Tystysgrif Ôl-raddedig mewn Presgripsiynu Anfeddygol ar gyfer Nyrsys ac Bydwragedd

  1. Hyd:
    1 blynedd Rhan-amser
  2. Cynnig arferol:
    DU 2.2
  3. Lleoliad: Prifysgol Abertawe a Pharc Dewi Sant, Caerfyrddin

Trosolwg Cwrs

Nod y Dystysgrif Ôl-raddedig mewn Presgripsiynu Anfeddygol yw paratoi nyrsys a bydwragedd i ymarfer yn ôl deddfwriaeth gyfredol sy'n llywodraethu presgripsiynau anfeddygol.

Derbynnir dwy garfan y flwyddyn (yn amodol ar ddiddordeb digonol a chymeradwyaeth y corff proffesiynol), gan ddechrau ym mis Mawrth a mis Medi bob blwyddyn. Addysgir carfan y gwanwyn bob dydd Mercher o fis Mawrth i fis Tachwedd (dim darlithoedd yn ystod mis Awst) ac addysgir carfan yr hydref bob dydd Mawrth o fis Medi i'r mis Mawrth canlynol.
Cysylltwch â rheolwr y rhaglen, e..d.griffiths@abertawe.ac.uk i drafod pa garfan allai fod mwyaf priodol i chi.

Yn anffodus, nid yw'r cwrs hwn ar gael i fyfyrwyr rhyngwladol.

Nodweddion Allweddol

Addysgu a Chyflogadwyedd:

  • Cysylltiadau hirsefydlog a chydnabyddedig â'r GIG, Gwasanaethau Cymdeithasol a sawl cwmni yn y sector preifat
  • Y dulliau addysgu diweddaraf sy'n ymatebol i ofynion cyflogwyr
  • Gall myfyrwyr sy'n cwblhau'r cwrs yn llwyddiannus gynyddu datblygiad gyrfaol a chyfleoedd dyrchafiad fel presgripsiynwyr anfeddygol yn eu maes arbenigol 
  • Dengys astudiaethau fod presgripsiynu anfeddygol yn ddiogel ac yn effeithiol, yn glinigol ac o ran costau.

Cyllid

  • Gall ymgeiswyr fod yn gymwys i dderbyn cymorth ariannol
  • Gall y rhaglen hon gael ei hariannu gan Lywodraeth Cymru, felly mae'n bosib na fydd rhaid i fyfyrwyr dalu unrhyw ffioedd. Siaradwch â Chyfarwyddwr y Rhaglen neu'r arweinydd addysg am eich maes gwaith i gael rhagor o wybodaeth.

Modiwlau

Ymwadiad: Gall opsiynau dethol modiwlau yn newid.

Blwyddyn 1 (Lefel 7 PGT)

FHEQ 7 Taught Masters / PGDip / PGCert
Modiwlau Gorfodol
Cod y ModiwlSemesterCredydauEnw'r Modiwl
SHGM26Academic Year40Clinical Assessment and Decision Making in Non-Medical Prescribing (NMC)
SHGM27Academic Year20Pharmacology Principles and Practice (NMC)

Disgrifiad

Nod y cwrs hwn yw datblygu'r wybodaeth, y sgiliau a'r cymhwysedd gofynnol er mwyn cyflawni rôl presgripsiynydd anfeddygol annibynnol neu atodol. Cynlluniwyd y cwrs i alluogi nifer o ddisgyblaethau ddysgu gyda'i er mwyn datblygu ymarfer presgripsiynu mewn lleoliad clinigol.

Gofynion Mynediad

  • Rhaid i ymgeiswyr fodloni’r meini prawf canlynol:

    • rhaid bod ganddynt gyllideb presgripsiynu
    • bodloni gofynion mynediad penodol a bennwyd gan y Cyngor Nyrsio a Bydwreigiaeth (gweler isod)
    • cymeradwyaeth Arweinydd Presgripsiynu a Rheolwr Clinigol y Bwrdd Iechyd
    • gwiriad cofnod troseddol cyfredol i fodloni gofynion penodol eu corff proffesiynol
    • wedi nodi ymarferwr meddygol dynodedig â chymwysterau priodol
    • dangos gallu i astudio ar lefel academaidd 7
    • nid yw cydnabyddiaeth o ddysgu blaenorol yn gymwys i'r rhaglen hon. Nid oes modd cael achrediad rhannol ar gyfer modiwl, waeth beth yw dysgu neu brofiad blaenorol yr ymgeisydd

    Mae'r Cyngor Nyrsio a Bydwreigiaeth yn gofyn bod nyrsys sy'n gwneud cais i astudio rhaglen presgripsiynu annibynnol yn bodloni'r meini prawf canlynol:

