Gweithiwr Proffesiynol Iechyd Meddwl Cymeradwy , PGCert

Cwrs hynod strwythuredig yw hwn lle mae pob modiwl yn orfodol. Fe'ch asesir trwy gydol eich cwrs trwy aseiniadau ysgrifenedig a phortffolio ymarfer.

I wneud cais am y cwrs hwn bydd angen i chi gael eich cyflogi yn un o'r 16 Awdurdod Lleol yng Nghymru neu'r Byrddau Iechyd cysylltiedig. Cewch eich dewisir a chewch eich ariannu gan eich cyflogwr i hyfforddi i ymgymryd â rôl statudol AMHP.

Caiff y rôl yma ei ddeddfu gan Lywodraeth Cymru a’r rhaglen wedi’i dilysu gan Ofal Cymdeithasol Cymru.

Bydd angen i chi fod yn Weithiwr Cymdeithasol, nyrs iechyd meddwl yn gweithio ym maes iechyd meddwl neu anableddau dysgu, yn seicolegydd neu’n therapydd galwedigaethol sy’n gweithio ym maes iechyd meddwl neu anableddau dysgu.

Byddwch hefyd angen:

• Bod yn gofrestredig gyda chorff proffesiynol
• Meddu ar o leiaf dwy flynedd o brofiad ôl-gymhwyso o weithio gyda phobl ag anhwylderau meddwl neu ddiagnosis deuol
• Cael cefnogaeth a chytundeb eich cyflogwr noddedig a chael y cyfleoedd dysgu priodol.
• Os oes gennych naill ai radd Baglor neu radd Meistr neu, mewn amgylchiadau eithriadol, lle na chyflawnir y gofyniad academaidd hwn, rydych yn dangos eich profiad a'ch cymwysterau i'ch paratoi ar gyfer ymgymryd â'r astudiaeth Ôl-raddedig. Gellir dangos tystiolaeth o hyn, er enghraifft, â Dyfarniad Ôl-gymhwyso perthnasol.
• Os nad oes gennych radd efallai bydd angen i chi fynychu cyfweliad.

Ar lefel Meistr bydd y cwrs Tystysgrif PG AMHP, felly darperir diwrnod astudio cyn rhaglen i bob myfyriwr i hybu hyder a chefnogaeth ar gyfer ysgrifennu ar lefel Meistr.

Rydym yn falch o ddarparu profiad addysgol rhagorol, gan ddefnyddio'r dulliau dysgu ac addysgu mwyaf effeithiol, wedi'u teilwra'n ofalus i anghenion penodol eich cwrs. Ar wahân i nifer fach o gyrsiau ar-lein, mae'r rhan fwyaf o'n cyrsiau'n cynnwys addysgu wyneb yn wyneb ar y campws, gan alluogi ymgysylltiad llawn â'ch darlithwyr a'ch cyd-fyfyrwyr.

Mae sesiynau sgiliau ymarferol, seminarau gwaith labordy, a gweithdai yn bennaf yn cael eu cynnal wyneb yn wyneb ar y campws, gan ganiatáu gweithio mewn grŵp ac arddangosiadau. Rydym hefyd yn gweithredu labordai rhithwir ac Amgylcheddau Dysgu Efelychol a fydd yn hwyluso mwy o fynediad at gyfleoedd hyfforddi yn y dyfodol. Fodd bynnag, mae ein dulliau addysgu hefyd yn cynnwys defnyddio rhywfaint o ddysgu ar-lein i gefnogi a gwella addysgu wyneb yn wyneb traddodiadol.

Gall dysgu ar-lein ddigwydd ‘yn fyw’ gan ddefnyddio meddalwedd fel Zoom, sy'n eich galluogi i ryngweithio â'r darlithydd a myfyrwyr eraill ac i ofyn cwestiynau. Mae recordiadau darlithoedd hefyd yn caniatáu mwy o hyblygrwydd i ailedrych ar ddeunydd, i adolygu at asesiadau ac i wella dysgu y tu allan i'r ystafell ddosbarth. Mae gan rai modiwlau adnoddau ychwanegol ar Canvas, megis fideos, sleidiau a chwisiau sy'n galluogi astudiaeth hyblyg bellach.

Ceir pedwar modiwl craidd rhwng Hydref ac Ebrill, yn dilyn dau ddiwrnod ymsefydlu ym mis Medi.

Yn ystod y cwrs byddwch yn astudio dros un flwyddyn academaidd gyda lleoliad wedi'i drefnu i gael profiad ymarferol.

Asesiad

Asesir dysgu trwy gydol y gwaith cwrs, gan gynnwys aseiniadau ysgrifenedig a phortffolio ymarfer. Mae gan y cwrs farc 50% ar gyfer pob modiwl.

Lleoliadau

Eich cyflogwr fydd yn gyfrifol am drefnu eich lleoliad gwaith.

O leiaf 40 credyd

Mae'n bosib astudio o leiaf 40 credyd o'r cwrs ôl-raddedig hwn drwy gyfrwng y Gymraeg. Mae nifer o adrannau'r Brifysgol yn datblygu ac yn cynnig modiwlau cyfrwng Cymraeg neu fodiwlau dwyieithog fel rhan o'u cyrsiau felly bydd angen i ti drafod y posibiliadau gyda'r Cyfarwyddwr Rhaglen perthnasol. Gelli astudio modiwl/modiwlau trwy gyfrwng y Gymraeg lle bo'r cyfle neu gyflwyno dy draethawd estynedig yn y Gymraeg gydag arweiniad gan arbenigwr pwnc trwy gyfrwng y Gymraeg.

