Hysbysiad Hwylus Biocemeg a Biocemeg Feddygol

Diwrnodau Agored Israddedig

Cofrestrwch Nawr

Beth yw Biocemeg a Biocemeg Feddygol?

Bydd ein gradd mewn Biocemeg yn eich galluogi i astudio’r prosesau cemegol sy’n digwydd mewn organeddau byw, gan weithio i ddeall y broses fyw ei hun a meithrin y sgiliau a’r wybodaeth i weithio fel biocemegydd mewn ystod o ddiwydiannau.

Bydd Biocemeg Feddygol yn rhoi ichi’r sgiliau a’r wybodaeth i ddeall sut mae celloedd yn gweithredu ar lefel foleciwlaidd, gan feithrin y sgiliau a’r wybodaeth i ddatblygu syniadau a chynnyrch newydd a ddefnyddir er mwyn mynd i’r afael â’r heriau iechyd mwyaf rydym yn eu hwynebu bellach.

Cofrestrwch nawr - Diwrnodau Agored

Beth mae astudiaethau biocemeg yn cynnwys?

Mae biocemeg yn golygu mwy na chyfuno bioleg a chemeg - mae’n cynnwys astudio prosesau a chydadweithiau cemegol sy’n gysylltiedig â systemau biolegol a sut gallent ddefnyddio’r wybodaeth hon er mwyn gwella gofal iechyd a diwydiant. Yn y bôn, mae biocemeg yn canolbwyntio ar nifer o agweddau ar fioleg folecwlaidd (h.y. sut mae moleciwlau fel DNA, RNA a phroteinau yn gweithredu) a sut mae hyn yn berthnasol i gelloedd, organau, a systemau byw er mwyn helpu ein dealltwriaeth am fywyd biolegol, cynnydd clefydau, a datblygiadau fferyllol.

Beth yn union mae biocemegwyr yn ei wneud?

Mae biocemegwyr yn astudio prosesau a chydadweithiau sy’n sail i systemau biolegol ac organeddau byw. Mae rhan fawr o’u gwaith yn cynnwys defnyddio technegau moleciwlaidd er mwyn datrys problemau biolegol cymhleth. Felly mae biocemegwyr yn allweddol wrth ddatblygu ein gwybodaeth a’n dealltwriaeth am sut mae bywyd yn gweithio, cynnydd clefydau a’u hatal, yn ogystal â defnyddio’r wybodaeth hon yn ddiwydiannol. Yn ogystal, mae biocemegwyr yn gallu gweithio ochr yn ochr â gwyddonwyr o feysydd eraill, gweithwyr gofal iechyd proffesiynol, gwneuthurwyr polisi, addysgwyr, a phartneriaid diwydiannol sy’n effeithio ar bob sefyllfa gymdeithasol.

PA FATH O SWYDDI Y GALLWCH CHI EU CAEL Â GRADD MEWN BIOCEMEG?

Pa fath o swyddi allwch chi eu cael gyda gradd biocemeg?

Mae 100% o'n Graddedigion Biocemeg mewn Cyflogaeth neu astudiaethau pellach 6 mis ar ôl astudio. Mae Biocemeg yn wyddoniaeth ymarferol â chymwysiadau mewn nifer o feysydd biolegol eraill. Mae’r wybodaeth, y galluoedd a’r sgiliau sylfaenol sydd gan fiocemegydd yn ei alluogi i lwyddo mewn gwahanol ddiwydiannau o ysbytai i brifysgolion, amaethyddiaeth, cynnyrch cosmetig, addysg a chynhyrchion fferyllol.

1af yn y derynas unedig ar gyfer (Complete University Guide 2022)

Oes galw mawr am Fiocemeg?

Mae biocemeg yn faes gwyddonol sy’n sail i lawer o feysydd biolegol eraill, felly mae gwelliannau ym maes biocemeg a’n dealltwriaeth o systemau biolegol yn hanfodol ar gyfer eu cynnydd. Mae hyd a lled y swyddi sydd arnynt angen gwybodaeth fiocemeg yn golygu y bydd galw mawr am fiocemegwyr bob amser mewn meysydd amrywiol fel cynhyrchu cynnyrch fferyllol, biotechnoleg ddiwydiannol, datblygu biodanwydd, gwelliannau amaethyddol, a dadansoddi biowybodegol.

