LLB mewn Cyfraith Masnachu Rhyngwladol

Trosolwg Cwrs

Mae’r LLM mewn Cyfraith Masnachu Rhyngwladol yn canolbwyntio ar faterion penodol yn ymwneud â Masnachu Rhyngwladol. Mae’r rhaglen yn edrych ar y materion cyfreithiol a masnachol sy’n gysylltiedig â chytundebau gwerthu rhyngwladol; eu ffurfiant, trefnu cludo’r nwyddau, ac yn olaf, datrys unrhyw anghydfodau rhyngwladol a all godi.

Byddwch yn meithrin dealltwriaeth fanwl o Gyfraith Masnachu Rhyngwladol, a fydd yn gyfrwng gwych i gael gyrfa yn y maes ymarfer cyfreithiol neu broffesiwn arall, er enghraifft, addysg, diwydiant, masnach, cyllid neu gymrodeddu.

Nodweddion Allweddol

Astudiwch eich LLM yn Abertawe a byddwch yn elwa o:

  • Awyrgylch academaidd ffyniannus sydd wedi ymrwymo i ragoriaeth mewn addysgu ac ymchwil – mae 96% o’r myfyrwyr yn fodlon iawn gydag ansawdd dysgu cwrs LLM Abertawe a dywedodd 97% fod y gefnogaeth academaidd a gawsant wrth gwblhau eu cwrs LLM yn rhagorol  (Arolwg o Brofiadau Ôl-raddedigion a Addysgir2018)
  • Profiad rhagorol i’r myfyrwyr – mae gan fyfyrwyr LLM ym Mhrifysgol Abertawe raddfa fodlonrwydd gyffredinol o 98% - ffigur sy’n uwch o lawer na chyfartaledd y DU (Arolwg Cyrsiau Ôl-radd a Addysgir 2018)
  • Awyrgylch proffesiynol ond cyfeillgar gyda chefnogaeth fugeiliol ragorol
  • Dosbarthiadau Saesneg am ddim, sy’n denu myfyrwyr o bedwar ban byd, gan sicrhau cymuned fyrlymus ac amrywiol
  • Darlithoedd arloesol wedi eu dylunio gan academyddion sy’n ysgolheigion blaenllaw yn eu maes
  • Gweithgareddau allgyrsiol gan gynnwys cystadlaethau ffug lysoedd ac ysgolion haf dramor
  • Rhaglen gyflogadwyedd ragorol – mae gan raglenni LLM Abertawe gysylltiadau agos â phartneriaid ledled y byd, gan sicrhau bod graddedigion mewn sefyllfa dda yn y farchnad waith.
  • Eithriad o ofynion lefel 2 aelodaeth CIArb, sy’n eich galluogi i ymgeisio am lefel Aelod y Sefydliad (MCIArb) ar ôl cwblhau’r modiwl Cymrodeddu Masnachol Rhyngwladol

Modiwlau

Ymwadiad: Gall opsiynau dethol modiwlau yn newid.

LLM 1 Blwyddyn Full-time

Blwyddyn 1 (Lefel 7 PGT)

FHEQ 7 Taught Masters / PGDip / PGCert

Mae myfyrwyr yn dewis 120 o gredydau o'r opsiynau canlynol:

Modiwlau Gorfodol

Heb ganfod dim.

Modiwlau Opsiynol

Blwyddyn 2 (Lefel 7 PGT)

FHEQ 7 Taught Masters Dissertation
Modiwlau Gorfodol

Heb ganfod dim.

LLM 3 Blwyddyn Part-time

Blwyddyn 1 (Lefel 7 PGT)

FHEQ 7 Taught Masters / PGDip / PGCert

Mae myfyrwyr yn dewis 60 o gredydau o'r opsiynau canlynol:

Modiwlau Gorfodol

Heb ganfod dim.

Modiwlau Opsiynol

Blwyddyn 2 (Lefel 7 PGT)

FHEQ 7 Taught Masters / PGDip / PGCert

Mae myfyrwyr yn dewis 60 o gredydau o'r opsiynau canlynol:

Modiwlau Gorfodol

Heb ganfod dim.

