Hanes

Enwyd Sefydliad Zienkiewicz ar gyfer Modelu, Data a Deallusrwydd Artiffisial ar ôl y diweddar Olek C Zienkiewicz (1921-2009) a fu'n Athro Peirianneg Sifil ym Mhrifysgol Abertawe o 1961 tan iddo farw. Roedd Zienkiewicz yn beiriannydd ac yn fathemategwr a chanddo weledigaeth eang o fodelu'r byd, a defnyddio cyfrifiaduron i greu ac archwilio data er mwyn datrys problemau peirianyddol. Arloesodd ddulliau elfennau meidraidd yn fathemategol ac yn gyfrifiadol ac yn enwedig, ehangodd yn enfawr y meysydd lle gellid eu rhoi ar waith.

Oherwydd brwdfrydedd a gwaith caled yr Athro Zienkiewicz, cafwyd cenedlaethau newydd o ymchwilwyr cyfrifiadol yn Abertawe ac mewn mannau eraill. Roedd yr Athro Lewis FREng, yr Athro Morgan FREng a'r diweddar Athro Owen FRS, FREng, ymhlith aelodau cynnar o Adran Peirianneg Sifil fwyfwy arloesol ac enwog Abertawe.

Wrth i ddylanwad gwyddor gyfrifiadol ehangu, daeth ymchwilwyr cyfrifiadol o ddisgyblaethau peirianneg gwahanol ynghyd i sefydlu, yn y lle cyntaf, Ganolfan Peirianneg Sifil a Chyfrifiadol, dan arweiniad, yn eu tro, yr Athro Bonet, yr Athro Morgan, yr Athro Hassan a'r Athro Nithiarasu. Er anrhydedd i’r Athro Zienkiewicz, cafodd y ganolfan hon ei henwi'n Ganolfan Zienkiewicz ar gyfer Peirianneg Gyfrifiadol.

Yn 2022, fel rhan o Gyfadran Gwyddoniaeth a Pheirianneg newydd Prifysgol Abertawe, crëwyd Sefydliad Zienkiewicz i gefnogi modelu cyfrifiadol ar draws y disgyblaethau technegol, gan gydnabod y weledigaeth eang wreiddiol o fodelu, a'r dulliau cyfrifiadol ar sail AI newydd sy'n trawsnewid ein perthynas â data. Mae Sefydliad Zienkiewicz yn cynnwys nifer mawr o aelodau staff amser llawn, rhan-amser, staff academaidd emeritws, ymchwilwyr ôl-ddoethurol, ymchwil annibynnol a myfyrwyr graddedig. Mae'n darparu cymuned adnabyddadwy yn Abertawe ar gyfer ein hymchwilwyr rhyngwladol a'n grwpiau ymchwil amrywiol o fri.

OLGIERD (OLEK) CECIL ZIENKIEWICZ (18 MAI 1921 – 2 IONAWR 2009)

Mae'r Athro Olgierd Cecil Zienkiewicz wedi'i gydnabod yn rhyngwladol fel un o dri datblygwr arloesol y Dull Elfennau Meidraidd (FEM) - y lleill yw John Argyris a Ray Clough. Mae FEM yn dechneg fathemategol ar sail cyfrifiadur sydd, ers y 1960au, wedi chwyldroi dulliau dylunio a dadansoddi mewn peirianneg sifil, fecanyddol, awyrofod a meysydd peirianneg eraill.

Ar y dechrau, roedd y broses o greu’r dull yn dilyn ymagwedd peirianneg adeileddol draddodiadol ond, wrth i'r sylfaen fathemategol gael ei deall a'i hestyn, bu modd ei roi ar waith mewn disgyblaethau eraill. Mae'r fethodoleg yn parhau'n bwnc ymchwil ffyniannus, a dangoswyd bod ganddi botensial sylweddol i'w defnyddio mewn meysydd gwyddonol newydd, gan gynnwys peirianneg fiofeddygol a'r gwyddorau bywyd.