Faint yw’r cyflog cychwynnol ym maes biocemeg?

Mae’r cyflog cychwynnol ar gyfer Biocemegydd yn amrywio fesul sector, serch hynny mae’n gystadleuol dros ben i’w gymharu â gwyddorau biolegol a chemegol eraill. Mae biocemegwyr yn gallu manteisio ar ragor o gyfleoedd gwaith oherwydd yr ystod o sectorau a meysydd y maent yn gallu ceisio am waith ynddynt. Mae cyflogau’n gallu talu’n dda iawn gan fod profiad a sgiliau yn cyfrif yn y sectorau iechyd a diwydiannol.

Ydy biocemegydd yn gallu bod yn feddyg?

Mae biocemegydd yn gweithio i ddatblygu ein dealltwriaeth o systemau biolegol sydd weithiau’n gysylltiedig â thrin neu atal clefydau. Mae hyn yn eu gwneud yn rhan bwysig o’r system gofal iechyd ledled y byd, ond yn rhan sydd ar waith y tu ôl i’r llenni. Trwy hyfforddiant ôl-raddedig pellach rydych yn gallu ymgymryd â gradd Doethur (PhD) lle byddwch yn cyfrannu at ymchwil arwyddocaol a gwreiddiol ym maes biocemeg.

Fel arall, os byddwch yn dymuno bod yn Feddyg, ceir ein Llwybr i Feddygaeth. Bydd ein gradd mewn Biocemeg Feddygol yn eich galluogi i ymgymryd â hyfforddiant pellach er mwyn bod yn Feddyg (trwy gwrs Meddygaeth i Raddedigion).

Llwybrau i Feddygaeth

Mae Llwybrau i Feddygaeth yn bumed dewis delfrydol ar gyfer eich Cais UCAS gan roi’r cyfle ichi sicrhau cyfweliad gwarantedig ar gyfer ein Rhaglen Feddygaeth erbyn ichi raddio.

Darganfyddwch mwy - Llwybrau i Feddygaeth

Sut brofiad yw astudio biocemeg a biocemeg feddygol ym Mhrifysgol Abertawe?

Byddwch yn gallu dewis gradd BSc 3-blynedd neu, os oes gennych ddiddordeb arbennig mewn dilyn gyrfa ymchwil, ein gradd MSci 4-blynedd. Os byddwch yn dewis Biocemeg Feddygol, byddwch yn gallu dilyn ein Llwybr i Feddygaeth hefyd. Trwy deilwra’ch astudiaethau, gallwch chi weithio tuag at yr yrfa yr ydych yn ei dymuno a manteisio ar eich prosiect ymchwil flwyddyn olaf i’r eithaf.

Hefyd rydym yn cynnig gradd gydanrhydedd mewn Biocemeg a Geneteg, sy’n eich galluogi i astudio datblygiadau ar flaen y gad ym maes ymchwilio i fioleg folecwlaidd a’i heffaith ar glefydau dynol, gan ddangos egwyddorion cyffredin disgyblaethau biocemeg a geneteg.

Archwiliwch Eich Opsiynau Cwrs Biocemeg

Biocemeg

Mae cyrsiau biocemeg yn ymdrin ag ystod eang o bynciau sy'n canolbwyntio ar astudio a thrin afiechyd. Mae biocemegwyr sydd wedi'u lleoli yn ein cyfleusterau o'r radd flaenaf yn archwilio swyddogaeth biocemegol celloedd mewn organebau byw o facteria i blanhigion, anifeiliaid a bodau dynol. Mae'r ymchwil hwn yn bwydo'n uniongyrchol i'ch canlyniadau dysgu ac addysgu sy'n golygu bod ein myfyrwyr ar flaen y gad o ran ymchwil i'r heriau clinigol niferus sy'n wynebu'r byd. Mae gennym amrywiaeth o ddulliau astudio ar gael i ddarpar fyfyrwyr o BSc gyda sylfaen, BSc tair blynedd, a'n MSci 4 blynedd sy'n integreiddio prosiectau ymchwil manwl i'ch astudiaethau.

Archwiliwch ein cyrsiau: