Gweinyddu Busnes, MBA

Mae'r rhaglen MBA yn seiliedig ar y rhyngweithio rhwng damcaniaeth ac ymarfer. Bydd yn rhoi gwerthfawrogiad beirniadol i chi o werthoedd dynol yng nghyd-destun busnes a rheoli drwy ystod o fodiwlau; mae rhai mewn meysydd academaidd ac mae eraill wedi'u hysbrydoli'n uniongyrchol gan ofynion ymarferol.

Cyflwynir y modiwlau sy'n llunio'r MBA i fyfyrwyr amser llawn dros dri bloc addysgu.

Fel arfer bydd gan ymgeiswyr dair blynedd o brofiad diwydiannol perthnasol.

Mae hefyd yn ofynnol bod gan fyfyrwyr radd israddedig neu gyfwerth gydag o leiaf radd 2:1.

Rhaid i ymgeiswyr nad ydynt yn siaradwyr Saesneg brodorol gyflawni sgôr o 6.5 neu uwch yn yr IELTS neu brawf cyfwerth, heb ennill llai na 5.5 mewn unrhyw elfen.

Fel rhan o'r broses gwneud cais, bydd aelod o'r cyfleuster, fel arfer cyfarwyddwr y cwrs, yn cysylltu â chi i drafod eich profiad gwaith a pha mor addas rydych chi ar gyfer y cwrs.

Noder: Wrth ymgeisio, bydd rhaid i fyfyrwyr ychwanegu eu CV a chyflenwi tystlythyr proffesiynol/cyflogaeth.

Mae athroniaeth ein rhaglen yn cyfuno damcaniaeth feirniadol â chyfeiriad proffesiynol i'ch herio i feddwl yn feirniadol am drefnu ar gyfer newidiadau byd-eang mewn cyd-destunau lleol. Mae'r athroniaeth hon yn eich ysbrydoli i ddefnyddio dulliau dysgu ac addysgu sy'n hwyluso ac yn eich galluogi i ddangos eich dealltwriaeth o wybodaeth – ar eich pen eich hun ac ar y cyd.

Fel rhan o asesiad y rhaglen, byddwch yn gwneud cyflwyniadau ffurfiol, yn ysgrifennu adroddiad cleientiaid ac yn cwblhau dogfen myfyriol hefyd.

Dim darpariaeth

Yn anffodus, does dim darpariaeth cyfrwng Cymraeg ffurfiol ar y cwrs hwn ar hyn o bryd. Os hoffet ti roi gwybod i ni bod gennyt ddiddordeb mewn dilyn elfen o'r cwrs trwy gyfrwng y Gymraeg yna e-bostia astudio@abertawe.ac.uk i nodi hynny gan nodi'r flwyddyn mynediad ac fe wnawn ein gorau i weld beth sy'n bosib.

Er nad yw'r cwrs hwn yn darparu cynnwys academaidd trwy'r Gymraeg ar hyn o bryd, mae'r Brifysgol yn gallu darparu'r canlynol ar dy gyfer, ac mae cefnogaeth ar gael i ti trwy Academi Hywel Teifi:

• Cyfweliad trwy gyfrwng y Gymraeg wrth wneud cais am le.
• Gohebiaeth bersonol yn Gymraeg, yn Saesneg neu'n ddwyieithog.
• Cyfle i lunio a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os wyt ti wedi dewis astudio yn Saesneg), a bydd dy waith yn cael ei asesu yn Gymraeg.
• Tiwtor Personol Cymraeg ei iaith.
• Cefnogaeth un i un i wella dy sgiliau Cymraeg academaidd.
• Cyfle i ennill cymhwyster ychwanegol sy'n dystiolaeth o dy allu yn y Gymraeg i gyflogwyr y dyfodol.
• Aelodaeth o Gangen Prifysgol Abertawe o'r Coleg Cymraeg Cenedlaethol.

Cer i'r dudalen Mae Gen i Hawl am wybodaeth bellach am hawliau myfyrwyr.

Mae Ysgol Reolaeth Prifysgol Abertawe yn un o Bartneriaid Addysg Uwch cymeradwy'r Sefydliad Rheoli Siartredig (CMI). Ar ôl cwblhau’r MBA yn llwyddiannus, byddwch yn gymwys ar gyfer Tystysgrif Lefel Saith CMI mewn Rheoli ac Arwain Strategol.

Am ragor o wybodaeth, ewch i'n tudalen .

Beth yw cwrs achrededig?
Un sydd wedi cael ei gymeradwyo gan gorff proffesiynol perthnasol am ei fod yn bodloni safonau ansawdd y corff hwnnw. Mae'n amlygu cysylltiad agos rhwng diwydiant a'ch cwrs, gan sicrhau bod ymarfer arloesol o'r byd go iawn yn rhan o'ch astudiaethau. Mae cyrsiau achrededig yn cyfrif tuag at gymwysterau proffesiynol, a gallant ddarparu llwybr carlam i'r yrfa rydych yn anelu ati.

