TAR Uwchradd gyda SAC: Cymraeg, PGCert

Creu Athrawon Yfory

Manylion Allweddol y Cwrs

Côd UCAS: 3FW9
Dull Astudio: Dysgu Cyfunol
Cynnig Nodweddiadol (gweler dewisiadau arall): 2:2
Lleoliad: Campws Parc Singleton

Dyddiad Dechrau	Ffioedd Dysgu - Blwyddyn 1
Med 2024	£ 9,450

PGCert 1 Blynedd Llawn Amser

Côd UCAS: 3FW9
Dull Astudio: Dysgu Cyfunol
Cynnig Nodweddiadol: 2:2 - Gwybodaeth Rhagor
Lleoliad: Campws Parc Singleton

Dyddiad Dechrau	Ffioedd Dysgu - Blwyddyn 1
Med 2024	£ 18,400

Trosolwg o'r Cwrs

Croeso i Bartneriaeth Ysgolion Prifysgol Abertawe (PYPA), ffordd newydd i staff mewn ysgolion a'r brifysgol gydweithio i sicrhau bod gan 'Athrawon Yfory' y sgiliau a'r profiad y mae eu hangen arnynt i wneud gwahaniaeth i ddisgyblion yng Nghymru.

Mae galw mawr am athrawon Cymraeg cymwysedig ar draws y DU. Mae PYPA wedi datblygu rhaglen TAR Cymraeg Uwchradd arloesol a fydd yn rhoi hyder i'r rhai sy'n dechrau yn y proffesiwn dysgu ddeall eu pwnc yn well ac yn eu dealltwriaeth o sut i'w addysgu. Bydd y rhaglen hon yn eich paratoi i wneud cyfraniad cadarnhaol i'r cymunedau dysgu y byddwch yn ymuno â nhw. Caiff rhaglen TAR Cymraeg Uwchradd PYPA ei hategu gan ymchwil rhanbarthol, cenedlaethol a rhyngwladol. Byddwch yn dysgu sut i wneud Cymraeg yn ystyrlon, yn ddiddorol ac yn hwyl a hefyd sut i ddadansoddi eich datblygiad eich hun a datblygiad eich disgyblion.

Bydd rhaglen TAR integredig a thrylwyr PYPA yn eich herio'n academaidd ac yn broffesiynol. Nod y rhaglen Cymraeg TAR yw datblygu dealltwriaeth feirniadol o natur Cymraeg a'i lleoliad yng nghwricwlwm yr ysgol. Byddwch yn cael eich annog i ymchwilio a phrofi eich ymagweddau eich hun i addysgeg Cymraeg i ganfod y dulliau hynny sy'n gweithio orau i chi a'r disgyblion rydych yn eu haddysgu. Mae PYPA yn ymroddedig i ddatblygu ymarferwyr myfyriol sy'n cael eu cyfeirio gan ymchwil sy'n gallu dangos creadigrwydd a hyblygrwydd yn eu haddysgu fel bod dysgwyr yn datblygu eu cymhwyster pwnc mewn amgylchedd sy'n ysgogi mwynhad.

PAM TYSTYSGRIF ÔL-RADDEDIG MEWN ADDYSG YN ABERTAWE?

Bydd Partneriaeth Ysgolion Prifysgol Abertawe'n defnyddio arbenigedd academaidd sylweddol y Brifysgol yn Gymraeg. Bydd PYPA yn darparu Addysg Gychwynnol Athrawon (AGA) a arweinir gan ymchwil ac ymarferwyr o safon yn seiliedig ar yr egwyddor o ddysgu integredig. Datblygwyd pob agwedd ar y cwrs ar y cyd a byddant yn cael eu cyflwyno, eu sicrhau am ansawdd a'u hadolygu fel partneriaeth i atgyfnerthu'r cydweithio drwy gydol y flwyddyn.

Bydd Partneriaeth Ysgolion Prifysgol Abertawe (PYPA) yn cyflwyno rhaglen ymchwil ac ymarfer integredig o safon, yn seiliedig ar ei gweledigaeth o ddatblygu ymarferwyr myfyriol sy'n cael eu hysbysu gan ymchwil sy'n gallu cyfrannu'n sylweddol at ansawdd addysg yng Nghymru.

EICH PROFIAD TAR

Mae rhaglen Addysg Gychwynnol Athrawon PYPA wedi'i strwythuro i alluogi nifer o gyfleoedd i fynd i'r afael â'r holl Safonau Proffesiynol ar gyfer Dysgu ac Addysgu drwy brofiadau dysgu cyfoethog sy'n atgyfnerthu, yn gwerthuso ac yn cefnogi gallu proffesiynol.