Modiwlau Opsiynol

Blwyddyn 3 (Lefel 7 PGT)

FHEQ 7 Taught Masters Dissertation
Modiwlau Gorfodol
Cod y ModiwlSemesterCredydauEnw'r Modiwl
LA-M02ASemester 3 (Summer Taught)60LLM Research Projects

Disgrifiad

Mae’r cwrs Meistr hwn yn y Cyfreithiau yn un modiwlaidd, ac mae angen i fyfyrwyr ennill 180 credyd i raddio.

Mae dwy ran i’r rhaglen:

  • Mae rhan 1 yn cynnwys pedwar modiwl, gyda phob un yn werth 30 credyd
  • Rydym ni’n cynnig ystod eang o fodiwlau llawn (a addysgir o fis Medi tan fis Mai/Mehefin) – yn rhan o’r radd hon gallwch astudio’r modiwlau canlynol (mae’n rhaid ichi ddewis o leiaf 2 o’r modiwlau gyda (*): Cyfraith Masnachu Rhyngwladol(*); Cyfraith ac Ymarfer yn ymwneud â Bancio Rhyngwladol a Thaliadau Masnachol(*); Partïon Siarter: Cyfraith ac Ymarfer(*);Yswiriant Morol; E-Fasnach; Cymrodeddu Masnachol Rhyngwladol.

Ar ôl cwblhau’n llwyddiannus y modiwlau sy’n cael eu haddysgu, gall myfyrwyr fynd ymlaen i ran 2:

  • Mae ail ran y cwrs LLM hwn yn cynnwys dau brosiect ymchwil
  • Fel arfer caiff y prosiectau eu hymchwilio a’u hysgrifennu dros gyfnod yr haf, ac fe’u cynlluniwyd i helpu myfyrwyr i ddatblygu eu sgiliau ymchwil

Gofynion Mynediad

Y gofynion mynediad ar gyfer y cwrs LLM hwn mewn Cyfraith Masnachu Rhyngwladol yw gradd anrhydedd 2:2 dda, yn ddelfrydol mewn disgyblaeth gysylltiedig. Anogir ymgeiswyr sydd â phrofiad perthnasol i wneud cais hefyd. Rydym ni’n croesawu ceisiadau gan fyfyrwyr o bedwar ban byd ac mae angen tystiolaeth o astudiaethau blaenorol sy’n gyfwerth â’r gofynion mynediad.

Os nad y Saesneg yw eich iaith gyntaf, bydd angen ichi lwyddo gyda sgôr derbyniol mewn cymhwyster iaith Saesneg cymeradwy. Rydym ni’n ystyried ystod eang o gymwysterau, gan gynnwys Prawf Saesneg Prifysgol Abertawe, prawf IELTS y Cyngor Prydeinig (gyda sgôr o ddim llai na 6.5, a 6.0 ym mhob cydran) a TOFEL (gyda sgôr o 88 o leiaf a dim llai na’r sgoriau hyn - Gwrando: 21, Darllen: 22, Siarad: 23, Ysgrifennu: 21).

Mae dosbarthiadau iaith Saesneg ar gael am ddim ac maent wedi eu dylunio i’ch helpu i wella eich sgiliau meddwl cyfreithiol beirniadol a’ch ysgrifennu.

Sut i Wneud Cais

Ymgeisiwch ar-lein lle mae modd ichi weld cynnydd eich cais ym mhob cam o’r broses ac argraffu eich llythyr penderfyniad.

Am ragor o wybodaeth ynghylch sut i ymgeisio drwy e-bost neu drwy’r post, ewch i’n tudalen Sut i wneud cais

Ffioedd Dysgu

Y ffioedd dysgu blynyddol ar gyfer blwyddyn academaidd 2018/19 fydd:

D.U./U.E. Rhyngwladol
LLM Llawn-amser £6,850 £15,000
LLM Rhan-amser £3,450 £7,500
LLM Rhan-amser £2,300 £5,000

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr rhyngwladol ac astudiaethau rhan-amser: Os ydych angen fisa myfyriwr Haen 4 mae’n rhaid i chi fod yn astudio’n llawn-amser. Os ydych yn y Deyrnas Unedig dan gategori fisa gwahanol, gallai fod yn bosibl i chi astudio’n rhan-amser. Gweler ein tudalen astudiaethau rhan-amser a fisâu am ragor o wybodaeth.

