MSc drwy Ymchwil mewn Peirianneg Meinweoedd a Meddygaeth Atgynhyrchiol

  1. Amrywiadau Cwrs
    Nomenclature Duration Mode Of Attendance
    MSc by Research 1Bl LlA
    MSc by Research 2Fl RhA
  2. Cynnig arferol:
    DU 2.1

Trosolwg Cwrs

MSc drwy Ymchwil mewn Peirianneg Meinweoedd a Meddygaeth Atgynhyrchiol

Bob dydd, clywn am gamau breision sy’n torri tir newydd ym maes peirianneg meinweoedd sy’n cynnig potensial aruthrol ar gyfer dyfodol meddygaeth atgynhyrchiol a gofal iechyd. Mae staff ym Mhrifysgol Abertawe’n chwarae rhan fyw mewn sawl agwedd ar beirianneg meinweoedd.

Nodweddion Allweddol

Rydym yn ymchwilio’n weithredol i sawl agwedd ar beirianneg meinweoedd gan gynnwys y meysydd canlynol:

  • Personoli a rheoli cilfach y bôn-gell
  • Personoli mecanyddol bôn-gelloedd a meinweoedd
  • Cynhyrchu sgaffaldiau newydd ar gyfer peirianneg meinweoedd
  • Electrodroelli deunyddiau sgaffaldiau
  • Gwella ac adfer cartilag
  • Cymhwyso nanodechnoelg i feddygaeth atgynhyrchiol
  • Peirianneg gwella clwyfau
  • Imiwnofioleg Atgynhyrchiol
  • Dylunio bioadweithydd

Fel myfyriwr MSc drwy Ymchwil, byddwch yn ymuno ag un o’r timau ym Mhrifysgol Abertawe i weithio ym maes peirianneg meinweoedd a defnyddio offer ymchwil sydd ar flaen y gad yn y Ganolfan ar gyfer NanoIechyd, menter gydweithredol rhwng y Coleg Peirianneg a’r Coleg Meddygol.

Caiff y rhaglen hon ei chynnal yng Nghampws y Bae, Prifysgol Abertawe o fis Medi 2015.

Disgrifiad

Bwriad yr MSc drwy Ymchwil yw darparu sylfaen gref i chi ym maes peirianneg meinweoedd a’i gymhwysedd ym maes meddygaeth atgynhyrchiol.

Bydd hyn yn cael ei gyflawni drwy flwyddyn o ymchwil mewn maes perthnasol o beirianneg meinweoedd wedi trafodaeth â staff academaidd Abertawe.

Gan weithio gyda dau oruchwyliwr academaidd, byddwch yn cyflawni arolwg trylwyr o’r llenyddiaeth a fydd yn eich galluogi i ffurfio rhaglen ymchwil arbrofol.

Fel myfyriwr ar y cwrs MSc drwy Ymchwil, byddwch yn cael eich hyfforddi’n briodol yn y labordy i allu ymgymryd â’r rhaglen ymchwil. Bydd yr ymchwil yn cael ei ysgrifennu ar ffurf traethawd hir a arholir. Fe’ch anogir hefyd i gyflwyno eich gwaith ar ffurf cyfathrebiadau gwyddonol megis cyfnodolion a chyflwyniadau poster mewn cynadleddau.

Bydd yr MSc drwy Ymchwil yn eich arfogi â gwledd o brofiad ymchwil a gwybodaeth a fydd o fudd i’ch gyrfa yn y byd academaidd neu’r diwydiannau gofal iechyd yn y dyfodol.

Mae traethodau hirion MSc drwy Ymchwil a oruchwyliwyd ym maes Peirianneg Meinweoedd ym Mhrifysgol Abertawe’n ddiweddar wedi cynnwys:

  • Gwarantu safonau banciau bôn-gelloedd dynol / celloedd cynradd
  • Datblygu technegau electrodroelli ar gyfer cynhyrchu sgaffaldiau peirianneg meinwe newydd
  • Ymgorffori meysydd electromagnetig wedi’u pylsio i orchuddion clwyfau.
  • Cymhwyso meysydd electromagnetig wedi’u pylsio i wella clwyfau’n gynt.
  • Defnyddio nanoronynnau i reoli bioffilmiau bacteraidd mewn clwyfau cronig
  • Rheoli ymlyniad bacteraidd ar arwynebeddau perthnasol i feddygaeth atgynhyrchiol.
  • Cynhyrchu gronynnau micro-dyllog ar gyfer gwella esgyrn.

Dysgwch ragor am rai o’r staff academaidd sy’n goruchwylio traethodau hirion yn y meysydd hyn: 

Dr Chris Wright

Professor Huw Summers

Gofynion Mynediad

Anghenion derbyn yw gradd ddosbarth cyntaf neu ail ddosbarth uwch mewn peirianneg, bioleg neu peirianneg ddisgyblaeth.

Rydym yn croesawu cynigion gan ddarpar fyfyrwyr o ledled y byd ac yn edrych am dystiolaeth o astudio blaenorol sy’n gyfwerth â’r anghenion derbyn a nodir uchod. Mae’r Swyddfa Mynediad Ôl-raddedig yn falch o’ch cynghori a yw eich cymwysterau’n addas i gael mynediad i’r cwrs yr hoffech ei astudio. E-bostiwch admissions@swansea.ac.uk am ragor o wybodaeth os gwelwch yn dda.