Am fanylion pellach, gallwch ddarllen:

D Roger J Owen, Olgierd (Olek) Cecil Zienkiewicz

https://collections.swansea.ac.uk/s/swansea-2020/page/zienkiewicz

John V Tucker, The Computer Revolution and Us: Computer Science at Swansea University from the 1960s

CEFNDIR CYNNAR

Ganwyd Olek Zienkiewicz ar 18 Mai 1921, yn Caterham, Lloegr i dad Pwylaidd a mam Seisnig. Ac yntau'n fab i seithfed mab, byddai llên gwerin wedi priodoli bwerau hudol a’r gallu i weld y dyfodol iddo – a phwy a ŵyr ai'r rhain oedd yn gyfrifol am ei yrfa anhygoel. Effeithiwyd yn fawr ar ei fywyd cynnar gan hanes cythryblus Ewrop yn ystod hanner cyntaf yr ugeinfed ganrif. Tua diwedd y Rhyfel Byd Cyntaf, dymchwelwyd teyrnasiad Tsar Niclas o Rwsia gan chwyldroadwyr a ffurfiodd lywodraeth dan arweiniad Alexander Kerensky, a gafodd hithau yn ei thro ei dymchwel gan Bolsieficiaid. Ym 1917, tad Zienkiewicz, Casimir, oedd Conswl llywodraeth Kerensky yn Birmingam, ond parodd hyn am gyfnod byr yn unig. Mae ymarfer y gyfraith yn gysylltiedig â llywodraeth yr unigolyn, felly roedd cyflogaeth yn ei broffesiwn yn Lloegr wedi'i wahardd iddo i bob pwrpas. O ganlyniad, ym 1922 dychwelodd y teulu Zienkiewicz i Wlad Pwyl, i Warsaw yn gyntaf ac yna i Lodz, cyn symud unwaith eto ym 1926 i Katowice lle bu ei dad yn farnwr rhanbarthol hyd at ddechrau'r Ail Ryfel Byd.

Gan gydnabod ei ddoniau academaidd amlwg, anfonodd ei rieni Olek i ysgol breswyl ger Poznan. Aeth ei addysg yn dda am ddwy flynedd nes iddo gael anaf chwaraeon a waethygodd yn ddifrifol oherwydd haint staffylococcus yn asgwrn ei glun. Oherwydd yr afiechyd hwn, a adnabyddir fel esgyrnwst, bu'n rhaid iddo aros yn yr ysbyty am gyfnodau hir a chael llawdriniaethau a'i adawodd â chloffni. Dylid nodi na wnaeth y cyflwr hwn byth ei atal rhag mwynhau bywyd awyr agored egnïol a oedd yn cynnwys hwylio, sgwba-blymio, heicio ac arddangos cariad cyffredinol at yr awyr agored a byd natur. Ni wnaeth cyfnodau estynedig yn yr ysbyty amharu ar allu'r Zienkiewicz ifanc i gyflawni rhagoriaeth ysgolheigaidd a chwblhaodd ei astudiaethau ysgol uwchradd ym mis Mehefin 1939. Ei fwriad oedd cystadlu am le ym Mholytechnig Warsaw ym mis Medi a symudodd i Warsaw i ymbaratoi am yr arholiad.

