Sylwer bod y dudalen hon wedi cael ei harchifo ac nid yw'n cael ei diweddaru mwyach.
Mae Adolygiad Sefydliadol yr Asiantaeth Sicrhau Ansawdd (QAA) Addysg Uwch o Brifysgol Abertawe wedi canfod bod y Brifysgol wedi cwrdd รข safonau academaidd a disgwyliadau ansawdd y DU - ac mae'r Brifysgol hefyd wedi cael ei chanmol am wella cyfleoedd dysgu myfyrwyr.
Nododd yr Adolygiad bod:
- safonau academaidd yn y Brifysgol yn cyflawni disgwyliadau'r DU ar gyfer safonau trothwy.
- ansawdd y cyfleoedd dysgu i fyfyrwyr yn y Brifysgol yn cwrdd â disgwyliadau’r DU.
- gwella cyfleoedd dysgu i fyfyrwyr yn y Brifysgol yn cael eu canmol.
- gwybodaeth am gyfleoedd dysgu a gynhyrchwyd gan y Brifysgol yn cwrdd â disgwyliadau'r DU.
Meddai Adrian Novis (chwith), Cyfarwyddwr Dros Dro Gwasanaethau Academaidd y Brifysgol: “Rydym yn croesawu adroddiad y QAA, ac rydym yn falch iawn wrth gwrs, ond ddim yn synnu, gyda chanlyniadau ein Hadolygiad Sefydliadol. Rydym yn ddiolchgar iawn i’r holl staff a’r myfyrwyr a gymerodd ran ym mhroses y QAA o fesur ein hansawdd a safonau”.
“Mae hyn yn newyddion gwych i Abertawe ar ddechrau’r flwyddyn academaidd newydd wrth i ni groesawu’r nifer uchaf erioed o fyfyrwyr, ac wrth i’r datblygiadau barhau ar Gampws y Bae, ein campws newydd sy’n werth £450 miliwn, fydd yn agor ym mis Medi 2015.
"Mae canlyniad yr adolygiad hwn hefyd yn cadarnhau'r hyn sydd eisoes wedi’i gydnabod mewn sawl arolwg annibynnol, canllaw a thabl cynghrair. Mae llawer ohonynt yn gofyn i’n myfyrwyr bleidleisio - gan gynnwys yr Arolwg Myfyrwyr Cenedlaethol (NSS). Graddiodd myfyrwyr Abertawe eu bodlonrwydd cyffredinol gyda'u Prifysgol yn 89% yn 2014, 4% yn uwch na'r bodlonrwydd cyfartalog yng Nghymru a chyfwerth â chyfartaledd holl sefydliadau'r DU. Cafodd y brifysgol ei rhestri ar Good University Guide 2015 y Times a’r Sunday Times, ac enillodd y brifysgol y wobr Prifysgol y Flwyddyn yng ngwobrau WhatUni? yn gynharach eleni.
- Dydd Llun 6 Hydref 2014 14.25 BST
- Dydd Mercher 11 Medi 2019 15.15 BST
- Catrin Newman, Ffôn: 01792 513454