Os nad Saesneg yw eich iaith gyntaf, bydd angen i chi fod wedi pasio’n ddigonol mewn cymhwyster Iaith Saesneg derbyniol i wneud yn sicr y cewch y budd mwyaf o astudio yn Abertawe. Rydym yn ystyried ystod eang o gymwysterau, yn cynnwys Prawf Saesneg Prifysgol Abertawe Prawf IELTS y Cyngor Prydeinig (gyda sgôr isaf o 6.5 a 5.5. yn y ddau ran). Ceir rhestr lawn o brofion Saesneg derbyniol yma: www.swansea.ac.uk/international/students/requirements/english-requirements

Sut i Wneud Cais

Unwaith y byddwch wedi adnabod maes pwnc yr hoffech weithio ynddo, rydym yn argymell eich bod yn cyflwyno cynnig ymchwil ac yn trafod hwn gyda Thiwtor Mynediad ar gyfer y pwnc cyn gwneud cais. Gallwch e-bostio engineering@swansea.ac.uk i fynegi eich diddordeb mewn MSc drwy Ymchwil.

Gwnewch eich cais ar-lein a dilynwch statws eich cais am le ar yr MSC drwy Ymchwil yn www.swansea.ac.uk/cy/ol-raddedig/gwneud-cais/sut-i-wneud-cais/applyonline

Os ydych chi’n fyfyriwr rhyngwladol, cewch ragor o wybodaeth am wneud cais am yr MSc drwy Ymchwil www.swan.ac.uk/international/students/apply

Ffioedd Dysgu

Y ffioedd dysgu blynyddol ar gyfer blwyddyn academaidd 2017/18 fydd:

D.U./U.E. Rhyngwladol
MSc by Research Llawn-amser £4,200 £18,450
MSc by Research Rhan-amser £2,100 £9,250

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Noder: Ffigur dangosol yw ffi'r Deyrnas Unedig/yr Undeb Ewropeaidd, sy'n amodol ar gadarnhad gan RCUK.

Os bydd eich cwrs yn cychwyn ym mis Ionawr, Ebrill neu Orffennaf 2017, gweler costau ffioedd 2016/17 ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr rhyngwladol ac astudiaethau rhan-amser: Os ydych angen fisa myfyriwr Haen 4 mae’n rhaid i chi fod yn astudio’n llawn-amser. Os ydych yn y Deyrnas Unedig dan gategori fisa gwahanol, gallai fod yn bosibl i chi astudio’n rhan-amser. Gweler ein tudalen astudiaethau rhan-amser a fisâu am ragor o wybodaeth.

Myfyrwyr presennol: Mae gwybodaeth bellach am eich costau ffioedd ar ein tudalen ffioedd dysgu.

Costau Ychwanegol

Nid yw ffioedd dysgu’r MSc drwy Ymchwil yn cynnwys costau a ddaw ar y myfyriwr yn bersonol megis prynu llyfrau a nwyddau papur, argraffu na chostau llungopïo.

Strwythur y cwrs

Fel arfer cwrs blwyddyn llawn-amser, dwy neu dair blynedd yn rhan amser. Prosiect ymchwil unigol yw hwn, wedi’i ysgrifennu mewn traethawd hir o 30,000 gair.

Asesu

Cyflwynir traethawd hir nad yw’n hwy na 30,000 o eiriau, sy’n dangos ymchwil gwreiddiol sy’ cyfrannu’n sylweddol i’r pwnc. Yna, asesir hyn drwy arholiad viva voce gan arholwr mewnol ac allanol.

Cysylltiadau â diwydiant

Mae staff academaidd Peirianneg Feddygol wastad wedi bod â pherthynas dda gyda sefydliadau diwydiannol, a'r rheini yw cyrchfan ein graddedigion peirianneg feddygol. Mae'r mewnbwn diwydiannol yn amrywio o ymweliadau â safleoedd i seminarau a gyflwynir gan ein cysylltiadau clinigol.

Mae'r ffaith bod Prifysgol Abertawe yn agos at ddau o'r Ymddiriedolaethau GIG mwyaf y tu allan i Lundain yn cynnig cyfle i wneud ymchwil cydweithredol hefyd.

Adnoddau

Mae’r Ganolfan Nanoiechyd sy’n werth £22 miliwn yn adnodd unigryw sy’n uno peirianneg a meddygaeth a bydd yn gartref i ystafell lân micro-nanowneuthuriad unigryw wedi’i phlannu mewn labordy ymchwil fiolegol gyda mynediad uniongyrchol i adnoddau ymchwil clinigol sy’n cael eu rhedeg gan glinigwyr GIG lleol.

Dysgwch ragor am yr adnoddau a ddefnyddir gan fyfyrwyr Peirianneg Feddygol ym Mhrifysgol Abertawe.

Ymchwil

Rhoddodd Ymarferiad Asesu Ymchwil 2008 Beirianneg yn Abertawe yn yr 8fed lle yn y DU ar sail y sgôr cyfunol ar gyfer ymchwil ar draws disgyblaethau Peirianneg.

Ymchwil Gorau’r Byd

Yn ôl yr Ymarferiad Asesu Ymchwil, mae 73% o'r ymchwil a gynhyrchir gan staff academaidd ar flaen y gad yn fyd-eang (4*) neu'n ardderchog (3*) yn rhyngwladol.

Mae ymchwil arloesol y Coleg Peirianneg ym Mhrifysgol Abertawe yn adeiladu ar arbenigedd y staff academaidd yn yr adran. Mae'r ymchwil amlddisgyblaethol arloesol hwn yn goleuo ein haddysgu o safon fyd-eang, ac mae sawl aelod o'r staff ar flaen y gad yn eu meysydd.