.jpg)
Geneteg yw’r maes bioleg sy’n ystyried genynnau yn benodol, ac yn ehangach mae’n ystyried etifeddeg mewn organeddau byw. Yn ei hanfod mae’n astudio DNA a sut mae genynnau wedi’u codio gan DNA yn creu organeddau byw. Yn ddiweddarach, mae maes geneteg wedi datblygu er mwyn helpu i ddeall yr hyn sy’n digwydd pan fo genynnau a’u cynnyrch cysylltiedig yn methu gweithredu yn ôl eu bwriad, sy’n arwain at glefydau genetig sy’n cyfyngu ar fywyd a chanserau.
Mae Geneteg Feddygol yn creu effaith anferth ym maes diagnosio a thrin clefydau dynol. Mae gwybodaeth a gafwyd gan ddilyniannu’r genom dynol yn galluogi ymchwilwyr i ddeall y clefydau niferus sydd ag elfennau geneteg. Mae llawer o feddygon sy’n dod i ymchwilio yn canolbwyntio ar agweddau geneteg ar iechyd dynol a chlefydau.
"Mae’r cwrs yn cyffwrdd ar amrywiaeth o bynciau fel Imiwnoleg, Sgiliau i Ymchwilwyr a Bioleg Celloedd Ewcaryotig. Mae astudio yn Abertawe wedi bod yn brofiad gwahanol i mi oherwydd dechreuais yn ystod Covid-19 ond rydw i wedi cael mwy o ddarlithoedd a gweithdai wyneb yn wyneb ar y campws eleni a bob amser yn edrych ymlaen atynt. Fy hoff bwnc ar fy nghwrs hyd yma yw Imiwnoleg a Ffisioleg Ddynol. Rydw i’n hoff iawn o ddysgu am systemau’r corff a sut mae triniaethau'n gweithio a thrin amrywiaeth o glefydau a hefyd sut mae’r corff yn ymateb i’r driniaeth."
Darganfod mwy am stori myfyriwr Erin
Trwy gydol eich astudiaethau byddwch yn datblygu’r sgiliau a’r wybodaeth armystod eang o bynciau er mwyn eich paratoi ar gyfer swyddi mewn amrywiaeth eang o broffesiynau. Mae cyfleoedd gyrfaol yn gallu bod yn ddi-rif oherwydd y ffordd y mae geneteg yn sail i’r holl fywyd biolegol, felly mae gradd mewn geneteg yn gallu eich gwneud yn gystadleuol dros ben mewn llawer o feysydd biolegol.
Ym Mhrifysgol Abertawe, bydd eich gallu i ddewis modiwlau sy’n cyd-fynd â’ch diddordebau geneteg eich hun yn eich galluogi i lunio’ch gradd. Bydd ein teulu o raddau geneteg yn rhoi ichi fynediad i ystod o yrfaoedd cyffrous, gan gynnwys y byd academaidd, ymchwil ddiwydiannol, cynnyrch fferyllol, cynghori genetigol, ysgrifennu meddygol a’r diwydiannau bwyd a diodydd i enwi ychydig ohonynt.
Mae Llwybrau i Feddygaeth yn bumed dewis delfrydol ar gyfer eich Cais UCAS gan roi’r cyfle ichi sicrhau cyfweliad gwarantedig ar gyfer ein Rhaglen Feddygaeth erbyn ichi raddio.
Darganfyddwch mwy - Llwybrau i Feddygaeth
Byddwch yn gallu dewis gradd BSc 3-blynedd neu, os oes gennych ddiddordeb arbennig mewn dilyn gyrfa ymchwil, ein gradd MSci 4-blynedd. Os byddwch yn dewis Geneteg Feddygol, byddwch yn gallu dilyn ein Llwybr i Feddygaeth hefyd. Trwy deilwra’ch astudiaethau, gallwch chi weithio tuag at yr yrfa yr ydych yn ei dymuno a manteisio ar eich prosiect ymchwil flwyddyn olaf i’r eithaf.
Hefyd rydym yn cynnig gradd gydanrhydedd mewn Biocemeg a Geneteg, sy’n eich galluogi i astudio datblygiadau ar flaen y gad ym maes ymchwilio i fioleg folecwlaidd a’i heffaith ar glefydau dynol, gan ddangos egwyddorion cyffredin disgyblaethau biocemeg a geneteg.
Darganfyddwch fwy o wybodaeth am bob un o'n cyrsiau. Ar bob tudalen cwrs fe welwch wybodaeth am fodiwlau, gofynion mynediad, staff addysgu, ffioedd dysgu a sut mae ein Llwybrau i Feddygaeth yn gweithio.
.jpg)