CYFLEOEDD CYFLOGAETH TAR

Bydd cwblhau TAR PYPA yn llwyddiannus yn arwain at argymhelliad i Gyngor Gweithlu Addysg ar gyfer Statws Athro Cymwys ac mae'n gyfle i gael cyflogaeth fel Athro Newydd Gymhwyso mewn ysgolion.

Modiwlau

Mae rhaglen AGA PYPA yn cynnwys dau fodiwl:

Mae Ymarfer Myfyriol a arweinir gan ymchwil (EDPM30) yn seiliedig yn bennaf yn y brifysgol a bydd yn cynnwys y canlynol:

Astudiaethau Craidd: yn canolbwyntio ar y materion trosgynnol sy'n arwain polisïau yng nghyd-destun diwylliannol Cymru
Astudiaethau Pwnc: yn canolbwyntio ar yr addysgeg yn eich maes pwnc, cynllunio gwersi, deall lleoliad eich pwnc yn y Meysydd Dysgu a Phrofiad
Gwella Gwybodaeth Pwnc: yn canolbwyntio ar adolygu gofynion y cwricwlwm yn eich maes pwnc a'ch paratoi ar gyfer y pynciau y gallech fod yn eu haddysgu
Astudiaethau Proffesiynol ac Addysgeg: yn canolbwyntio ar y goblygiadau ar gyfer eich maes pwnc o ran materion ysgol gyfan megis darpariaeth ar gyfer plant ag anghenion dysgu ychwanegol, gwahaniaethu ac asesu.
Dulliau ymchwil mewn addysg: yn canolbwyntio ar fethodolegau ymchwil sy'n addas at ddibenion addysgol a'ch paratoi chi ar gyfer eich prosiect ymchwil sy'n seiliedig ar ymarfer.
Mae EDPM30 yn 60 credyd lefel 7. Gall myfyrwyr sy'n cwblhau 60 o gredydau ar Lefel 7 drosglwyddo'r credydau i'n MA Addysg.

Nod Ymarfer Proffesiynol (EDP300) yw sicrhau bod yr holl athrawon dan hyfforddiant yn datblygu dealltwriaeth ddofn o sut mae’r Safonau Proffesiynol ar gyfer Addysgu ac Arweinyddiaeth yn cysylltu â Phedwar Diben y Cwricwlwm newydd i Gymru. Mae'r modiwl hwn yn arwain at argymell Statws Athro Cymwysedig. Bydd athrawon dan hyfforddiant yn treulio o leiaf 120 o ddiwrnodau yn gwneud Ymarfer Proffesiynol mewn dwy ysgol yn y rhwydwaith lle maent wedi'u lleoli, a chânt ragor o gyfleoedd mewn amrywiaeth o leoliadau ategol. Mae EDP300 yn cyfuno ymchwil ag ymarfer ystafell ddosbarth drwy gwrs Ymarfer a Damcaniaeth a gyflwynir ar y cyd gan Diwtoriaid Pwnc ac athrawon arbenigol yn ysgolion y rhwydwaith. Bydd Mentoriaid Pwnc a Thiwtoriaid Pwnc yn rhoi cymorth unigol cryf i athrawon dan hyfforddiant sy'n gweithio at gyflawni’r Safon Proffesiynol ar gyfer Addysgu ac Arweinyddiaeth.

Syllabus Rules Error

Syllabus Rules Error found when trying to build syllabus rules response.

Gofynion Mynediad

Rhaid i ymgeiswyr y TAR Uwchradd gyflawni'r canlynol cyn cael eu derbyn i'r rhaglen:

Gradd anrhydedd gydag o leiaf 2:2 mewn pwnc perthnasol, neu bwnc cysylltiedig gydag o leiaf 50% o gynnwys pwnc perthnasol
Gradd C TGAU yn Saesneg/Gymraeg (bydd rhaid i fyfyrwyr sy'n cyflwyno cais ar gyfer y rhaglen Gymraeg feddu ar TGAU yn y Gymraeg)
Gradd C TGAU mewn Mathemateg

Mae’r Gradd C yn Saesneg/ Gymraeg a Mathemateg ar lefel TGAU yn ofyniad a bennwyd gan Lywodraeth Cymru.

Caiff yr holl gyfweliadau eu cynnal mewn amgylchedd rhithwir (gan ddefnyddio Microsoft Teams) gydag arbenigwr pwnc TAR, drwy gyfrwng y Gymraeg neu’r Saesneg yn ôl dymuniad yr ymgeisydd. Bydd y fformat yn cynnwys cyfweliad byr a thrafodaeth broffesiynol.

