Cefnogi ein myfyrwyr yn ystod Covid-19

"Rwy’n gwneud yn dda iawn. Mae’r taliadau ychwanegol wedi fy helpu yn fawr iawn. Mae fy sefyllfa ariannol yn un peth yn llai i mi orfod poeni amdano. Roeddwn i’n ansicr iawn ynghylch sut y gallwn i ymdopi oherwydd byddai dod o hyd i swydd yn ystod misoedd yr haf yn anodd. Fodd bynnag, rwyf bellach yn gallu talu’r biliau, prynu bwyd a phrynu pethau angenrheidiol eraill. Rwy’n hynod o ddiolchgar ac ni allaf ddweud diolch digon o weithiau am y cymorth ychwanegol."

"Diolch yn fawr am yr holl gymorth yr ydych chi wedi’i roi i mi. Rydych chi wedi gwneud bywyd yn llawer haws i mi ac rwy’n gwerthfawrogi’n fawr iawn pob dim yr ydych chi wedi’i wneud! Rydych chi wedi bod mor gymwynasgar!"

"Hoffwn ddweud diolch enfawr am yr holl gymorth a dderbyniais. Mae’r bwrsariaethau a’r arian ychwanegol wedi caniatáu i mi gynilo blaendal ar gyfer rhywle i’w rentu am fy mod yn symud cyn hir i ddechrau fy ngyrfa newydd. Mae hyn wedi golygu nad oedd angen i mi bryderu am fod yn ddigartref ar ôl i mi orffen yn y brifysgol a oedd yn bryder mawr iawn i mi."

"Mae Prifysgol Abertawe wedi fy helpu i’n eithriadol pan dderbyniais y cymorth ariannol trwy’r grant. Ar adeg pan oeddwn i’n profi trafferthion fwyaf dyfarnwyd arian ychwanegol i mi sydd wedi lleddfu llawer o’r straen meddyliol oherwydd na fydd angen i mi wynebu’r trafferthion beunyddiol arferol o ran cefnogi fy hun yn ariannol. Mae’r arian ychwanegol wedi caniatáu i mi ganolbwyntio ar faterion eraill yr wyf yn eu profi yn ystod cyfnod anodd yn fy mywyd."

"Rwyf yn fyfyriwr Gwyddorau Dynol ac Iechyd sy’n ysgrifennu atoch i ddiolch i bawb a oedd mor garedig gan helpu i’m cefnogi yn ariannol yn ystod cyfnod anodd. Rwyf yn fyfyrwyr sydd wedi ymddieithrio ac yn annibynnol ac o ganlyniad rwyf yn aml yn cael ymdrin â’m holl faterion ariannol a’m biliau yn anodd iawn. Roedd y cyfraniad a dderbyniais o help enfawr i mi, nid yn unig yn ariannol ond hefyd yn feddyliol oherwydd llwyddodd i leddfu’r panig a’r baich enfawr yr oeddwn i’n eu hwynebu wrth geisio, yn ddiobaith, weithio allan sut roeddwn yn mynd i dalu fy miliau hanfodol.

Yr haf hwn byddwn wedi ennill swydd ran-amser er mwyn dod yn fwy sefydlog yn ariannol yn ystod fy nghyfnod yn y brifysgol ond oherwydd y cyfnod cyfyngiadau symud a bod yng nghanol unigolion bregus nid oes modd i mi wneud hynny. Ar ben hyn, nid oes gennyf berthnasau y gallaf droi atynt am gymorth ariannol. Mae hyn wedi achosi i mi bryderu’n fawr am sut byddwn i’n ymdopi. Hoffwn ddangos fy ngwerthfawrogiad enfawr am fod y cymorth anhygoel yr wyf wedi’i dderbyn wedi fy ngalluogi i dalu am fy neunyddiau hanfodol."

"Dymunaf ddiolch yn fawr iawn i bawb yn y gwasanaeth Cyngor Arian ar Gampws Singleton. Cefais sioc pan dderbyniais y newyddion y byddwn i’n derbyn dyfarniad gan Brifysgol Abertawe a oedd yn werth £500 tuag at gynorthwyo â chostau dros wyliau’r haf. Mae hyn wedi fy helpu yn fawr iawn oherwydd roedd modd i mi ddefnyddio’r arian hwn i gyfrannu at yr holl gostau sy’n gysylltiedig â bod yn fam ac mae wedi gwneud pethau ychydig yn haws."