Gwirfoddoli am Groeso

Croeso | Welcome

Mae'r Cyfnod Croeso yn un o gyfnodau prysuraf y flwyddyn academaidd, wrth i fyfyrwyr newydd a'r rhai sy'n dychwelyd gyrraedd y campws cyn dechrau'r tymor. Mae'r Cyfnod Croeso'n dibynnu ar staff a myfyrwyr ar draws y Brifysgol i wirfoddoli eu hamser i helpu i gwrdd â myfyrwyr newydd a gwneud iddynt deimlo'n gartrefol yn Abertawe.

Eleni, cynhelir y Cyfnod Croeso o ddydd Mercher 15 Medi - dydd Sul 19 Medi.

SUT GALLAF WIRFODDOLI?

Llenwch y ffurflen i gofrestru eich diddordeb neu drwy e-bostio welcome.campuslife@abertawe.ac.uk gyda'r wybodaeth ganlynol:

Enw	Rhif myfyrwyr	Cyfeiriad e-bost personol
____	_____________	________________________

PA ROLAU SYDD AR GAEL?

Gwirfoddolwr Croeso i Abertawe

Crynodeb:

Mae Gwirfoddolwyr Croeso i Abertawe yn dîm arbennig sy'n gweithio i gefnogi myfyrwyr newydd sy'n cyrraedd y campws ac maent yn chwarae rôl hollbwysig wrth helpu myfyrwyr newydd i ymgartrefu yn Abertawe.
Byddant yn helpu myfyrwyr - rhieni/ymwelwyr ym mhob math o ffyrdd, o osod arwyddion i leoedd/adeiladau ar y campws, cyfeirio ymwelwyr at leoedd parcio dynodedig, cynorthwyo gyda chasglu allweddi a chynorthwyo myfyrwyr i symud i mewn i'w llety ac ateb cwestiynau am y digwyddiadau sydd ar ddod a gwasanaethau yn y Brifysgol.
Byddant yn chwarae rôl allweddol wrth gefnogi staff i sicrhau bod y broses gyrraedd yn gweithredu'n effeithlon ac y glynir wrth yr holl fesurau pellter cymdeithasol, yn unol â chanllawiau'r llywodraeth.

Rolau a Chyfrifoldebau:

•   Cyfarch a chwrdd â myfyrwyr/rhieni/ymwelwyr wrth iddynt gyrraedd yn eu ceir a chyfeirio traffig at yr ardaloedd gollwng teithwyr dynodedig.
•   Cyfeirio myfyrwyr/rhieni/ymwelwyr at y mannau casglu allweddi a chyfleusterau cyffredinol y campws, e.e. parcio, toiledau, bwyd a diodydd etc.
•   Bod yn gyfeillgar, yn groesawgar ac yn hawdd mynd atoch i'r holl fyfyrwyr/rhieni/ymwelwyr.
•   Cynorthwyo wrth ateb cwestiynau am y Brifysgol a'r broses gyrraedd.
•   Uwch-gyfeirio problemau/ymholiadau'n brydlon i'r Cydlynydd Cyrraedd/Casglu Allweddi.
•   Cynorthwyo'r Cydlynydd Cyrraedd/Casglu Allweddi gydag ymholiadau rhesymol ar y dydd.
•   Helpu i gadw ardaloedd yn daclus ac yn glir.
•   Cynorthwyo wrth sicrhau y glynir wrth fesurau pellter cymdeithasol ar bob adeg.

Ymrwymiad y Gwirfoddolwr:

Ymrwymiad i gymryd rhan mewn o leiaf ddau Ddiwrnod o Ddigwyddiadau Croeso i Abertawe (Campws y Bae, Campws Singleton, Pentref Myfyrwyr Hendrefoelan a Thŷ Beck (09.00 - 18.00).

Beth rydym yn ei ddarparu:

Cinio.
Gwisg.
Pecyn cymorth.
Cyfarpar iechyd a diogelwch, e.e. gorchuddion wyneb a hylif diheintio dwylo.

Hyfforddiant:

Caiff yr holl wirfoddolwyr sesiwn sefydlu i gefnogi'ch rolau a'ch cyfrifoldebau.

Profiad Dymunol:

•   Gallu i gyflawni safonau uchel o wasanaeth cwsmeriaid.
•   Gallu i weithio dan bwysau.
•   Golwg smart a phroffesiynol.
•   Bod yn gwrtais wrth fyfyrwyr, rhieni/ymwelwyr ar bob adeg, gan gynnwys mewn sefyllfaoedd a allai fod yn anodd.
•   Bod yn gyfeillgar ar bob adeg ac yn barod i helpu, â gwên ar eich wyneb.
•   Gwybodaeth dda am sut mae Prifysgol Abertawe'n gweithredu.
•   Rhaid i chi fod yn hyblyg a rhaid i chi allu gweithio ar benwythnosau. Gall sifftiau ddechrau mor gynnar â 9.00am a gallant orffen mor hwyr â 6.00pm.