Gweledigaeth ac uchelgais

Maegan Brifysgol Abertawe weledigaeth glir o fod yn brifysgol wedi'i harwain gan ymchwil o safon ryngwladol.

Yn 2004, lansiodd y Brifysgol gasgliad o bolisïau a gynlluniwyd i gyflymu ei datblygiad. Roedd y polisïau "Cyfeiriadau Strategol" yn uchelgeisiol, a chawsant eu llunio i fynd i'r afael â safle cystadleuol Abertawe yn y sector addysg uwch yn y Deyrnas Unedig. Roeddynt yn targedu gwella perfformiad ymchwil y Brifysgol cyn Ymarfer Asesu Ymchwil 2008 (RAE), gan greu unedau academaidd cadarn i ddenu a chadw'r staff gorau.

Dangosodd canlyniadau Ymarfer Asesu Ymchwil 2008 y canlynol:

• Llwyddodd y Brifysgol i gael y twf mwyaf yn y Deyrnas Unedig o ran gweithgarwch ymchwil o ansawdd rhyngwladol sy'n arwain y byd - cynnydd o 207% o RAE 2001. (Y cynnydd ar gyfartaledd yn Lloegr oedd 6%.)
• Graddiwyd Peirianneg Sifil yn ail yn y Deyrnas Unedig, a Pheirianneg Gyffredinol wedi'i rhoi yn y bumed safle.
• Gosodwyd Meddygaeth yn seithfed yn y Deyrnas Unedig.
• Graddiwyd Cyfrifiadureg yr 21ain yn y DU.
• O blith 31 o feysydd pwnc yng Nghymru ei hun, daeth Abertawe i'r safle cyntaf mewn 17 maes, a chyntaf neu ail mewn 24 maes.

Yn 2009, cyhoeddodd y Brifysgol Gynllun Strategol pum mlynedd newydd, sy'n meithrin ar lwyddiant yr RAE ac yn darparu fframwaith cynhwysfawr ar gyfer gweithredu. Mae'r Cynllun yn nodi pedwar nod strategol allweddol:

• Datblygu ein henw da rhyngwladol am ymchwil, addysgu a chysylltiadau cydweithredol â diwydiant.
• Bod yn un o 30 prifysgol orau'r DU a arweinir gan ymchwil.
• Paratoi ein myfyrwyr ar gyfer cyflawniad personol a phroffesiynol.
• Bod yn rym ar gyfer twf yn yr economi ranbarthol.