Mae Academi Hywel Teifi yma i'th gefnogi trwy gydol dy amser ym Mhrifysgol Abertawe. Rydym yn cynnig:

• Mynediad at ysgoloriaethau a bwrsariaethau hael ar gyfer astudio trwy gyfrwng y Gymraeg.
• Mynediad at fodiwlau a addysgir yn gyfan gwbl neu'n rhannol yn Gymraeg.
• Mynediad at ap Arwain er mwyn derbyn y diweddaraf am ein cyrsiau a'n modiwlau cyfrwng Cymraeg. Gelli di lawrlwytho'r ap am ddim drwy'r App Store a Google Play.
• Cyfweliad trwy gyfrwng y Gymraeg wrth wneud cais am le.
• Gohebiaeth bersonol yn Gymraeg, yn Saesneg neu'n ddwyieithog.
• Yr opsiwn i lunio a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os wyt ti wedi dewis astudio yn Saesneg), a bydd dy waith yn cael ei asesu yn Gymraeg.
• Tiwtor Personol Cymraeg ei iaith.
• Cefnogaeth un i un i wella dy sgiliau Cymraeg academaidd.
• Cyfle i ennill cymhwyster ychwanegol sy'n dystiolaeth o dy allu Cymraeg i gyflogwyr y dyfodol.
• Aelodaeth o Gangen Prifysgol Abertawe o'r Coleg Cymraeg Cenedlaethol.

Cer i'r dudalen Mae Gen i Hawl am wybodaeth bellach am hawliau myfyrwyr.

Bydd parhau i astudio trwy'r Gymraeg yn:

• ddatblygiad naturiol i ti os wyt ti wedi astudio trwy'r Gymraeg ar lefel israddedig.
• ffordd o sicrhau dy gyfle i gael yr addysg orau.
• ffordd o dderbyn lefel uchel o gefnogaeth wrth i'r grwpiau astudio fod yn llai.
• ychwanegiad gwerthfawr i dy CV a dy ddatblygiad gyrfaol.

Mae’r Cyd-gyfarwyddwr James Thomas, wedi bod yn ymarfer gwaith cymdeithasol am y 30 mlynedd diwethaf. Roedd yn swyddog prawf i ddechrau ond am y 25 mlynedd diwethaf  mae wedi bod yn weithiwr cymdeithasol iechyd meddwl.

Roedd 10 mlynedd gyntaf James o ymarfer yn Llundain lle dysgodd sgiliau a gwerthoedd gwaith cymdeithasol ar draws sawl gwahanol Bwrdeistref Llundain. Cymhwysodd fel ASW (rhagredegydd yr AMHP) ym 1998 gan ymarfer yn Llundain, Caerffili, Casnewydd a Phowys. Drwy gydol ei yrfa mae James wedi bod â diddordeb mewn addysgu/hyfforddi a datblygu gwaith cymdeithasol iechyd meddwl.

Yn 2007 ymchwiliodd, ysgrifennodd a chyflwynodd hyfforddiant ar y MHA diwygiedig (83), a wasanaethodd fel hyfforddiant trosi ar gyfer ASW/AMHP a hyfforddiant ymwybyddiaeth ar gyfer gweithwyr proffesiynol perthynol. Mae James wedi bod yn ymwneud â rhaglenni ASW/AMHP fel hyfforddwr, Cynorthwyydd Personol ac ALP am y 25 mlynedd diwethaf a’i fraint bellach yw dod yn rhan o’r unig raglen gydnabyddedig hon i Gymru.

Mae James yn edrych ymlaen at gwrdd â chi fel myfyrwyr a chynorthwyo gyda’ch datblygiad yn rôl AMHP.

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

I wneud cais am y cwrs yma mae angen i chi fod yn weithiwr cymdeithasol, nyrs, seicolegydd neu therapydd galwedigaethol a dylech ei bod:

• Wedi'ch cofrestru gyda chorff proffesiynol
• Bod â phrofiad ôl-gymhwyso o leiaf ddwy flynedd
• Bod â phrofiad perthnasol o weithio gyda phobl ag anhwylderau meddyliol
• Cael cefnogaeth gan eich cyflogwr a chael mynediad i gyfleoedd dysgu priodol
• Bod naill ai gyda Baglor neu Radd Meistr neu, o dan amgylchiadau eithriadol, lle nad yw'r gofyniad academaidd hwn yn cael ei fodloni, rydych chi'n dangos bod eich profiad a'ch cymwysterau yn eich galluogi i ymgymryd ag astudiaeth ôl-raddedig. Gellir dangos tystiolaeth o hyn, er enghraifft, Dyfarniad Post-Gymhwyso perthnasol.
• Os nad oes gennych radd, efallai y bydd gofyn i chi fynychu cyfweliad

Sut mae gwneud cais

Gwnewch gyswllt cychwynnol gyda Pherson Cyswllt yr Asiantaeth gan eich Awdurdod Lleol i ofyn am gytundeb am enwebiadau.

Fel rheol, enwebir enwebiadau gan asiantaethau partneriaeth (LSSAs) yn y Gwanwyn. Mae'r broses ymgeisio mewn dau gam.

Cam 1. Rhaid i'r ymgeisydd lenwi Ffurflen Enwebu a Dethol y Rhaglen AMHP Prifysgol Abertawe a'i gymeradwyo gan Unigolyn Cyswllt yr Asiantaeth yn yr awdurdod lleol a'i gyflwyno i Brifysgol Abertawe.

Cam 2. Cyflwyno 'Cais am Dderbyn i Astudiaethau Uwchraddedig'.

Am wybodaeth bellach cysylltwch gyda chyd-cyfarwyddwyr y rhaglen, Nicola Howard ar n.m.howard@swansea.ac.uk neu James Thomas ar  james.thomas@swansea.ac.uk

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.