Bydd yr holl fyfyrwyr TAR yn cwblhau archwiliad Cymhwysedd Digidol wrth gofrestru a bydd hyfforddiant cymhwysedd digidol yn rhan o'u rhaglen astudio TAR.

Rhaid i'r holl ymgeiswyr fodloni gofynion Safonau Iechyd Addysg (Cymru) gan gadarnhau eu gallu corfforol ac iechyd er mwyn addysgu (Gweler yr adran Costau Ychwanegol).

Bydd yn rhaid i'r holl ymgeiswyr gael gwiriad manwl gan y GDG. Ni ddylai ymgeiswyr fod wedi cael eu heithrio rhag addysgu neu weithio gyda phlant nac wedi'u cofrestru gyda'r GDG fel person sy'n anaddas i weithio gyda phlant neu bobl ifanc (Gweler yr adran Costau Ychwanegol).

Ymgeiswyr Rhyngwladol

Nid yw cwblhau’r rhaglen TAR yn y Deyrnas Unedig yn rhoi statws ‘Caniatâd i Aros’ i weithio fel athro/athrawes yn y Deyrnas Unedig. Dylai ymgeiswyr ymgyfarwyddo â rheoliadau a gofynion Gwasanaeth Fisa a Mewnfudo’r Deyrnas Unedig sy’n berthnasol ar gyfer astudio ac ôl-astudio yn y Deyrnas Unedig.

Bydd llwyddo i gwblhau rhaglen Addysg Gychwynnol i Athrawon Partneriaeth Ysgolion Prifysgol Abertawe’n arwain at (i) ddyfarnu Tystysgrif Addysg i Raddedigion (TAR) ac (ii) argymhelliad ar gyfer Statws Athro Cymwysedig a chofrestriad gyda Chyngor Gweithlu Addysg Cymru. Dylai ymgeiswyr ymgynghori â’r gwasanaeth addysg neu’r adran lywodraeth berthnasol er mwyn holi a fydd cwblhau cwrs TAR mewn prifysgol yn y Deyrnas Unedig yn caniatáu iddynt addysgu yn eu gwlad gartref neu mewn gwlad arall y tu allan i’r Deyrnas Unedig.

Fel arfer gofynnir i ymgeiswyr feddu ar sgôr gyffredinol prawf IELTS (neu gyfwerth) o 7.0 ac isafswm sgôr o 6.5 ym mhob elfen (ysgrifennu, darllen, siarad a gwrando).

Sut byddwch chi'n cael eich dysgu

Bydd eich astudiaethau'n cynnwys sesiynau a addysgir yn y brifysgol, lleoliadau mewn ysgolion, diwrnodau profiad amgen ac wythnos ar leoliad arsylwi estynedig mewn un o'r lleoliadau amgen a brofwyd. Bydd lleoliadau amgen yn cynnwys: Cyfleusterau Addysgu Arbenigol, Unedau Cyfeirio Disgyblion, cyfnodau oedran eraill a lleoliadau diwylliannol/ieithyddol eraill.

Bydd cyfran yr addysgu y byddwch yn ymgymryd â hi'n cynyddu fesul cam yn ystod y flwyddyn felly bydd eich llwyth gwaith yn cynyddu o 30% ar amserlen addysgu lawn yn eich lleoliad cyntaf i 75% ar amserlen addysgu lawn ar ddiwedd eich cwrs.

Darpariaeth Gymraeg

O leiaf 80 credyd

Mae'n bosib astudio 80 credyd neu fwy o'r cwrs ôl-raddedig hwn drwy gyfrwng y Gymraeg. Gelli astudio cyfuniad o fodiwlau trwy gyfrwng y Gymraeg lle bo'r cyfle a/neu gyflwyno dy draethawd estynedig yn y Gymraeg gydag arweiniad gan arbenigwr pwnc trwy gyfrwng y Gymraeg.