    • o leiaf tair blynedd o brofiad fel nyrs neu nyrs iechyd cyhoeddus cymunedol arbenigol, a rhaid bod y cyflogwr o'r farn eu bod yn gymwys i gyflawni'r rhaglen.
    • o'r tair blynedd hyn, rhaid bod y flwyddyn yn union cyn y rhaglen wedi'i chyflawni yn y maes clinigol y bwriedir presgripsiynu ynddo e.e. gofal newyddenedigol, iechyd meddwl
    • rhai bod gweithwyr rhan-amser wedi ymarfer am gyfnod digonol i gael eu hystyried yn gymwys gan y cyflogwr

Sut i Wneud Cais

Lawrlwythwch a chwblhau'r ddwy ddogfen gais ganlynol:

Ffurflen Gais Ffurflen Gais Presgripsiynu Anfeddygol

Ffurflen Manylion Pellach Manylion Pellach Presgripsiynu Anfeddygol

Dylid dychwelyd ffurflenni cais wedi'u cwblhau drwy'r post at:

Beth Griffiths,

Uwch-ddarlithydd mewn Ymarfer Uwch,

Coleg y Gwyddorau Dynol ac Iechyd,

Adeilad 3,

Parc Dewi Sant,

Caerfyrddin

SA31 3HB

Neu drwy e-bost at: E.D.Griffiths@abertawe.ac.uk

Dylai ymgeiswyr am garfan mis Medi ddychwelyd ceisiadau erbyn 1 Gorffennaf, at Beth Griffiths.

Cynhelir cyfweliadau yn ystod pythefnos olaf mis Gorffennaf, y dyddiadau i'w cadarnhau.

Dylai ymgeiswyr am garfan mis Mawrth ddychwelyd ceisiadau erbyn 1 Rhagfyr, at Beth Griffiths.

Cynhelir cyfweliadau yn ystod pythefnos cyntaf mis Ionawr, y dyddiadau i'w cadarnhau.

 

Ffioedd Dysgu

Y ffioedd dysgu blynyddol ar gyfer blwyddyn academaidd 2017/18 fydd:

D.U./U.E. Rhyngwladol
PGCert Rhan-amser £1,950 N/A

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr presennol: Mae gwybodaeth bellach am eich costau ffioedd ar ein tudalen ffioedd dysgu.

Costau Ychwanegol

Mae myfyrwyr yn debygol o fynd i gostau ychwanegol yn y brifysgol. Gall y rhain gynnwys (ymhlith costau eraill):

  • prynu deunyddiau ysgrifennu ac offer swyddfa, megis cof bach etc.
  • argraffu a llungopïo
  • rhwymo prosiectau ymchwil/traethodau hir

Nid oes costau ychwanegol gorfodol wedi’u nodi ar gyfer y cwrs hwn.

Strwythur y Cwrs

Mae'r rhaglen yn cynnwys dau fodiwl craidd: SHGM26 - Asesu Clinigol a Gwneud Penderfyniadau mewn Presgripsiynu Anfeddygol, sy'n rhoi 40 credyd ar lefel 7, ac SHGM27 - Egwyddorion ac Ymarfer Ffarmacoleg, sy'n rhoi 20 credyd ar lefel 7. Rhaid cwblhau'r ddau fodiwl hyn yn llwyddiannus i ennill y cymhwyster hwn.

Addysgir y rhaglen ar safle Parc Dewi Sant yng Nghaerfyrddin. Addysgir y rhaglen un diwrnod yr wythnos dros y flwyddyn academaidd. 

Pwy ddylai wneud cais?

  • Nyrsys neu fydwragedd sydd am ddatblygu ymarfer presgripsiynu mewn lleoliad clinigol.

Arbenigedd Staff

Y tîm addysgu:

  • Maent yn brofiadol iawn o ran cyflwyno rhaglenni presgripsiynu.
  • Mae ganddynt ystod eang o sgiliau, profiad a chymwysterau perthnasol.
  • Maent yn aelodau o ystod o grwpiau a fforymau presgripsiynu.
  • Mae ganddynt gysylltiadau hirsefydlog ag Arweinwyr Presgripsiynu Anfeddygol Ymddiriedolaethau ledled y rhanbarth.

Cymuned Ôl-raddedig

Mae gan Goleg y Gwyddorau Dynol ac Iechyd gymuned ôl-raddedig fywiog gyda myfyrwyr amrywiol o ran eu cefndir a'u cenedligrwydd. Mae'r Coleg yn adnabyddus am ei amgylchedd cyfeillgar, croesawgar a chefnogol. Rhwng hynny a'r cyfleusterau helaeth, technoleg o'r radd flaenaf a lleoliad gwych ar ymyl traeth, rydym yn sicrhau profiad eithriadol i'r myfyrwyr.

Cyfleusterau 

Yn ogystal, mae gan y myfyrwyr fynediad at ystod eang o gyfleusterau a chyfarpar gwych ar gyfer profiadau gweithle realistig. Am ragor o wybodaeth, cliciwch yma neu ewch ar daith rithwir o'r Coleg.