Pa fanteision mae achrediad proffesiynol yn eu cynnig?
- Cychwyn Cadarn: Bydd graddau sydd wedi'u hachredu'n broffesiynol yn eich eithrio o gymwysterau/arholiadau proffesiynol cynnar, sy'n golygu y cewch hwb ar ddechrau'ch gyrfa.
- Cymorth: Cofrestrwch am aelodaeth myfyriwr a dechrau manteisio ar gymorth gan gorff proffesiynol, yn ogystal â chysylltiadau â chymheiriaid ac arbenigwyr. Mae'n edrych yn dda ar eich CV ac mae'n helpu i'ch paratoi am gyflogaeth. 

SYLWER:
Mewn llawer o broffesiynau, nid yw astudio ar gwrs achrededig ond yn gam cyntaf at gymhwyso'n llawn.
Gallwch gysylltu â'r cyrff proffesiynol perthnasol i holi am ofynion penodol eraill.

byddwch yn cael eich addysgu gan dîm o academyddion profiadol o gefndiroedd ymchwil, academaidd a phroffesiynol. mae eu gwybodaeth a'u harbenigedd helaeth yn berthnasol iawn i gynnwys y modiwl sy'n cael ei addysgu, gan sicrhau eich bod yn dysgu'r wybodaeth ddiweddaraf a mwyaf perthnasol a'ch bod yn datblygu'r wybodaeth, y sgiliau proffesiynol a'r arbenigedd angenrheidiol i lansio'ch gyrfa ym maes rheoli.

cewch fwy o wybodaeth am ein staff academaidd drwy ddarllen ein proffiliau staff.

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Mae'r Ysgol Reolaeth hefyd yn cynnig Ysgoloriaethau Datblygu Dyfodol ar gyfer myfyrwyr ôl-raddedig (a addysgir) sydd wedi derbyn cynnig i astudio yn yr Ysgol Reolaeth. 

Mae'r ysgoloriaeth yn annog myfyrwyr i ddatblygu nifer o sgiliau proffesiynol wrth iddynt weithio gyda'r Ysgol drwy gydol y flwyddyn academaidd.

Sylwer: Mae ysgoloriaeth rannol yn seiliedig ar deilyngdod gwerth £4,000 ar gael ar gyfer y dyfarniad hwn. Nid yw ffurflen gais yn angenrheidiol. Bydd ymgeiswyr llwyddiannus yn cael eu hysbysu'n fuan ar ôl y dyddiad cau. E-bostiwch fhss-scholarships@swansea.ac.uk gydag unrhyw ymholiadau.

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Mae gan Ysgol Reolaeth Prifysgol Abertawe dîm Cyflogadwyedd ymroddedig i ddiwallu'ch anghenion chi fel myfyriwr rheolaeth. Mae’r gwasanaeth hwn yn sicrhau bod eich dyheadau o ran gyrfa a chyflogadwyedd yn cael eu hyrwyddo ac yn parhau i fod yn ffocws pwysig drwy gydol eich astudiaethau. Dyma eich tîm gyrfaoedd pwrpasol fel myfyriwr yn yr Ysgol Reolaeth, a chewch hyd iddynt yn yr adeilad ar ba bynnag adeg y bydd angen eu cymorth arnoch. Gallwch drefnu apwyntiadau un i un a galw heibio gydag ymholiadau.

Gall cymorth gynnwys:

• Gwella eich rhwydwaith proffesiynol a chwrdd â chyflogwyr
• Dechrau ar LinkedIn neu fireinio eich presenoldeb proffesiynol ar-lein
• Llywio’ch ffordd drwy sefyllfaoedd, sgyrsiau a thrafodaethau telerau yn y gwaith
• Cymorth wrth wneud cais am swyddi
• Cynllunio datblygiad gyrfaol
• Cyfleoedd cysgodi
• Cyfleoedd i fentora a chael eich mentora
• Ymuno â rhwydwaith fyd-eang o gyn-fyfyrwyr

Nid yw cymorth am yrfaoedd yn dod i ben pan fyddwch yn graddio o’ch rhaglen MBA. Byddwch yn gallu manteisio ar ystod eang o fuddion o hyd gan gynnwys cyfweliadau gyrfaoedd un i un, cyngor drwy e-bost a LinkedIn, digwyddiadau rhwydweithio ac arweiniad o ran datblygiad proffesiynol parhaus am hyd at bum mlynedd ar ôl i chi raddio.

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Dylech wneud cais drwy system ymgeisio fewnol y Brifysgol.

I gael rhagor o gyngor, ewch i’n tudalennau sut i wneud cais ar gyfer astudio ôl-radd.

Sylwer: Pan fydd myfyrwyr yn gwneud cais, rhaid iddynt atodi eu CV a darparu geirda proffesiynol/cyflogaeth, h.y.: 

• CV manwl – 3+ blynedd diweddaraf o’ch hanes cyflogaeth, gan amlinellu manylion cyfrifoldebau pob rôl yn eglur
• Geirda swyddogol gan eich cyflogwr presennol (neu ddiweddaraf)

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.