Ymyrrodd ffawd â'i gynlluniau, wrth gwrs, pan ddechreuodd yr Ail Ryfel Byd ar 1 Medi 1939. Roedd Warsaw yn fuan dan warchae, ac roedd y dyddiadau dilynol ymysg rhai mwyaf cynhyrfus ei fywyd wrth iddo ymuno â’r gwaith i adeiladu baricedau, dymchwelyd tramiau a chloddio ffosydd. Ar ôl sawl diwrnod, daeth y gorchymyn i adael a gwnaeth Olek baratoadau ar frys i adael, gan fynd â chamera newydd, offer darlunio, pâr o sanau - a dim byd arall, ar wahân i'r dillad ar ei gefn. Roedd wedi trefnu i gwrdd â'i fam a'i chwaer ger pont benodol a sylweddolodd fod ei chwaer wedi'i pharatoi hyd yn oed yn waeth nag ef am yr amserau o'u blaenau, a hithau'n meddu ar ddim byd ond pâr o esgidiau sodlau uchel a dau becyn o sigarennau. Dilynodd llawer o ddiwrnodau cyffrous, gan gynnwys crwydro drwy gefn gwlad am ddeng niwrnod, dychwelyd i Warsaw ac, yn y pen draw, ailuno â gweddill y teulu yn Katowice.

Ar ôl sawl wythnos, llwyddodd y teulu i gael fisa i'r Eidal nad oedd hyd hynny yn rhan o'r rhyfel. Wedi hynny aethant i Angiers yn Ffrainc lle bu Casimir Zienkiewicz yn gweithio i lywodraeth Gwlad Pwyl alltudiedig. Roedd rhaid iddynt symud eto'n fuan, fodd bynnag, pan oresgynnwyd Ffrainc ym mis Mehefin 1940. Llwyddodd y teulu i gadw gam ar y blaen i'r goresgynwyr a chyrhaeddodd arfordir gorllewinol Ffrainc yn St John De Luz ger Bayonne. Gwnaethant hwylio oddi yno i Loegr ar y llong Bwylaidd, Batory, ar 22 Mehefin 1940, sef yr union ddiwrnod pan lofnodwyd y cadoediad rhwng Ffrainc a'r Almaen.

Ar ôl cyrraedd Lloegr, dechreuodd Olek feddwl am addysg brifysgol. Roedd y British Council yn cynnig ysgoloriaeth arbennig i alluogi myfyrwyr o dras Bwylaidd i astudio yng Ngholeg Imperial. Dewisodd Olek gwrs mewn Peirianneg Sifil oherwydd nad oedd y brifysgol yn cynnig cynllun gradd mewn Pensaernïaeth Lyngesol a fyddai wedi bod yn well ganddo. Ar ôl iddo ddod ar frig ei ddosbarth ar ddiwedd y flwyddyn gyntaf, dyfarnwyd dwy ysgoloriaeth iddo am weddill ei amser yng Ngholeg Imperial. Graddiodd ym 1943, yn un o ddau i ennill anrhydedd dosbarth cyntaf. Y llall oedd D W Holder a aeth ymlaen i fod yn aerodynamegwr nodedig yn y Labordy Ffiseg Cenedlaethol yn Teddington ac wedi hynny'n Athro Gwyddor Peirianneg yn Rhydychen a'i ethol yn Gymrawd o'r Gymdeithas Frenhinol.

Ar ôl iddo raddio, trafododd Zienkiewicz y posibilrwydd o wneud gwaith ymchwil gydag A J S Pippard a gynigiodd ysgoloriaeth i weithio ar y cyd ag ef ac R V Southwell ar brosiect dadansoddi argaeau. Roedd Southwell a Pippard yn ddau o'r ffigurau mwyaf blaenllaw a fu'n rhan o ddatblygu mecaneg strwythurol yn y 1930au a'r 1940au. Pontiodd dull ymlacio Southwell y gagendor rhwng y dulliau clasurol a ddatblygwyd dros y ganrif cyn 1930 a'r dulliau cyfrifiadol graddfa fawr a ddefnyddir heddiw ac a ddaeth i'r amlwg tua diwedd y 1950au.

Rhywun arall a gafodd ddylanwad cynnar ar Olek oedd W G Bickley, Athro Mathemateg yng Ngholeg Imperial a oedd â diddordeb brwd mewn algebra mewn fformat matrics a fyddai'n dod yn gonglfaen dulliau cyfrifiadol yn y dyfodol. Ar ddechrau astudiaethau ôl-raddedig Olek, darparodd diwtora personol iddo yn y fathemateg yr oedd y prosiect dadansoddi argaeau'n galw amdani. Anghofiodd Olek byth y caredigrwydd hwn ac efallai fod hyn yn esbonio’n rhannol ei barodrwydd i dreulio cymaint o amser gydag ymchwilwyr ifanc drwy gydol ei yrfa.

