• Addysgir ein holl fodylau gan ein cyfadran o’r radd flaenaf sydd ag amrediad o wybodaeth ddiwydiannol ac academaidd.
• 93% o fyfyrwyr Abertawe wedi’u cyflogi chwe mis ar ôl graddio
• Mynediad at ein hystafell fenter newydd er mwyn helpu myfyrwyr i ddechrau eu busnes eu hunain
• Amser cyswllt uchel – mae pob modiwl yn cynnwys darlith (mewn dosbarthiadau o 150 o fyfyrwyr ar y mwyaf) a seminar/tiwtorial (mewn dosbarthiadau o 30 o fyfyrwyr ar y mwyaf) pob wythnos
• Cyfleusterau wedi’u hadnewyddu’n llwyr – rydym wedi buddsoddi hanner miliwn o bunnoedd mewn adnewyddu cyfleusterau’r myfyrwyr yn ddiweddar.
• Mae ysgoloriaethau ar gael i fyfyrwyr rhagorol – cliciwch yma am ragor o fanylion. 

Ymwadiad: Gall opsiynau dethol modiwlau yn newid.

Mae amlinelliad o’r rhaglen lawn ar gael i’w lawr lwytho yma.  Rydym yn diweddaru ac yn gwella’n catalog o raglenni’n barhaus, felly bydd yr union fodylau a fydd ar gael yn amrywio o flwyddyn i flwyddyn. 

Rhaid i fyfyrwyr ennill 2:2 (neu gymhwyster tramor cyfwerth) mewn gradd israddedig. Bydd unrhyw bwnc gradd yn cael ei ystyried.

Rydym yn ystyried pob cais yn unol â’i deilyngdod ac yn edrych ar bob cais unigol cyn cyflwyno cynnig, felly dylai myfyrwyr sydd ychydig yn brin ar y meini prawf uchod barhau i ymgeisio i’r Ysgol Reolaeth.

Rhaid i siaradwyr Saesneg ail iaith gyflawni sgôr gyffredinol IELTS o 6.0 heb unrhyw gydran yn is na 5.5. Rhoddir rhestr o brofion cyfwerth yma. Os ydych wedi astudio gradd israddedig trwy gyfrwng y Saesneg efallai byddwch wedi’ch neilltuo o’r gofyniad hwn – cliciwch yma am wybodaeth bellach.

Rydym yn cynnig ystod o raglenni hyfforddi Cyn Gradd Meistr i fyfyrwyr sy’n methu’r gofyniad iaith Saesneg yn unig y gallwch ymgymryd â nhw cyn dechrau’ch Gradd Meistr. Mae manylion pellach ar gael yma.

Rydym yn cynnig rhaglen Cyn Gradd Meistr trwy Goleg Rhyngwladol Cymru Abertawe i fyfyrwyr sy’n methu’r gofyniad mynediad cyffredinol yn sylweddol, a fydd yn rhoi mynediad at ein rhaglenni ôl-raddedig. Cliciwch yma am ragor o fanylion.

I ymgeisio ar gyfer y rhaglen hon, dilynwch y ddolen isod a chewch eich tywys i system ymgeisio ganolog y Brifysgol:

Gwneud Cais

Nodwch fod rhaid i fyfyrwyr o Pakistan neu Nigeria ymgeisio trwy ein rheolwyr yn y wlad yn unig. Ewch i adrannau ‘sut i ymgeisio’ ar dudalennau’r wlad am fanylion cyswllt: Affrica neu Pakistan.

Y ffioedd dysgu blynyddol ar gyfer blwyddyn academaidd 2018/19 fydd:

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr rhyngwladol ac astudiaethau rhan-amser: Bellach mae'n bosibl i rai myfyrwyr astudio'n rhan-amser o dan lwybr fisa Haen 4. Mae hyn yn dibynnu ar ffactorau sy'n ymwneud â'r cwrs a'ch sefyllfa unigol. Efallai y bydd yn bosibl astudio gyda ni hefyd os ydych chi eisoes yn y DU o dan gategori fisa gwahanol. Ewch i wybodaeth y Brifysgol am Visas a Mewnfudo am arweiniad a chefnogaeth bellach.

