Rhestr Wirio Ariannol Cyn Cyrraedd

Mae'n bwysig i fyfyrwyr ystyried eu cynllun ariannol cyn cofrestru ar eu cwrs, a sicrhau eu bod yn gwneud cais am y cyllid a'r cymorth sydd ar gael iddynt. Defnyddiwch y rhestr wirio isod i'ch helpu gyda'ch cynllun ariannol, a chofiwch fod Arian@BywydCampws ar gael i ateb unrhyw gwestiynau am faterion ariannol sydd gan fyfyrwyr.

  • Cysylltu â'r darparwr cyllid a/neu Arian@BywydCampws i ofyn pa gyllid gallaf wneud cais amdano.
  • Cyflwyno cais am gyllid.
  • Gwirio sut mae cyllid yn effeithio ar fy mudd-daliadau.
  • Nodwch y dyddiadau olaf i dalu am eich llety drwy wirio ‘fy nghytundeb tenantiaeth’ neu drwy fynd i wefan y Brifysgol (os ydych yn byw mewn llety sy’n eiddo i’r Brifysgol)
  • Llunio rhestr o'm hincwm am y flwyddyn, e.e.
  • Cyllid cynhaliaeth
  • Bwrsariaeth Gwaith Cymdeithasol/y GIG*
  • Grantiau ar gyfer dibynyddion
  • Grantiau'r brifysgol
  • Gwaith rhan-amser
  • Cyfraniad rhieni
  • Budd-daliadau
  • Arall
  • Llunio rhestr o'r costau bydd rhaid i mi eu talu yn ystod y flwyddyn, e.e.
  • Llety
  • Teithio
  • Bwyd
  • Llyfrau a chyfarpar
  • Gofal plant
  • Dillad
  • Bywyd cymdeithasol/hamdden
  • Arall
  • Defnyddio'r rhestrau o incwm a chostau i lunio cynllun cyllideb.
  • Casglu cerdyn adnabod ym mis Medi er mwyn i'r cyllid gael ei ryddhau.

*Mae'n bwysig sylwi na fydd myfyrwyr a ariennir gan y GIG, sy'n dechrau ym mis Medi 2019, yn derbyn eu taliad cyntaf o fwrsariaeth y GIG tan ddiwedd mis Hydref 2019.