Ar y tudalennau hyn cewch wybodaeth am wneud cais am raglen ôl-raddedig ym Mhrifysgol Abertawe, gan gynnwys yr hyn sy'n digwydd ar ôl i chi wneud cais, pan fyddwch wedi cael cynnig, sut i dderbyn eich cynnig ac sut i gwrdd ag amodau eich cynnig.

Gwneud cais ar-lein yw’r ffordd gyflymaf i wneud cais a chael penderfyniad ar eich cais. Gallwch lwytho eich dogfennau drwy gyfrwng y system ar-lein a fydd yn ein galluogi i wneud penderfyniad ar eich cais yn gyflymach.

Ceir gofynion mynediad penodol ar gyfer graddau ôl-raddedig ar dudalennau rhaglenni’r Colegau unigol.

Nodwch os gwelwch yn dda bod gan y cyrsiau canlynol brosesau gwahanol ar gyfer gwneud cais:

• Rhaid cyflwyno ceisiiadau ar gyfer y Diploma mewn Ymarfer Cyfreithiol (LPC) a'r Diploma Ôl-raddedig yn y Gyfraith (CPE) trwy gyfrwng y Bwrdd Derbyniadau Canolog (CAB).
• Ewch i wefan ICWS -Coleg Rhyngwladol Cymru Abertawe - i wneud cais am raglen Gyn-Feistr.
• Rhaid i geisiadau am MSc ym Mecaneg Cyfrifiannol (Erasmus Mundus) gael eu cyflwyno i'n sefydliad partner, Universitat Politecnica Catalunya yn Barcelona, Sbaen.
• Rhaid i geisiadau am MA mewn Newyddiaduraeth, y Cyfryngau a Globaleiddio (Erasmus Mundus) gael eu gyflwyno i'n sefydliad partner, Prifysgol Aarhus yn Nenmarc.