Canllaw Cyflym i Radd Gwyddorau Gofal Iechyd

Bydd ein gradd Clywedeg yn rhoi dealltwriaeth lawn a chyfannol i chi ar sut i asesu gallu clywedol a swyddogaethau cydbwysedd gan ddefnyddio'r offer diagnostig a’r cymwysiadau meddalwedd diweddaraf. Drwy gydol eich cwrs, byddwch yn arsylwi ar glinigau yn ein Hacademi Iechyd a Lles bwrpasol, yn cael profiad mewn lleoliadau masnachol ac yn magu sgiliau a hyder mewn lleoliadau gwaith clinigol mewn ysbytai.

Tudalen y cwrs: Gwyddor Gofal Iechyd (Clywedeg), BSc (Anrhydedd)

Wrth astudio Clywedeg, byddwch yn gallu dewis derbyn cyllid o Gynllun Bwrsariaeth GIG Cymru, ac felly yn ymrwymo i weithio i GIG Cymru am nifer benodol o flynyddoedd, neu drwy Fenthyciadau a Grantiau Myfyrwyr.

Bydd ein gradd mewn Ffisioleg Gardiaidd yn rhoi dealltwriaeth lawn a chyfannol i chi o anatomeg a ffisioleg y galon, ynghyd â'r technegau diagnostig a therapiwtig diweddaraf. Byddwch chi hefyd yn elwa ar leoliad cleifion go iawn yn ein Hacademi Iechyd a Lles arobryn, sy'n glinig ar y safle sy'n darparu gwasanaethau iechyd a lles i'r gymuned leol mewn cydweithrediad â'r GIG.

Tudalen y cwrs: Gwyddor Gofal Iechyd (Ffisioleg Gardiaidd), BSc (Anrhydedd)

Wrth astudio Ffisioleg Gardiaidd, byddwch yn gallu dewis derbyn cyllid o Gynllun Bwrsariaeth GIG Cymru, ac felly yn ymrwymo i weithio i GIG Cymru am nifer benodol o flynyddoedd, neu drwy Fenthyciadau a Grantiau Myfyrwyr.

Wrth astudio ein gradd Meddygaeth Niwclear, byddwch yn dysgu sut i ddefnyddio isotopau a ffurfiau amrywiol ar ymbelydredd i ddiagnosio a thrin llawer o glefydau, gan gynnwys mathau gwahanol o ganser, clefyd y galon a chyflyrau gastroberfeddol, endrocrinaidd a niwrolegol. Caiff hanner eich cwrs ei addysgu ar gampws Parc Singleton, a'r hanner arall mewn lleoliadau gofal iechyd er mwyn i chi roi eich gwybodaeth ddamcaniaethol ar waith yn ymarferol.

Tudalen y cwrs: Gwyddor Gofal Iechyd (Meddygaeth Niwclear), BSc (Anrhydedd)

Wrth astudio Meddygaeth Niwclear, byddwch yn gallu dewis derbyn cyllid o Gynllun Bwrsariaeth GIG Cymru, ac felly yn ymrwymo i weithio i GIG Cymru am nifer benodol o flynyddoedd, neu drwy Fenthyciadau a Grantiau Myfyrwyr.

Bydd ein gradd Niwroffisioleg yn rhoi dealltwriaeth 360^o i chi o sut mae'r system nerfol yn gweithio a'r cyflyrau sy'n effeithio arni, megis strôc, epilepsi, sglerosis ymledol, dementia a diffygion y nerfau a'r cyhyrau. Fel niwroffisiolegydd, byddwch chi'n cynnal archwiliadau'n aml mewn amgylcheddau neu adrannau pwrpasol, megis lleoliadau gofal dwys a theatrau llawdriniaeth, gan weithio gyda chleifion o bob oedran.

Tudalen y cwrs: Gwyddor Gofal Iechyd (Niwroffisioleg), BSc (Anrhydedd)

Wrth astudio Niwroffisioleg, byddwch yn gallu dewis derbyn cyllid o Gynllun Bwrsariaeth GIG Cymru, ac felly yn ymrwymo i weithio i GIG Cymru am nifer benodol o flynyddoedd, neu drwy Fenthyciadau a Grantiau Myfyrwyr.