Myfyrwyr presennol: Mae gwybodaeth bellach am eich costau ffioedd ar ein tudalen ffioedd dysgu.

Nid yw'r ffioedd dysgu yn talu am brynu llyfrau nac offer swyddfa, argraffu, rhwymo traethodau na chostau llungopïo.

Ni phennwyd costau ychwanegol gorfodol ar gyfer y cwrs hwn.

Mae gennym hanes ardderchog o leoli ein graddedigion gyda chwmnïau rhyngwladol mawr a’n cyfradd cyflogi graddedigion yw 92%.

O’r funud yr ydych yn cyrraedd yr Ysgol Reolaeth byddwn yn gweithio gyda chi er mwyn eich helpu i feithrin sgiliau a’ch profiad er mwyn cyfoethogi’ch cyfleoedd gyrfa. Tra byddwch gyda ni, cewch gyfle i:

Fynd ar leoliad gwaith neu swydd breswyl trwy Rwydwaith Swyddi Preswyl â Thâl Abertawe (SPIN) neu’r fenter ‘Wythnos o Waith’.

Gweithio a rhwydweithio â chyflogwyr o ystod o gwmnïau cenedlaethol a rhyngwladol trwy ein rhaglen o siaradwyr gwadd.

Yn unol â’r Swyddfa Datblygu Ryngwladol, ymgymryd â swydd breswyl yn India, gyda chwmni megis GE, Thomson Reuters, 3M, Private Equity neu Kanvic Consulting

Rhoi hwb i’ch sgiliau a chwrdd â chyflogwyr yn ystod ein Hwythnos Cyflogadwyedd sy’n digwydd ddwywaith y flwyddyn.

Cyflawni Gwobr Cyflogadwyedd Abertawe

Cymryd rhan mewn un o’n heriau a’n cystadlaethau i’r myfyrwyr, megis yr Her Brandio, a chystadleuaeth myfyrwyr ‘Brolio’ y Sefydliad Siartredig Marchnata

Mae Campws y Bae mewn lleoliad eithriadol ar ochr ddwyreiniol Abertawe, gyda mynediad uniongyrchol i’r traeth a’i bromenâd glan-y-môr ei hun. Mae’r campws yn cynnig llety modern a golau i fyfyrwyr, gan gynnwys ystafelloedd safonol a phremiwm, ystafelloedd dau wely ac ystafelloedd sy’n hygyrch i gadeiriau olwyn.

Mae adeiladau ac adnoddau’r campws yn cynnwys:

• Gwasanaethau cymorth canolog i fyfyrwyr yng Nghanolfan Wybodaeth y Tŵr
• Llyfrgell a chanolfan adnoddau fodern
• Undeb y myfyrwyr
• Y Neuadd Fawr – gan gynnwys Awditoriwm Stanley Clarke, theatrau darlithoedd, a chaffi sy’n cynnig golygfeydd bendigedig ar draws Bae Abertawe

Darpariaeth arlwyo a bwyd eang, gan gynnwys caffeterias, bar, archfarchnad, tŷ golchi a phwyntiau codi arian. Mae hyn i gyd yn ogystal â chyfleusterau chwaraeon hamdden a thraeth i bawb ei fwynhau.

I gael rhagor o wybodaeth am yr hyn sydd ar gael i chi ar Gampws y Bae, ewch i'r dudalen lleoliad a chyfleusterau.

Am ragor o wybodaeth am y rhaglen hon, cysylltwch â’n tîm recriwtio:

Ffôn: +44 (0)1792 295601 

E-bost: SoMpostgrad@swansea.ac.uk