Sylwer bod y dudalen hon wedi cael ei harchifo ac nid yw'n cael ei diweddaru mwyach.
Yr wythnos nesaf, caiff cyflawniadau dros 4,000 o fyfyrwyr israddedig ac ôl-raddedig eu dathlu yng nghynulliadau graddio Prifysgol Abertawe.
Cynhelir y cynulliadau yn Neuadd Fawr Campws y Bae o ddydd Llun 23 Gorffennaf i ddydd Sadwrn 28 Gorffennaf.
Bydd teuluoedd a ffrindiau'r myfyrwyr yn bresennol hefyd, yn ogystal â swyddogion y Brifysgol, staff academaidd, cynrychiolwyr Undeb y Myfyrwyr a swyddogion a phwysigion dinesig.
Bydd darpar-raddedigion yn derbyn eu graddau o:
- Ysgol Feddygol Prifysgol Abertawe a Choleg y Celfyddydau a’r Dyniaethau ddydd Llun.
- Goleg y Celfyddydau a’r Dyniaethau ac Adran Addysg Barhaus Oedolion ddydd Mawrth.
- Yr Ysgol Reolaeth ddydd Mercher.
- Y Coleg Peirianneg ddydd Iau.
- Y Coleg Gwyddoniaeth ddydd Gwener.
- Ysgol y Gyfraith Hillary Rodham Clinton ddydd Sadwrn.
Meddai'r Athro Richard B. Davies, is-ganghellor Prifysgol Abertawe: "Hoffwn estyn fy llongyfarchiadau cynhesaf i'n myfyrwyr sy'n graddio, a dymunaf bob llwyddiant iddynt yn y dyfodol.
"Mae gennym hanes balch o baratoi myfyrwyr ar gyfer llwyddiant personol a phroffesiynol eithriadol ers 1920. Gobeithio y bydd y graddedigion eleni'n gallu parhau i ymfalchïo ym Mhrifysgol Abertawe, wrth i ni barhau i adeiladu ar lwyddiant ysgubol y blynyddoedd diweddar”.
Mi fydd modd gwylio’r holl seremonïau yn fyw ar ein gwefan.
- Dydd Iau 19 Gorffennaf 2018 12.59 BST
- Dydd Iau 19 Gorffennaf 2018 13.02 BST
- Catrin Newman, Ffôn: 01792513454