Cyfraith Fasnach Ryngwladol, LLM

Fel rhan o'r radd hon, gall myfyrwyr astudio'r modiwlau canlynol (rhaid i chi ddewis o leiaf 2 o'r modiwlau mewn print du):

• Cyfraith Masnach Ryngwladol, Cyfraith ac Ymarfer sy'n gysylltiedig â Bancio a Thaliadau Masnachol Rhyngwladol, Siarteri Llogi Llongau: Cyfraith ac Ymarfer, Yswiriant Morol, E-fasnach a Chyflafareddu Masnachol Rhyngwladol.

Wrth i’r astudiaeth yma ar LLM barhau drwy’r haf, bydd angen i fyfyrwyr gofrestru ar gyfer yr ail flwyddyn academaidd er mwyn cyflwyno eu prosiectau ymchwil.

Y gofyniad mynediad ar gyfer y rhaglen LLM hon mewn Cyfraith Masnach Ryngwladol yw gradd anrhydedd 2:2, yn ddelfrydol mewn disgyblaeth berthnasol Caiff ymgeiswyr â phrofiad perthnasol hefyd eu hannog i wneud cais.

Caiff ymgeiswyr â phrofiad perthnasol hefyd eu hannog i wneud cais.

Rydym yn croesawu ceisiadau gan fyfyrwyr o bob cwr o'r byd ac yn gofyn am dystiolaeth o astudiaethau blaenorol sy'n cyfateb i'r gofynion mynediad.

Os nad Saesneg yw eich iaith gyntaf, bydd angen marc llwyddo derbyniol arnoch mewn cymhwyster Saesneg cymeradwy megis prawf IELTS, gyda sgôr 6.5 (â sgôr o 6.0 o leiaf ym mhob elfen) neu gymhwyster cyfatebol.

Mae dosbarthiadau Saesneg ar gael am ddim sydd wedi'u cynllunio i'ch helpu i wella eich sgiliau meddwl yn feirniadol mewn sefyllfaoedd cyfreithiol a'ch sgiliau ysgrifennu.

Mae cyrsiau cyn-sesiynol ar gael yn awr ar gyfer cyrsiau ôl-raddedig a ddysgir yn y Gyfraith.

Addysgir y cwrs y bennaf ar y campws, lle mae darlithwyr a myfyrwyr yn bresennol yn yr ystafell addysgu. Gallai fod achlysuron pan fydd yr addysgu yn cael ei gyflwyno ar-lein (drwy Zoom), ond bydd hyn fel arfer ar gyfer darlithwyr gwadd nad ydynt yn Abertawe (neu yn y DU hyd yn oed). 

Bydd darlithwyr gwahanol yn defnyddio dulliau addysgu gwahanol, gallai'r rhain gynnwys:

• Darllen dan arweiniad
• Arweiniad ynghylch paratoi ar gyfer darlithoedd 
• Arweiniad ynghylch paratoi ar gyfer seminarau
• Darlithoedd byw yn yr ystafell ddosbarth (neu ar-lein)
• Cyfranogi mewn darlithoedd (Holi ac Ateb, trafodaeth)
• Cyfranogi mewn gwaith grŵp
• Deunyddiau wedi'u recordio
• Cwisiau
• Cwestiynau hunan brofi

Dysgwch am sut y cewch eich addysgu gyda’n dogfen Diffiniadau Dysgu ac Addysgu

Rhywfaint o ddarpariaeth

Darperir rhai elfennau o'r cwrs ôl-raddedig hwn trwy gyfrwng y Gymraeg ond nid oes digon o ddarpariaeth eto i gyrraedd 40 credyd ym mhob blwyddyn. Gall Cyfarwyddwr Rhaglen amlinellu union natur y ddarpariaeth cyfrwng Cymraeg.

Mae Academi Hywel Teifi yma i'th gefnogi trwy gydol dy amser ym Mhrifysgol Abertawe. Rydym yn cynnig:

• Mynediad at ysgoloriaethau a bwrsariaethau ar gyfer astudio trwy gyfrwng y Gymraeg.
• Mynediad at ap Arwain er mwyn derbyn y diweddaraf am ein cyrsiau a'n modiwlau cyfrwng Cymraeg. Gelli lawrlwytho'r ap am ddim drwy'r App Store a Google Play.
• Cyfweliad trwy gyfrwng y Gymraeg wrth wneud cais am le.
• Gohebiaeth bersonol yn Gymraeg, yn Saesneg neu'n ddwyieithog.
• Cyfle i lunio a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os wyt ti wedi dewis astudio yn Saesneg), a bydd dy waith yn cael ei asesu yn Gymraeg.
• Tiwtor Personol Cymraeg ei iaith.
• Cefnogaeth un i un i wella dy sgiliau Cymraeg academaidd.
• Cyfle i ennill cymhwyster ychwanegol sy'n dystiolaeth o dy allu Cymraeg i gyflogwyr y dyfodol.
• Aelodaeth o Gangen Prifysgol Abertawe o'r Coleg Cymraeg Cenedlaethol.