Ar ôl iddo dderbyn ei PhD ym 1945, dechreuodd Olek weithio ym maes peirianneg ar unwaith. Gan fod ei ddiddordeb mewn argaeau wedi cael ei ennyn gan ei waith ôl-raddedig, roedd dylunio ac adeiladu'r adeileddau enfawr hyn yn apelio ato. Cysylltodd â chwmni ymgynghori Syr William Halcrow a chynigiwyd swydd iddo'n arwain parti arolygu ar brosiect argae yn yr Alban. Ar ôl negodi cyflog o £250 y flwyddyn, gofynnwyd iddo a oedd yn gallu gyrru car. 'Wrth gwrs' oedd ei ateb ac, yn ddi-oed, aeth ati i sefyll y prawf i gael trwydded - un dros dro yn y dyddiau hynny. Hyd at ei farwolaeth, ni safodd brawf am drwydded yrru safonol. Treuliodd Olek bedair blynedd gyda Halcrow, gyda'r prosiect arolygu i ddechrau ac wedyn bu'n rhan o ddylunio ac adeiladu system hydrodrydanol Glen Affric yng ngogledd yr Alban.

Ym 1949, daeth amrywiaeth o gyfleoedd i newid cyfeiriad i sylw Olek, ac un a apeliodd ato ac a dderbyniodd oedd swydd darlithydd yn yr Adran Beirianneg yng Nghaeredin. Roedd yr adran, dan arweiniad Ronald Arnold, yn adnabyddus, yn enwedig ym maes deinameg gymhwysol. I gael cyngor ar lwybrau ymchwil, aeth at Charles Jaeger, awdurdod adnabyddus mewn mecaneg hylifau a awgrymodd sawl pwnc ym maes hydroleg. Yn fuan, roedd yn cyfrannu papurau ymchwil ar amrywiaeth o bynciau, megis tonnau sianel agored, ffenomena morthwyl dŵr ac iriad. Dyma gyfnod pan oedd popeth yn mynd yn esmwyth yn ei yrfa academaidd pan oedd yn datblygu ei sgiliau addysgu ac yn mireinio ei dechnegau ymchwil.

I ychwanegu at y darlun delfrydol hwn, cyfarfu â myfyrwraig raddedig ifanc o Ganada, Helen Fleming, a oedd yn gweithio tuag at radd MSc mewn cemeg. Yn fuan wedyn gwnaethant ddyweddïo, gan briodi ym 1952. Ganwyd eu mab cyntaf, Andrew, ym 1953 a ganwyd ail fab iddynt, David, flwyddyn yn ddiweddarach.

Tua diwedd 1956, daeth cynigion am swyddi eraill mewn sefydliadau. Yn y diwedd, penderfynodd dderbyn swydd fel Athro Cysylltiol Peirianneg Sifil ym Mhrifysgol Northwestern, UDA, penderfyniad a gafodd ei hwyluso gan Pippard a oedd wedi treulio amser yno fel ysgolhaig gwadd. Yn ystod ei bedair blynedd yn Northwestern, cwrddodd â ffrindiau gydol oes megis John Dunders a Seng Lip Lee. Hefyd, yn ystod y cyfnod hwn, ganwyd eu merch, Krystyna, yno ym 1958. Yn drist, bu farw ei dad yn yr un flwyddyn ac yntau'n 86 oed.

