Y Tîm Sicrhau Risg a Phrosiectau

Nod allweddol y Tîm Sicrhau Risg a Phrosiectau yw darparu lefel uchel o hyder ar draws y Brifysgol mewn perthynas ag amcanion a mentrau strategol y Brifysgol. Maent yn gweithio mewn partneriaeth gyda Cholegau Academaidd a Gwasanaethau Proffesiynol ar draws y sefydliad i ddarparu swyddogaeth sicrhau prosiectau a rheoli risg. Maent yn gyfrifol am feithrin a thyfu’r gymuned a’r diwylliant rheoli prosiectau o fewn y Brifysgol, am weinyddu prosesau asesu risg a hefyd sicrhau bod mwy o gamau gweithredol i reoli risg yn cael eu cymryd ar draws y Brifysgol. Mae’r tîm yn darparu trosolwg proffesiynol o ran rheoli prosiectau a risg ar gyfer yr holl brosiectau mawr sydd ar y gweill ac yn sicrhau yr eir ati’n llwyddiannus i weithredu prosiectau a gweithgareddau a ariennir â chyllid allanol ac sy’n hollbwysig i gyflawni Cynllun Strategol y Brifysgol.

Mae’r tîm yn ymdrechu i wneud y canlynol:

  • darparu swyddogaeth sicrhau prosiectau ac asesu risg ar gyfer prosiectau mawr a ariennir â chyllid allanol
  • sicrhau bod cyswllt gweithredol effeithiol rhwng prosiectau ac Uwch Reolwyr y Brifysgol
  • datblygu a chynnal diwylliant rheoli risg effeithiol o fewn y Brifysgol
  • hyrwyddo arferion rheoli prosiectau proffesiynol ar draws y Brifysgol

Bydd y tîm yn cyflawni hyn trwy wneud y canlynol:

  • meithrin perthnasoedd proffesiynol cryf a chadarnhaol
  • tyfu proffesiynoldeb ym maes rheoli prosiectau
  • hwyluso diwylliant rheoli risgiau rhagweithiol

Mae’r tîm yn gyfrifol am ddatblygu a chynnal Fframwaith Rheoli Prosiectau’r Brifysgol ac maent wrthi ar hyn o bryd yn cydweithio’n agos gyda’r Gymdeithas Rheolwyr Prosiectau (APM), y corff proffesiynol mwyaf o’i fath yn Ewrop, i gysoni arfer yn y Brifysgol â safonau sefydledig y diwydiant. Mae’r tîm wedi sicrhau statws Achrediad Corfforaethol APM, sy’n uchel iawn ei fri, ar ran y Brifysgol yn ddiweddar.

Mae gan y Brifysgol Bolisi Rheoli Risg sy’n egluro dull sylfaenol y Brifysgol o reoli risg ac yn dogfennu rolau a chyfrifoldebau’r Cyngor a’i is-bwyllgorau, yr Uwch Dîm Rheoli (UDRh) a phartïon allweddol eraill. Mae’r polisi hefyd yn nodi agweddau allweddol ar y broses rheoli risg ac yn nodi’r prif weithdrefnau adrodd.

Nod y Tîm Sicrhau Risg a Phrosiectau yw darparu lefel uchel o hyder ar gyfer y Brifysgol a bydd yn ymdrechu i sicrhau bod y Brifysgol yn gallu parhau i gofleidio arloesi gan gael ei sicrhau bod gwerthusiadau a mesurau rheoli cadarn ac annibynnol yn eu lle.

Rôl y tîm yw:

Hybiau Ymchwil y Colegau

Meithrin perthnasoedd cryf, cadarnhaol a chefnogol o fewn Hybiau Ymchwil y Colegau

    • Cefnogi gweithrediad effeithiol Hybiau Ymchwil y Colegau
    • Cyfrannu arbenigedd rheoli prosiectau at y broses o adolygu a drafftio cynigion newydd
    • Cynnal asesiadau risg ar gyfer yr holl gynigion dros £100,000 mewn modd cyflym ac effeithlon i gefnogi graddfeydd amser ar gyfer cyflwyno ceisiadau am grantiau
    • Ymholi cynigion yn y System Rheoli Dyfarniadau a sicrhau ymgysylltiad â Phrif Ymchwilwyr perthnasol i wella ansawdd ceisiadau a’r grantiau a geir
    • Sicrhau cymorth sefydlu rhagweithiol i Brif Ymchwilwyr allweddol ar gyfer prosiectau newydd
    • Hwyluso’r broses o ddatrys materion gweinyddol sy’n effeithio ar sefydlu prosiectau newydd
    • Cefnogi’r broses o recriwtio, mentora a hyfforddi rheolwyr prosiectau newydd

Cyflawni prosiectau mawr

Meithrin perthnasoedd cryf, cadarnhaol a chefnogol wrth gyflawni'r holl brosiectau mawr

  • Hwyluso gweithrediad Bwrdd Prosiectau Mawr
  • Datblygu a meddu ar gynlluniau sicrwydd integredig ar gyfer pob prosiect mawr
  • Monitro a rheoli cynllun sicrwydd integredig ar gyfer pob prosiect mawr
  • Cynnal gwiriadau sicrwydd rheolaidd ar gyfer pob prosiect mawr
  • Cydweithio â Rheolwyr Colegau a Rheolwyr Hybiau Colegau i sicrhau prosesau monitro a sicrhau effeithiol ar gyfer pob prosiect mawr sy'n eiddo i bob Coleg
  • Darparu cymorth hyfforddi a pherthnasoedd i bob rheolwr prosiect mawr
  • Darparu arweiniad i brif ymchwilwyr a rheolwyr prosiect ar brosesau ac arferion rheoli prosiect
  • Mynychu cyfarfodydd byrddau prosiect neu grwpiau llywio
  • Mynychu gweithdai risg wrth i brosiectau gael eu cyflawni
  • Sicrhau perthnasoedd gweithio agos ag Unedau Gwasanaeth Proffesiynol eraill (Ystadau, REIS, AD, Cyllid/Caffael, GGS, Gwasanaethau Academaidd) i gefnogi prosiectau mawr
  • Cynorthwyo pob Rheolwr Prosiect i ddatrys problemau a rheoli risgiau gan gynnwys rheoli uwchgyfeirio
  • Cefnogi prosesau sicrwydd ariannol effeithiol, gan gynnwys nodi ac uwchgyfeirio problemau
  • Cefnogi’r adolygiadau ansawdd o dystiolaeth ariannol ac allbwn sy'n ofynnol gan arianwyr
  • Cadw cofrestr o brosiectau mawr gan gynnwys nodweddion allweddol a statws

Rheoli Prosiectau

Cynyddu Proffesiynoldeb Rheoli Prosiectau

  • Cynnal y Fframwaith Rheoli Prosiectau
  • Arwain y gymuned rheoli prosiectau a chymorth prosiectau
  • Annog cofnodi a rhannu arferion da wrth reoli prosiectau
  • Hwyluso cymunedau rheoli prosiect lleol yn y Colegau a'r Hybiau
  • Hwyluso cychwyn prosiectau ar gyfer unrhyw fenter o eiddo'r Brifysgol
  • Cynnal arferion rheoli prosiect a deunydd cymorth y Brifysgol
  • Cadw a chynnal tudalennau gwe rheoli prosiect y Brifysgol
  • Hwyluso'r Fforwm Rheoli Prosiectau
  • Gweinyddu'r porth e-dysgu, Sianel Rheoli Prosiectau, ac annog cymuned rheoli prosiect y Brifysgol i ennill cymwysterau
  • Datblygu a chyflwyno hyfforddiant rheoli prosiect drwy APECS a chyfryngau eraill
  • Datblygu a chyflwyno hyfforddiant rheoli prosiect pwrpasol i Unedau Gwasanaeth Proffesiynol eraill
  • Hwyluso ymgysylltu â'r Gymdeithas Rheoli Prosiectau (APM) ar draws y Brifysgol, gan gynnwys cynnal digwyddiadau rhanbarthol APM
  • Rhwydweithio ag aelodau a grwpiau diddordeb arbennig APM i farchnata'r Brifysgol ac elwa o unrhyw gyfalaf deallusol
  • Dilyn y datblygiadau diweddaraf ym maes ymarfer rheoli prosiect a'u rhoi ar waith i wella arferion y Brifysgol
  • Rhwydweithio â phrifysgolion eraill Cymru i rannu profiadau rheoli prosiect a gwella cysondeb ymarfer ar draws Cymru
  • Rhwydweithio â sefydliadau addysg uwch byd-eang i fanteisio ar unrhyw gyfalaf deallusol ym maes rheoli prosiect
  • Sicrhau bod y Brifysgol yn cydymffurfio â gofynion Achredu Corfforaethol APM
  • Cynnal ac arwain offeryn asesu cymhwysedd rheoli prosiect
  • Cynnal templed disgrifiadau swyddi rheolwyr prosiect i sicrhau cydymffurfiaeth â safonau APM a'r diwydiant
  • Cefnogi wrth integreiddio rheoli prosiectau proffesiynol â gweithgarwch addysgu myfyrwyr i ychwanegu gwerth at brofiad y myfyrwyr

Rheoli risg yn rhagweithiol

Hwyluso diwylliant rhagweithiol o reoli risg

  • Hyfforddi a chefnogi Rheolwyr Coleg a Chyfarwyddwyr Gwasanaeth Proffesiynol mewn dulliau rhagweithiol o reoli risg
  • Sicrhau bod y Brifysgol yn cydymffurfio â Pholisi Rheoli Risg
  • Cynnal adolygiadau chwarterol o bob cofrestr risg gyda'r Cofrestrydd/Prif Swyddog Gweithredu
  • Cynnal adolygiad blynyddol o gofrestri risg Colegau ac Unedau Gwasanaeth Proffesiynol
  • Hwyluso'r broses adolygu asesiad risg ar ran yr Uwch Dîm Rheoli
  • Gweinyddu Offeryn Rheoli Risg y Brifysgol a chyfeirio adnoddau GGS mewn gweithgarwch cynnal a chadw a gwella
  • Gweinyddu Cofrestr Risg y Brifysgol bob chwarter ar gyfer yr Is-ganghellor
  • Paratoi Adroddiad Blynyddol y Gweinyddwr Risg a cheisio cymeradwyaeth
  • Cydgysylltu Cofrestr Risg y Brifysgol â chynllun archwilio blynyddol y Cydbwyllgor Archwilio Mewnol
  • Mynychu cyfarfodydd y Pwyllgor Archwilio
  • Datblygu a chyflwyno hyfforddiant rheoli risg drwy APECS a chyfryngau eraill
  • Cynnal a chadw offer, arferion a deunydd cymorth rheoli risg y Brifysgol
  • Cynnal a chadw'r Polisi Rheoli Risg
  • Cynnal a chadw tudalennau gwe rheoli risg y Brifysgol
  • Hwyluso gweithdai risg ar gyfer unrhyw fenter o eiddo'r Brifysgol
  • Annog cofnodi a rhannu arferion da ym maes rheoli risg
  • Rhwydweithio â chyrff rheoli risg proffesiynol i farchnata'r Brifysgol a rhannu arfer gorau
  • Rhwydweithio â phrifysgolion eraill Cymru i rannu profiadau rheoli risg a gwella cysondeb ar draws Cymru
  • Rhwydweithio â sefydliadau addysg uwch  byd-eang i elwa o unrhyw gyfalaf deallusol ym maes rheoli risg