Cer i'r dudalen Mae Gen i Hawl am wybodaeth bellach am hawliau iaith Gymraeg myfyrwyr.

Bydd parhau i astudio trwy'r Gymraeg yn:

• ddatblygiad naturiol i ti os wyt ti wedi astudio trwy'r Gymraeg ar lefel israddedig.
• ffordd o sicrhau dy gyfle i gael yr addysg orau.
• ffordd o dderbyn lefel uchel o gefnogaeth wrth i'r grwpiau astudio fod yn llai.
• ychwanegiad gwerthfawr i dy CV a dy ddatblygiad gyrfaol.

Mae ein graddau ôl-raddedig yn cynnig y cyfle i chi ddysgu gan academyddion sy'n arbenigwyr yn y diwydiant ac sy'n meddu ar brofiad academaidd ac ymarferol cyfoethog. Mae Ysgol y Gyfraith Hillary Rodham Clinton yn gartref i gymuned academaidd fywiog sy'n awyddus i ddeall rhai o faterion mwyaf heriol cymdeithas.

Gallwch gael gwybod mwy am ein harbenigedd academaidd ar ein tudalennau staff.

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Ysgoloriaethau a Bwrsariaethau Ysgol y Gyfraith

Mae'r Ysgol y Gyfraith hefyd yn cynnig Hysgoloriaethau Ysbrydoli’r Dyfodol ar gyfer myfyrwyr rhyngwladol (gan gynnwys yr UE) ôl-raddedig (a addysgir) sydd wedi derbyn cynnig i astudio yn yr Ysgol Gyfraith.

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Cyflogadwyedd yn Ysgol y Gyfraith

Mae Ysgol y Gyfraith yn gweithredu mewn modd rhagweithiol er mwyn gwella cyflogadwyedd graddedigion, ac mae ganddi Tîm Cyflogadwyedd a Lleoliadau penodedig. Mae'r Ysgol yn cynnig amrywiaeth o leoliadau gwaith lleol, cenedlaethol a rhyngwladol, cyrsiau proffesiynol, cyngor a chymorth i'ch helpu i feithrin y sgiliau sydd eu hangen i gyflawni eich uchelgeisiau.

Mae gwella cyflogadwyedd ein myfyrwyr yn flaenoriaeth allweddol. Er mwyn gwneud hyn, rydym yn trefnu nifer o fentrau i fyfyrwyr LLM, gan gynnwys y Ffair Gyrfaoedd LLM Flynyddol, sy'n cynnig y cyfle i fyfyrwyr gyfarfod â chynrychiolwyr o gwmnïau cyfreithiol lleol a rhyngwladol, digwyddiadau rhwydweithio ac ymweliadau â phractisau blaenllaw yn Ninas Llundain.

Mae ein graddedigion yn dod o hyd i swyddi mewn amrywiaeth eang o yrfaoedd yn y maes hwn. Ceir rhagor o wybodaeth am ble y mae ein myfyrwyr wedi dod o hyd i swyddi ar ein gwe-dudalen Cyrchfannau Myfyrwyr LLM.

Ceir rhagor o wybodaeth am ein cyfleoedd gyrfaoedd a chyflogadwyedd ar ein gwe-dudalen Mentrau a Chanlyniadau Cyflogadwyedd LLM.

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Cymorth yn Ysgol y Gyfraith

Caiff Tiwtor Personol ei neilltuo i bob myfyriwr er mwyn helpu â'r canlynol:

• Arweiniad Academaidd
• Cynllunio Datblygiad Personol
• Cyngor ar Gyflogadwyedd

Mae gan yr ysgol hefyd Swyddfa Gwybodaeth i Fyfyrwyr a fydd yn gallu cynnig cymorth academaidd drwy gydol eich astudiaethau.

Dylech wneud cais drwy system ymgeisio fewnol y Brifysgol.

I gael rhagor o gyngor, ewch i’n tudalennau sut i wneud cais ar gyfer astudio ôl-radd.

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.

Manylion cyswllt

Cyflwyno ymholiad Ôl-raddedig

Derbyn myfyrwyr rhyngwladol