Bydd gradd mewn Ffiseg Radiotherapi yn rhoi'r sgiliau a'r ddealltwriaeth angenrheidiol i chi ddefnyddio ymbelydredd yn effeithiol wrth drin canser. Byddwn yn eich paratoi chi ar gyfer gyrfa fel Ffisegydd Radiotherapi neu Dechnolegydd Ffiseg Radiotherapi lle byddwch yn gweithio fel rhan o dîm i ddatblygu cynlluniau triniaeth i gleifion ac yn gyfrifol am galibradu a defnyddio offer radiotherapi.

Tudalen y cwrs: Gwyddor Gofal Iechyd (Ffiseg Radiotherapi), BSc (Anrhydedd)

Wrth astudio Ffiseg Radiotherapi, byddwch yn gallu dewis derbyn cyllid o Gynllun Bwrsariaeth GIG Cymru, ac felly yn ymrwymo i weithio i GIG Cymru am nifer benodol o flynyddoedd, neu drwy Fenthyciadau a Grantiau Myfyrwyr.

Bydd ein gradd Ffiseg Ymbelydredd yn rhoi dealltwriaeth gyfannol i chi o'r cyfreithiau a'r rheoliadau o ran defnydd clinigol ymbelydredd ym maes meddygaeth a'r sgiliau sy'n ofynnol er mwyn trin cleifion gyda phelydr-X, deunyddiau ymbelydrol, laseri ac ymbelydredd uwchfioled wrth ddelweddu cleifion, diagnosio a thrin clefydau a monitro ymateb cleifion i driniaeth.

Tudalen y cwrs: Gwyddor Gofal Iechyd (Ffiseg Ymbelydredd), BSc (Anrhydedd)

Bydd astudio Ffisioleg Anadlu a Chysgu yn addysgu strwythur a swyddogaethau'r system anadlu i chi, ynghyd â'r technegau diagnostig a therapiwtig diweddaraf, gan eich galluogi chi i symud ymlaen i yrfa sy'n rhoi boddhad fel gweithiwr iechyd proffesiynol cysylltiedig sy'n gweithio ochr yn ochr â meddygon ac amrywiaeth o weithwyr proffesiynol gofal iechyd i ddiagnosio a thrin pobl â chlefyd anadlu a chyflyru anadlu sy'n gysylltiedig â chysgu.

Tudalen y cwrs: Gwyddor Gofal Iechyd (Ffisioleg Anadlu a Chysgu), BSc (Anrhydedd)

Wrth astudio Ffisioleg Anadlu a Chysgu, byddwch yn gallu dewis derbyn cyllid o Gynllun Bwrsariaeth GIG Cymru, ac felly yn ymrwymo i weithio i GIG Cymru am nifer benodol o flynyddoedd, neu drwy Fenthyciadau a Grantiau Myfyrwyr.

Bydd Peirianneg Adsefydlu yn eich paratoi ar gyfer gyfra gyffrous fel rhan o dîm adsefydlu, gan gynnwys darnau prosthetig. Byddwch yn datblygu dealltwriaeth gyfannol o adeiladu a phrofi amrywiaeth o dechnolegau cynorthwyol wedi'u teilwra a safonol, gan gynnwys cadeiriau olwyn, breichiau artiffisial, cymhorthion robotig a seddau arbenigol. Byddwch yn defnyddio systemau mapio, onglfesuryddion, mesuryddion goleddf, rheolwyr ffon lywio a rhaglennwyr.

Tudalen y cwrs: Gwyddor Gofal Iechyd (Peirianneg Adsefydlu), BSc (Anrhydedd)

Drwy astudio Peirianneg Adsefydlu byddwch yn  dewis naill ai  dderbyn cyllid gan Gynllun Bwrsariaethau GIG Cymru, ac felly’n ymrwymo i weithio i GIG Cymru am nifer o flynyddoedd neu gallech ddewis Benthyciadau a Grantiau i Fyfyrwyr.