Myfyrwyr presennol: Mae gwybodaeth bellach am eich costau ffioedd ar ein tudalen ffioedd dysgu.

Costau Ychwanegol

Gall costau ychwanegol ddod i ran myfyrwyr yn ystod cwrs y rhaglen, nad yw’r ffioedd dysgu yn talu amdanynt. Gall y rhain gynnwys, ond nid ydynt yn gyfyngedig i: ddeunydd ysgrifennu, llyfrau, argraffu, rhwymo traethodau a chostau llungopïo.

Ffioedd ac Ariannu

Mae’n bosib y bydd benthyciadau, bwrsariaethau a ffynonellau eraill o gyllid ar gael. Ewch i’n tudalen Ffioedd ac Ariannu am ragor o wybodaeth.

Addysgu ac Asesu

Caiff myfyrwyr eu haddysgu mewn grwpiau bychain i annog trafodaeth fywiog. Ategir yr addysgu gan ein hamgylchedd dysgu rhithwir, Blackboard, sy'n hwyluso dysgu ar-lein. Mae hyn hefyd yn golygu y gall myfyrwyr gael mynediad at ddeunydd cwrs a mannau ar y cyd ar gyfer gwaith a thrafodaethau grŵp.

Caiff pob modiwl LLM ei asesu drwy ddefnyddio cyfuniad o waith cwrs ac arholiadau, gyda phob un yn werth 50% yr un.

Gyrfaoedd a Chyflogadwyedd

Mae gwella cyflogadwyedd ein myfyrwyr yn flaenoriaeth allweddol. Er mwyn gwneud hyn, rydym ni’n trefnu nifer o fentrau ar gyfer myfyrwyr LLM:

  • Gwybodaeth gyflogadwyedd bersonol gan Swyddogion Cyflogadwyedd penodol
  • Cyfres o ddarlithoedd gan ddarlithwyr gwadd i roi blas i fyfyrwyr ar weithio yn y maes
  • Cystadlaethau ffug lysoedd
  • Ffair yrfaoedd flynyddol LLM, sy’n rhoi cyfle i fyfyrwyr gwrdd â chynrychiolwyr o gwmnïau cyfreithiol lleol a rhyngwladol
  • Digwyddiadau rhwydweithio ac ymweliadau â’r cwmnïau mwyaf blaenllaw yn Ninas Llundain.

Am ragor o wybodaeth, ewch i’n tudalen we Cyflogadwyedd LLM

Manylion Cyswllt

Yr Athro B. Soyer (Tiwtor Mynediad Cyrsiau Meistr wedi eu dysgu)

Ffôn: +44 (0)1792 295125

E-bost: LLM@swansea.ac.uk

 

 

 

Cwrdd â’n myfyrwyr - Didem

Didem Dogan (Twrci)

Didem Dogan

Cwblhaodd Didem ei LLM mewn Cyfraith Masnachu Rhyngwladol ac mae hi bellach yn cael ei chyflogi yn Ymgynghorydd Cyfreithiol/Atwrnai yng nghyfraith yng nghwmni K&P Legal Law Firm, un o’r cwmnïau cyfraith masnachol mwyaf blaenllaw yn Nhwrci. Mae ei gwaith yn cynnwys cynghori cleientiaid cartref a thramor ar amryw o faterion, ynghyd â rhoi cyngor cyfreithiol i gwmnïau Twrcaidd ynglŷn ag ehangu eu busnesau dramor. Mae Didem hefyd yn gyfrifol am ddrafftio ac archwilio cytundebau, gan gynnwys: cytundebau masnach rhyngwladol (Incoterms), cytundebau gwerthu, mentrau ar y cyd, cytundebau rhanddeiliaid, cytundebau cludiant a chytundebau asiantaeth.