Ym 1961, dechreuodd ar antur newydd a arweiniodd at y gweithgareddau y daeth yn fyd-enwog amdanynt. Daeth Cadair yr Athro Peirianneg Sifil yn Abertawe'n wag ar ôl i B G Neal adael am Goleg Imperial a llwyddodd Olek i gael ei benodi. Er i'r cyflog dalu'n sylweddol llai na'r swm roedd yn ei ennill yn Northwestern, roedd y cyfle i fod yn Athro yn system y DU ar y pryd yn apelio, oherwydd y posibilrwydd o ddylanwadu ar waith a datblygiad proffesiynol llawer o bobl eraill. Ar ben hynny, roedd yn gyfnod o ehangu digynsail mewn addysg uwch yn y Deyrnas Unedig.

Un fuan ar ôl i Olek gyrraedd, cerddodd myfyriwr Tsieineaidd ifanc i mewn i'w swyddfa a gofyn am gyngor ynghylch astudio am radd PhD. Dim ond cymwysterau o Tsieina a oedd gan y myfyriwr a derbyniodd Olek ef ar sail cyfweliad helaeth a gynhaliwyd yn y fan a'r lle. Byddai'r myfyriwr, Y K Cheung, yn gweithio dan arweiniad Olek ar yr ymchwil gyntaf i elfennau meidraidd yn Abertawe ac yn cydweithredu ar yr argraffiad cyntaf o'r traethawd sy'n glasur erbyn hyn, The Finite Element Method. O 1961 hyd at y presennol, mae Adran Peirianneg Sifil Prifysgol Abertawe wedi meithrin enw fel un o'r prif ganolfannau ymchwil i elfennau meidraidd yn y byd.

Llyfryddiaeth

The following publications are those referred to directly in the text. A full bibliography is available as electronic supplementary material at http://rsbm.royalsocietypublishing.org

