig a addysgir)

 

Gall eich dysgu ac addysgu ar-lein gynnwys:

Darlithoedd byw wedi’u ffrydio

Seminarau, gweithdai a thiwtorialau modiwl

Cyfarfodydd unigol gyda’ch Mentor Academaidd

Ymgynghori â staff ac oriau swyddfa

Digwyddiadau cymunedol i staff a myfyrwyr

Goruchwylio traethawd estynedig (myfyrwyr y flwyddyn olaf ac ôl-raddedig a addysgir)

 

Bydd dysgu hunan-gyfeiriedig yn cynnwys:

Deunyddiau astudio wedi’u trefnu

Gweithgareddau astudio hunan-gyfeiriedig

Darllen paratoadol a phellach

Darlithoedd wedi’u recordio

Profion a chwisiau ffurfiannol

Astudio annibynnol yn y llyfrgell

Astudio annibynnol yn y labordai cyfrifiaduron

Cyfarfodydd Grŵp Dylunio