Cwestiynau Cyffredin Prosiect Canvas

Gweledigaeth Prifysgol Abertawe yw darparu'r profiad dysgu, addysgu ac asesu gorau i fyfyrwyr drwy amrywiaeth eang o ddulliau ac ymagweddau addysgegol. Un o’r prif bethau sydd yn ein galluogi i wneud hyn yw platfform dysgu ar-lein modern sy'n gwella ein cysylltiadau ar draws y Brifysgol. 

Wrth i'r cytundeb trwyddedu presennol gyda Blackboard ddirwyn i ben, cawsom gyfle i  weithredu ar adborth staff a myfyrwyr, a lywiodd y gofynion i greu platfform i symud tuag at ein gweledigaeth.

Ar ôl proses dendro gynhwysfawr, penderfynwyd mai Canvas oedd y platfform gorau i gyflawni gweledigaeth a diwallu anghenion y Brifysgol. Y flwyddyn nesaf, bwriedir rhoi platfform Canvas ar waith drwy'r Brifysgol gyfan, gan gyflwyno manteision sylweddol i staff a myfyrwyr a gwella'r profiad dysgu, addysgu ac asesu cyffredinol i bawb.

Staff - bwriedir rhoi mynediad i staff o fis Chwefror 2020 pan fydd yr hyfforddiant yn dechrau. Bydd rhai aelodau staff yn cymryd rhan mewn cyrsiau Arloeswr (mis Ionawr) a Mabwysiadwr Cynnar (mis Mawrth/Ebrill). Os felly, byddant yn cael eu hysbysu.

Myfyrwyr - pan fydd y cyfnod addysgu'n dechrau. I'r rhan fwyaf o fyfyrwyr, bydd hyn yn golygu dechrau blwyddyn academaidd 20/21, ond bydd rhai myfyrwyr yn cymryd rhan mewn cyrsiau Arloeswr (mis Ionawr) a Mabwysiadwr Cynnar (mis Mawrth/Ebrill). Os felly, byddant yn cael eu hysbysu.

Darllenwch ein tudalen “Pam Canvas?” i dderbyn rhestr lawn o’r buddion. 

Gallai'r newid hwn effeithio ar bawb sy'n ymwneud â dysgu, addysgu ac asesu yn Abertawe. Bydd y newid yn effeithio fwyaf ar fyfyrwyr a staff addysgu, wrth gwrs, ond bydd angen i bawb sy'n cefnogi myfyrwyr gyda'u hastudiaethau ddod yn gyfarwydd â Canvas. Bydd hyn yn berthnasol hefyd i staff sy'n defnyddio'r system bresennol at ddibenion datblygu staff.

Bod yn ymwybodol o Brosiect Canvas drwy'r amrywiaeth o weithgareddau cyfathrebu ac ymgysylltu dros y flwyddyn nesaf, edrych ar yr amserlen hyfforddi a defnyddio deunyddiau ac adnoddau hyfforddi Canvas pan gânt eu cyhoeddi ar ein gwefan a neilltuo amser i ddatblygu'ch cynnwys ar Canvas yn barod am y flwyddyn academaidd newydd.

Pasbort i Canvas – Canllaw Myfyrwyr
 
“Canvas” fydd platfform dysgu digidol newydd y Brifysgol o 31/07/20 ac ni fydd Blackboard bellach ar gael o’r dyddiad hwn. 

Er mwyn cefnogi myfyrwyr â llywio a defnyddio platfform Canvas rydyn ni wedi llunio canllaw cynhwysfawr o’r enw “Pasbort i Canvas” a gallwch chi ei gyrchu trwy ddilyn y ddolen ganlynol: https://canvas.swansea.ac.uk/courses/19536 a bydd ar gael i chi pryd bynnag y bydd angen i chi gyfeirio ato.  

Cyrchwch Canvas drwy’r ddolen hon https://canvas.swansea.ac.uk/ neu drwy apiau’r Brifysgol a thudalennau gwe MyUni. 

Mae ffrwd waith benodol wedi cael ei chreu i drefnu sut gellir archifo adnoddau o'r platfform presennol a sicrhau eu bod ar gael pan fydd trwydded Blackboard wedi dod i ben. Mae'r ffrwd waith hefyd yn ystyried sut caiff cyfnod ailsefyll ac ailgyflwyno'r haf ei reoli. Ar ôl i ni gytuno ar yr ymagwedd, byddwn yn cysylltu â'r holl ddefnyddwyr perthnasol i roi gwybod iddynt.

31 Gorffennaf 2020  - ar ôl y dyddiad hwn, ni fyddwch yn gallu cael mynediad i Blackboard.

Fodd bynnag, rydym wrthi ar hyn o bryd yn ystyried rhoi cynnwys cyrsiau blynyddoedd blaenorol mewn archif ar-lein.