1. Zienkiewicz, O. C. (1947) The stress distribution in gravity dams. J. Inst. Civ. Eng., 27, 244-271.
2. Zienkiewicz, O. C. (1957) Temperature distribution within lubricated films between parallel bearing surfaces and its effect on the pressure developed. Proc. Conf. on Lubrication and Wear, Inst. Mech. Eng., London, 1-3 October, 1-7.
3. Charnes, A., Lemke, C. E. and Zienkiewicz, O. C. (1959) Virtual work, linear programming and elastic limit analysis. Proc. Roy. Soc. A., 251, 110-116.
4. Zienkiewicz, O. C. and Gerstner, R. W. (1961) The method of interface stress adjustments and its uses in the solution of some plane elasticity problems. Int. J. Mech. Sci., 2, 267-276.
5. Zienkiewicz, O. C. (1980) The finite element story. Internal Report No. C/R.317.80, Inst. For Num. Meth. In Eng., University of Wales Swansea.
6. Bazeley, G. P., Cheung, Y. K., Irons, B. M. and Zienkiewicz, O. C. (1965) Triangular elements in plate bending: Conforming and non-conforming solutions. Proc. Conf. on Matrix Methods in Structural Mechanics, (eds. J. S. Przemieniecki, R.M. Bader, W.F., Bozich, J.R. Johnson, and W.J. Mykytow) , Oct. 26-28, 547-576, Report No. AFFDL-TR-66-80, Wright-Patterson AFB, Ohio.
7. Oden, J. T. (2009) Private communication.
8. Zienkiewicz, O. C., Qu, S., Taylor, R. L. and Nakazawa, S. (1986) The patch test for mixed formulation. Int. J. Num. Meth. Engng., 23, 1873-1883.
9. Zienkiewicz, O. C., Taylor, R. L., Papadopoulos, P. and Oñate, E. (1990) Plate bending elements with discrete constraints: A new triangular element. Computers and Structures, 35, 505-522.
10. Oñate, E, Zienkiewicz, O. C., Suarez, B. and Taylor, R. L. (1992) A general methodology for deriving shear constrained Reissner-Mindlin plate elements. Int. J. Num. Meth. Engng., 33, 345-367.
11. Zienkiewicz, O. C. and Cheung, Y. K. (1965) Finite elements in the solution of field problems. The Engineer, September 24, 220, 507-510.
12. Zienkiewicz, O. C. and Parekh, C. J. (1970) Transient field problems:2-dimensional and 3-dimensional analysis by isoparametric finite elements. Int. J. Num. Meth. Engng., 2, 61-81.
13. Zienkiewicz, O. C., Lyness, J. F. and Owen, D. R. J. (1977) Three dimensional magnetic field determination using a scalar potential – a finite element solution. I.E.E.E. Transactions of Magnetics, MAG-13, No. 5, 1649-1656.
14. Zienkiewicz, O. C. (1965) (a) Two dimensional stress analysis and plate flexure by finite differences. Ch. 2, 20-40. (b) Finite element procedure in the solution of plate and shell problems. Ch. 8, 120-144. From Stress Analysis (O. C. Zienkiewicz and G. S. Holister, eds.), John Wiley and Sons.
15. Ergatoudis, I., Irons, B. M. and Zienkiewicz, O. C. (1968) Curved isoparametric quadrilateral elements for finite element analysis. Int. J. Solids Struct., 4, 31-42.
16. Hughes, T. J. R. (2009) Private communication.
17. Ahmad, S., Irons, B. M. and Zienkiewicz, O. C. (1968) Curved thick shell and membrane elements with particular reference to axi-symmetric problems. Proc. Second Conf. on Matrix Methods in Structural Mechanics (eds. R.M. Bader, L. Berke, W.J. Mykytow, J. S. Przemieniecki and M. H. Shirk), October, 1968, 539-572, Report No. AFFDL-TR-68-150, Wright-Patterson AFB, Ohio.
18. Ahmad, S., Irons, B. M. and Zienkiewicz, O. C. (1970) Analysis of thick shell and thin shell structures by curved finite elements. Int. J. Num. Meth. Engng., 2, 419-451.
19. Zienkiewicz, O. C., Taylor, R. L. and Too, J. M. (1971) Reduced integration technique in general analysis of plates and shells. Int. J. Num. Meth. Engng., 3, 275-290.
20. Taylor, R. L. (2009) Private communication.
21. Pugh, E. D. L., Hinton, E. and Zienkiewicz, O. C. (1978) A study of quadrilateral plate bending elements with ‘reduced integration’. Int. J. Num. Meth. Engng., 12, 1059-1079.
