Ymchwil Feddygol ym Mhrifysgol Abertawe

Ymchwilwyr meddygol yn cynnal arbrawf yn y labordy.

Cefnogwch ddarganfyddiadau a fydd yn newid y byd.

Rhowch rodd i ymchwil ym Mhrifysgol Abertawe

Triniaethau gwell, mwy caredig ar gyfer canser

Mae ein gwyddonwyr yn arwain ymchwil canser arloesol sydd â'r potensial i achub bywydau di-rif.

O grebachu tiwmorau, i ddatblygu profion diagnosio cyflym, di-boen, rydym ni'n datblygu technolegau o'r radd flaenaf ar gyfer y dyfodol. Dyluniwyd y therapïau penodol mae ein gwyddonwyr yn eu datblygu i fod yn fwy effeithiol, gyda llai o sgîl-effeithiau na meddyginiaethau confensiynol. Er bod triniaethau megis cemotherapi yn niweidio celloedd canser a rhai iach, gan wneud i gleifion deimlo'n sâl iawn, byddai rhai o'r ymyriadau penodol yn ymosod ar y rhai canseraidd yn unig.

Mae gan Brifysgol Abertawe hanes balch o ymchwil. Yn Fframwaith Rhagoriaeth Ymchwil 2020, barnwyd bod 90% o'n hymchwil naill ai o'r radd flaenaf neu'n rhyngwladol ragorol. Wrth i ni fentro i'n 100 mlynedd nesaf fel prifysgol, gallwch chi ein helpu ni i ddarganfod pethau sy'n gallu newid y byd.

Ein Hymchwil: Ein Hanes

Ein Hymchwil Canser

Bacteria sy'n targedu tiwmorau

Mae'r Athro Paul Dyson a'i dîm wedi bod yn gweithio i ymladd canser gan ddefnyddio bacteria sy'n targedu tiwmorau.

Mae'r bacteria maent yn gweithio gyda’n ffynnu yn y maetholion sydd wedi'u cynnwys yn y celloedd canser. Er bod y celloedd hyn yn beryglus i ni, mae'r bacteria yn tyfu y tu mewn iddynt. Nid yn unig mae hyn yn atal tiwmorau rhag tyfu: mae'n gwneud iddynt grebachu. Mae'r Athro Dyson a'i dîm wedi gweld hyn yn digwydd o fewn wythnosau.

Gellid defnyddio'r dechnoleg hon i ymladd mathau amrywiol o ganser a chlefydau eraill a byddai'n cynnig triniaeth well, fwy caredig na'r rhai hynny â sgîl-effeithio gwenwynig. Gallai hyn drawsnewid gofal canser ar raddfa fyd-eang.

Achub menywod o ganser ofarïaidd

Mae'r Ganolfan ar gyfer Epigenomeg a Therapiwteg Cyffuriau Gwrthgyrff Cytras (CEAT) yn gweithio i wella diagnosis a thriniaeth canser ofarïaidd. Mae 11 o fenywod yn marw o ganser ofarïaidd bob dydd yn y DU. Yn gyffredinol, caiff ei ddiagnosio ar gam hwyrach ac nid yw 95% o'r menywod sydd yn cael diagnosis ar yr adeg hon yn byw y tu hwnt i bum mlynedd. Mae ymchwilwyr CEAT yn arbrofi gyda chyffuriau sy'n targedu canser ofarïaidd yn benodol, gan ryddhau meddyginiaeth yn uniongyrchol i'r celloedd. Gan y caiff y cyffuriau hyn eu datblygu i rwymo i gelloedd canseraidd yn unig, nid oes effaith ar gelloedd iach, gan osgoi rhai o’r sgîl-effeithiau erchyll sy'n gysylltiedig â thriniaethau megis cemotherapi. Mae'r tîm wedi casglu data am gleifion gyda samplau â gwrthiant i gemotherapi a hebddo ac maent yn gweithio i ddeall sut i gynnig triniaeth effeithiol ar sail unigol. Gallai'r gwaith hwn achub miloedd o fywydau bob blwyddyn yn y DU yn unig.