Sylwer bod y dudalen hon wedi cael ei harchifo ac nid yw'n cael ei diweddaru mwyach.
Mae harddwch ac amrywiaeth ymchwil yn cael eu dathlu'r wythnos hon ym Mhrifysgol Abertawe wrth i enillwyr y gystadleuaeth Ymchwil fel Celf, a ddewiswyd gan banel o arbenigwyr blaenllaw, gael eu henwi mewn seremoni yn y Brifysgol.
Denwyd dros 100 o ddelweddau gan y gystadleuaeth. Maent yn dod o wahanol feysydd ar draws y Brifysgol, ac maent i gyd wedi'u hysbrydoli gan ymchwil, neu'n ysbrydoli ymchwil. Casglwyd panel proffil uchel o feirniaid ar gyfer y gystadleuaeth, gydag ystod eang o arbenigedd.
Llongyfarchiadau i’r enillydd, Hollie Rosier, o’r Coleg Peirianneg.
Mae Dr Richard Johnston yn ddarlithydd yng Ngholeg Peirianneg Prifysgol Abertawe, ac efe sy'n trefnu'r gystadleuaeth.
Dywedodd: "Y gystadleuaeth hon yw'r unig un o'i math, yn agored i BOB ymchwilydd, gyda phwyslais ar hanes yr ymchwil yn ogystal â'r ddelwedd drawiadol.
"Mae delweddau a haniaethau ysgogol yn ffordd wych o ddangos i'r cyhoedd rhyfeddod yr ymchwil a wneir yn ein Prifysgol. Mae'n gyfle i ymchwilwyr ymgysylltu â phobl, rhannu gwybodaeth â nhw, a'u hysbrydoli. Mae cyfrifoldeb ar ymchwilwyr i sicrhau bod eu hymchwil yn hygyrch... ac yn bendant, mae'r cyhoedd yn frwd i'w weld!"
Trefnir y digwyddiad gan Fforwm Ymchwil Prifysgol Abertawe, ac fe'i cefnogir gan raglen 'Pontio'r Bylchau'.
- Dydd Iau 21 Mehefin 2012 17.45 BST
- Dydd Mercher 11 Medi 2019 15.34 BST
- Swyddfa Materion Cyhoeddus