22. Zienkiewicz, O. C. and Watson, M. (1966) Some creep effects in stress analysis with particular reference to concrete pressure vessels. J. Nuclear Engng. and Design, 4, 406-412.
23. Zienkiewicz, O. C., Watson, M. and King, I. P. (1968) A numerical method of visco-elastic stress analysis. Int. J. Mech. Sci., 10, 807-827.
24. Zienkiewicz, O. C., Valliappan, S. and King, I. P. (1969) Elasto-plastic solution of engineering problems; initial stress, finite element approach. Int. J. Num. Meth. Engng., 1, 75-100.
25. Zienkiewicz, O. C. and Nayak, G. C. (1973) A general approach to problems of plasticity and large deformation. The Mathematics of Finite Elements and Application, 1-37, (J. Whiteman, ed.), Academic Press.
26. Nayak, G. C. and Zienkiewicz, O. C. (1972) Note on the alpha-constant stiffness method for the analysis of non-linear problems. Int. J. Num. Meth. Engng.,4, 579-582.
27. Nayak, G. C. and Zienkiewicz, O. C. (1972) Convenient form of stress invariants for plasticity. Proc. A.S.C.E., J. of Struct. Div., 98, ST4, 949-953.
28. Nayak, G. C. and Zienkiewicz, O. C. (1972) Elasto-plastic stress analysis: Generalisation for various constitutive relations including strain softening. Int. J. Num. Meth. Engng., 5, 113-135.
29. Zienkiewicz, O. C. and Cormeau, I. C. (1974) Visco-plasticity; plasticity and creep in elastic solids A unified numerical solution approach. Int. J. Num. Meth. Engng., 8, 821-845.
30. Zienkiewicz, O. C. and Godbole, P. N. (1974) Flow of plastic and visco-plastic solids with special reference to extrusion and forming processes. Int. J. Num. Meth. Engng., 8, 3-16.
31. Zienkiewicz, O. C., Humpheson, C. and Lewis, R. W. (1975) Associated and non-associated visco-plasticity and plasticity in soil mechanics. Geotechnique, 25, 671-689.
32. Kanchi, M. B., Zienkiewicz, O. C. and Owen, D. R. J. (1979) The visco-plastic approach to problems of plasticity and creep involving geometric nonlinear effects. Int. J. Num. Meth. Engng., 12,169-181.
33. Zienkiewicz, O. C., Nayak, G. C. and Owen, D. R. J. (1972) Composite and ‘overlay’ models in numerical analysis of elasto-plastic continua. Foundations of Plasticity. (A Sawczuk, ed.), 107-122, Noordhoff Press.
34. Pande, G. N., Owen, D. R. J. and Zienkiewicz, O. C. (1977) Overlay models in time dependent non-linear material analysis. Comp. & Struct. 7, 435-443.
35. Zienkiewicz, O. C. (1975) Why finite elements? Ch.1 in Finite Elements in Fluids (R. H. Gallagher, J. T. Oden and O. C. Zienkiewicz, eds.), Vol. 1, 1-23, John Wiley & Sons.
36. Heinrich, J. C., Huyakorn, P., Mitchell, A. R. and Zienkiewicz, O. C. (1977) An ‘upwind’ finite element scheme for two-dimensional convective transport equation. Int. J. Num. Meth. Engng., 11, 131-143.
37. Zienkiewicz, O. C., Lőhner, R., Morgan, K. and Nakazawa, S. (1984) Finite elements in fluid mechanics – A decade of progress. Finite Elements in Fluids (R. H. Gallagher et al., eds.), 5, Ch. 1, 1-26.
38. Godbole, P. N. and Zienkiewicz, O. C. (1974) Finite element analysis of steady flow of non-Newtonian fluids. Finite Element Methods in Engineering (A. P. Kabaila and V. P. Pulmano, eds.), University of New South Wales, 785-798.
39. Zienkiewicz, O. C. and Cheung, Y. K. (1964) The finite element method for analysis of elastic isotropic and orthotropic slabs. Proc. Inst. Civ. Eng., 28, 471-488.
40. Zienkiewicz, O. C. and Lewis, R. W. (1973) An analysis of various time-stepping schemes for initial value problems. Earthquake Eng. & Struct. Dyn., 1, 407-408.
41. Bettencourt, J. M., Zienkiewicz, O. C. and Cantin, G. (1982) Consistent use of finite elements in time and the performance of various recurrence schemes for the heat diffusion equation. Int. J. Num. Meth. Engng., 17, 931-938.
42. Zienkiewicz, O. C., Wood, W. L. and Taylor, R. L. (1980) An alternative, single step, algorithm for dynamic problems. Earthquake Engng. Struct. Dyn., 8,31-40.