Darllenwch amserlen y prosiect ar brif dudalen hafan y prosiect. 

I staff - bwriedir darparu hyfforddiant i'r holl staff o fis Chwefror 2020.

Mae wyth datblygwr academaidd amser llawn yn canolbwyntio ar hyfforddiant addysgeg a thechnegol ar gyfer Canvas.  Byddwn yn cynnig ymagwedd aml-ddull; cyrsiau ffurfiol, wyneb yn wyneb/gweminarau/cyrsiau astudio annibynnol, ynghyd â sesiynau agored sy'n rhoi cyfle i staff gydweithio a rhwydweithio.

Cofrestrwch drwy Eventbrite. 

I fyfyrwyr - un o brif fanteision Canvas yw ei bod hi'n hawdd cael mynediad iddo, mae'n hawdd dod o hyd i bethau ac mae ganddo ryngwyneb greddfol.

Gallwch ddod o hyd i'r Canllawiau i Canvas drwy'r ddolen hon - Canllawiau i Canvas

I gael y newyddion diweddaraf am ddatblygiadau Canvas - cliciwch ar y ddolen ganlynol i weld nodiadau ar Canvas - https://community.canvaslms.com/community/answers/releases/release-notes-canvas 

Mae Canvas yn cynnwys cymorth Haen 1 cynhwysfawr sy'n cynnig arweiniad a chymorth technegol 24/7 bob diwrnod o'r flwyddyn, dros y ffôn, drwy sgwrs fyw a thrwy e-bost, i bob defnyddiwr.

Yn system Canvas, cliciwch ar y botwm "Canvas Help", drwy'r rhyngwyneb defnyddiwr Canvas ar y ddewislen gwe-lywio am fanylion am sut i gael y cymorth hwn.

I gael yr wybodaeth ddiweddaraf, darllenwch y dudalen we yn Canvas am y porwyr a argymhellir:

https://community.canvaslms.com/docs/DOC-10720-which-browsers-does-canvas-support

Bydd amlinelliadau cwrs yn cael eu creu'n awtomatig, gan ddefnyddio'r data a gedwir yn system cynnal a chadw/catalog modiwlau'r Brifysgol ar gyfer modiwlau academaidd. Bydd staff yn gyfrifol am greu deunyddiau dysgu a chynnwys priodol, ac am drosglwyddo cynnwys rhwng blynyddoedd academaidd.

Trefnir mynediad i gyrsiau ar gyfer staff a myfyrwyr ar sail y data cofrestru a gedwir ar systemau'r Brifysgol, yn yr un modd ag y mae'n cael ei reoli ar hyn o bryd ar Blackboard.

O hyn ymlaen, staff addysgu fydd yn gyfrifol am gopïo cynnwys o un flwyddyn i'r flwyddyn nesaf. Yn hanesyddol, byddai staff TG yn cychwyn y broses awtomatig hon, ond ni fydd hyn yn digwydd bellach, er mwyn osgoi cronni data archifol a data nad yw'n berthnasol bellach. Ni fydd cyrsiau academaidd yn dangos unrhyw gynnwys ar ddechrau'r flwyddyn academaidd nesaf nes bod perchennog y cynnwys yn cyflawni’r broses hon.

Gellir mewnforio cynnwys o un cwrs i un arall drwy ychydig o gliciedau syml. Mae'r ddolen hon yn darparu cyngor ar y broses:

https://community.canvaslms.com/docs/DOC-12935-415257077

Defnyddir Turnitin yn helaeth yn Abertawe a bydd ar gael o hyd pan symudwn i Canvas gan ganiatáu i staff a myfyrwyr barhau i ddefnyddio'r rhaglen at y diben hwn.

Staff - mae'r wybodaeth y gallwch ei gweld yn seiliedig ar eich cysylltiad â chyrsiau yn y catalog o fodiwlau.  Gwiriwch gyda Swyddfa Weinyddol eich Coleg yn y lle cyntaf eich bod wedi'ch cysylltu'n gywir.

Myfyrwyr - mae mynediad yn seiliedig ar eich statws cofrestru.  Os ydych yn meddwl bod cyrsiau ar goll, gofynnwch i'r athrawon sy'n eu cyflwyno yn y lle cyntaf. Mae'n bosib na fyddant yn cael eu cyhoeddi cyn dechrau'r cyfnod addysgu.

Gellir defnyddio nifer o ieithoedd yn Canvas, gan gynnwys y Gymraeg, a gellir dewis iaith ar lefel defnyddiwr a chwrs. Mae rhestr lawn ar gael drwy'r ddolen ganlynol:

https://community.canvaslms.com/docs/DOC-10743-6795291040 

E-bostiwch y tîm prosiect yn: salt@abertawe.ac.uk