Trosolwg o'r Cwrs
Gall ein cwrs gradd BA (Anrh.) Gwleidyddiaeth a'r Gymraeg (ail iaith) gynnig amrywiaeth o bosibiliadau gyrfa cyffrous drwy eich helpu i feithrin sgiliau trosglwyddadwy y mae cyflogwyr yn rhoi llawer o werth arnynt.
Mae'r cwrs tair blynedd yn cynnwys archwilio gwleidyddiaeth Prydain ac Ewrop, polisi cyhoeddus, damcaniaeth ac athroniaeth wleidyddol, yn ogystal â datblygu eich sgiliau iaith Gymraeg, gan gynnwys cyfieithu a llenyddiaeth Gymraeg gyfoes.
Byddwch yn cael cyfle i ddilyn interniaeth yng Nghynulliad Cenedlaethol Cymru, a modiwl Astudiaethau Senedd Prydain a addysgir yn rhannol gan staff arbenigol o Ddau Dŷ'r Senedd.
Hefyd, cewch eich addysgu gan awduron a beirdd amlwg – ymhlith ein staff mae dau brifardd ac enillwyr yng nghystadleuaeth Llyfr y Flwyddyn yng Nghymru.
Pam yn Abertawe?
Mae adran y Gymraeg wedi'i lleoli ar gampws godidog Parc Singleton, mewn parcdir sy'n edrych dros Fae Abertawe ar gyrion Penrhyn Gŵyr, ac mae 100% o ymchwil yr adran o safon ryngwladol neu uwch (REF 2014), ac mae Gwleidyddiaeth yn y safleoedd canlynol:
- Yn y 10 uchaf am brofiad addysgu (Times a Sunday Times 2018)
- Yn y 20 uchaf yn Guardian University Guide 2018
- Yn y 20 uchaf am ragolygon gyrfa (Guardian University Guide 2018)
Graddedigion y cwrs hwn a enillodd y brif Wobr i Ddysgwyr yn Eisteddfod yr Urdd yn 2017 a 2018.
Byddwch yn astudio yn un o'r adrannau dethol yn y DU sy'n cynnig modiwlau Astudiaethau Senedd Prydain, lle y cewch eich addysgu gan ein staff academaidd arbenigol ac Aelodau Seneddol, a byddwch yn ymweld â Thŷ'r Cyffredin.
Gallwch ddewis dilyn modiwl interniaeth gyda Chynulliad Cenedlaethol Cymru, gan gydweithio'n agos â Gweinidogion y Cynulliad, sy'n opsiwn cystadleuol.
Gallwch wneud cais am Brif Ysgoloriaeth y Coleg Cymraeg gwerth £3,000, yn ogystal ag Ysgoloriaethau Cyffredinol y Brifysgol.
Eich Profiad
Rydym yn cynnig cynnwys cwrs amrywiol a hyblyg, felly gallwch lywio eich cwrs gradd Gwleidyddiaeth a'r Gymraeg mewn ffordd sy'n gweddu i'ch diddordebau eich hun.
Ymhlith y pynciau mae gwleidyddiaeth Prydain ac Ewrop, polisi cyhoeddus, damcaniaeth ac athroniaeth wleidyddol, materion etholiadol, democratiaeth a heddwch a gwrthdaro rhyngwladol, yn ogystal â sgiliau iaith Gymraeg, Cymraeg yn y gweithle, gweithio mewn dwy iaith, cyfieithu, amlddiwylliannaeth a'r Gymraeg, a llenyddiaeth gyfoes.
Caiff yr addysgu ei lywio gan ein hymchwil o'r radd flaenaf, a gallwch fynychu seminarau a drefnir drwy ein rhaglen siaradwyr gwadd.
Bydd gennych fentor academaidd a all roi unrhyw gymorth bugeiliol neu academaidd sydd ei angen arnoch.
Cyfleoedd Cyflogaeth
Mae 91% o raddedigion yn gweithio neu'n astudio ymhellach o fewn chwe mis i raddio (DLHE 2016).
Bydd myfyrwyr ar y cwrs hwn fel arfer yn meithrin sgiliau llafar ac ysgrifennu rhagorol a byddwch yn dysgu sut i gyflwyno eich syniadau mewn amrywiaeth o fformatau, ynghyd â sgiliau ymchwilio, dadansoddi a datrys problemau cadarn.
Mae ein graddedigion Cymraeg a Gwleidyddiaeth yn dilyn gyrfaoedd yn y meysydd canlynol:
- addysg
- marchnata
- y cyfryngau
- gwleidyddiaeth
- cynllunio iaith
- busnes
- gwaith ieuenctid
- addysg
- cyfieithu
- gweinyddu
- gwasanaethau cyhoeddus.