43. Zienkiewicz, O. C. and Naylor, D. J. (1971) The adaptation of critical state soil mechanics for use in finite elements. In Stress–strain behaviour of soils: Proceedings of the Roscoe Memorial Symposium, Cambridge, 29–31 March 1971 (ed. R. H. G. Parry), pp. 537–547. G. T. Foulis & Co., Henley-on-Thames
44. Zienkiewicz, O. C. and Pande, G. N. (1977) Some useful forms of isotropic yield surfaces for soil and rock mechanics. Ch. 5, 179-190. Finite Elements in Geomechanics, (G. Gudehus, ed.), John Wiley and Sons.
45. Zienkiewicz, O. C., Chang, C. T., Hinton, E. and Leung, A. H. (1980) Liquifaction and permanent deformation under dynamic conditions: Numerical solution on constitutive relations. Proc. Int. Symp. on Soils under Cyclic and Transient Loading. (eds: G. N. Pande and O.C. Zienkiewicz), Swansea. January 1980, 71-103, John Wiley & Sons, Chichester.
46. Zienkiewicz, O. C. and Bettess, P. (1975) Infinite elements in the study of fluid-structure interaction problems. Computing Methods in Applied Sciences, Lecture Notes in Physics, Volume 58, pp. 133-172, Springer-Verlag, Berlin.
47. Zienkiewicz, O. C., Kelly, D. W. and Bettess, P. (1977) The Sommerfeld (radiation) condition on infinite domains and its modelling in numerical procedures. Lecture Notes in Mathematics, Volume 703, pp. 169-203, Springer-Verlag, Berlin.
48. Fraeijs de Veubeke, B. and Zienkiewicz, O. C. (1967) Strain energy bounds in finite element analysis by slab analogy. J. Strain Analysis, 2, 265-271.
49. Zienkiewicz, O. C., Kelly, D. W. and Bettess, P. (1977) The coupling of the finite element method and boundary solution procedures. Int. J. Num. Meth. Engng, 11, 355-375.
50. Zienkiewicz, O. C., Kelly, D. W. and Bettess, P. (1980) Marriage a la mode – The best of both worlds (Finite elements and boundary integrals). Ch. 5, 81-107, Energy Methods in Finite Element Analysis (R. Glowinski, E. Y. Rodin and O. C. Zienkiewicz, eds.), John Wiley and Sons.
51. Kelly, D. W., de S. R. Gago, J. P, Zienkiewicz, O. C. and Babuska, I (1983) A-posteriori error analysis and adaptive processes in the finite element method. Part I – Error analysis, Int. J. Num. Meth. Engng., 19, 1593-1619, Part II – Adaptive mesh refinement, Int. J. Num. Meth. Engng., 19, 1621-1656.
52. Zhu, J. Z. and Zienkiewicz, O. C. (1988) Adaptive techniques in the finite element method, Communications in Applied Numerical Methods, 4, 197-204.
53. Ainsworth, M., Zhu, J. Z., Craig, A. and Zienkiewicz, O. C. (1989) Analysis of the Zienkiewicz-Zhu a-posteriori error estimator in the finite element method. Int. J. Num. Meth. Engng., 28, 2161-2174.
54. Zienkiewicz, O. C. and Zhu, J. Z. (1992) Superconvergent patch recovery and a-posteriori error estimation in the finite element method, Parts I and II. Int. J. Num. Meth. Engng., 33, 1331-1382.
55. Lőhner, R, Morgan, K. and Zienkiewicz, O. C. (1984) Domain splitting for an explicit hyperbolic solver. Comp. Meth. Appl. Mech. Eng., 45, 313-329.
56. Zienkiewicz, O. C., Lőhner, R., Morgan, K. and Peraire, J. (1986). High speed compressible flow and other advection dominated problems of fluid mechanics. Vol. 6, Ch. 2, 41-88, Finite Elements in Fluids (R. H. Gallagher et al. eds.), John Wiley and Sons
57. Zienkiewicz, O. C. and Codina, R. (1995) A general algorithm for compressible and incompressible flow. Part I – The Split Characteristic Based scheme. Int. J. Num. Meth. Fluids, 20, 869-885.
58. Zienkiewicz, O. C., Taylor, R. L., Zhu, J. Z. and Nithiarasu, P. (2005) The Finite Element Method – Three volume set, Butterworth-Heinemann.
59. Oñate, E (2009) Private communication.
60. Zienkiewicz, O. C. (1987) The first 25 years of the finite element method at Swansea. The University of Wales Review (J. H. Purnell, ed.), 5-19, No. 2, Autumn 1987.
61. Zienkiewicz, O. C. (1995) Origins, milestones and directions of the finite element method – A personal view. Archives of Computational Methods in Engineering, 2(1), 1-48.