Mae Academi Hywel Teifi yma i'th gefnogi trwy gydol dy amser ym Mhrifysgol Abertawe. Rydym yn cynnig:

Mynediad at ysgoloriaethau a bwrsariaethau hael ar gyfer astudio trwy gyfrwng y Gymraeg.
Mynediad at ap Arwain er mwyn derbyn y diweddaraf am ein cyrsiau a'n modiwlau cyfrwng Cymraeg. Gelli di lawrlwytho'r ap am ddim drwy'r App Store a Google Play.
Cyfweliad trwy gyfrwng y Gymraeg wrth wneud cais am le.
Gohebiaeth bersonol yn Gymraeg, yn Saesneg neu'n ddwyieithog.
Yr opsiwn i lunio a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os wyt ti wedi dewis astudio yn Saesneg), a bydd dy waith yn cael ei asesu yn Gymraeg.
Tiwtor Personol Cymraeg ei iaith.
Cefnogaeth un i un i wella dy sgiliau Cymraeg academaidd.
Cyfle i ennill cymhwyster ychwanegol sy'n dystiolaeth o dy allu Cymraeg i gyflogwyr y dyfodol.
Aelodaeth o Gangen Prifysgol Abertawe o'r Coleg Cymraeg Cenedlaethol.

Cer i'r dudalen Mae Gen i Hawl am wybodaeth bellach am hawliau myfyrwyr.

Bydd parhau i astudio trwy'r Gymraeg yn:

ddatblygiad naturiol i ti os wyt ti wedi astudio trwy'r Gymraeg ar lefel israddedig.
ffordd o sicrhau dy gyfle i gael yr addysg orau.
ffordd o dderbyn lefel uchel o gefnogaeth wrth i'r grwpiau astudio fod yn llai.
ychwanegiad gwerthfawr i dy CV a dy ddatblygiad gyrfaol.

Cwrdd â'ch Darlithwyr

Addysgir ein graddau gan arbenigwyr sydd â gwybodaeth helaeth iawn i’w rhannu â’n myfyrwyr.

Mae rhagor o wybodaeth am ein harbenigedd academaidd ar ein tudalennau staff.

Ffioedd Dysgu

Dyddiad Dechrau	D.U.	Rhyngwladol
Medi 2023	£ 9,000	£ 17,500
Medi 2024	£ 9,450	£ 18,400

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Ariannu ac Ysgoloriaethau

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Cymhellion 2022/23

Bydd cynllun cymhelliant pwnc blaenoriaeth newydd yn cael ei lansio ar gyfer blwyddyn academaidd 2022 i 2023. Bydd y cynllun hwn yn parhau i gymell yr athrawon hynny sydd eu hangen fwyaf yn ysgolion Cymru. Bydd gan bob myfyriwr TAR Uwchradd sy'n astudio TAR Bioleg, Cemeg, Dylunio a Thechnoleg, Technoleg Gwybodaeth, Mathemateg, Ieithoedd Tramor Modern (ITM), Ffiseg a Chymraeg, gyda dosbarthiad gradd blaenorol o 2.2 neu uwch, hawl i dderbyn cymhelliant o £15,000. Gwneir y cymelldaliadau o gyfanswm o £15,000 mewn tri rhandaliad ar yr adegau canlynol yn ystod rhaglen AGA a dechrau gyrfa myfyriwr.

Cewch ragor o wybodaeth am gymhelliad hyfforddiant athrawon Llywodraeth Cymru yma.

Mae Cynllun Cymhelliant Llywodraeth Cymru, Iaith Athrawon Yfory, ar gael i fyfyrwyr cymwys sy’n astudio trwy gyfrwng y Gymraeg. Cewch ragor o wybodaeth yma.

Gall athrawon dan hyfforddiant TAR sy'n byw yng Nghymru hefyd fod yn gymwys am y pecyn cymorth i fyfyrwyr safonol, sy'n cynnwys benthyciad ar gyfer ffioedd dysgu a phecyn cymorth ar gyfer costau byw ('cynhaliaeth'). Bydd cyfanswm y pecyn cynhaliaeth gyfwerth â'r Cyflog Byw Go Iawn wrth astudio, sy'n gymysgedd o grantiau a benthyciadau, gan ddibynnu ar incwm yr aelwyd: Cyllid Myfyrwyr Cymru

Costau Ychwanegol

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

Teithio i'r campws ac oddi yno
Costau argraffu, llungopïo, rhwymo, deunydd ysgrifennu ac offer (e.e. ffyn USB)
Prynu llyfrau neu werslyfrau
Gwisgoedd ar gyfer seremonïau graddio

Teithio i ysgolion ac oddi yno
Os cewch gynnig lle, bydd angen gwiriad manwl gan y Gwasanaeth Datgelu a Gwahardd arnoch, neu wiriad cyfwerth a gymeradwywyd. Gweler ein tudalen Arweiniad ar Gyflwyno Cais am DBS i gael rhagor o fanylion.
Os byddwn ni’n cynnig lle i chi, bydd hefyd angen i chi gwblhau holiadur iechyd sy’n rhan o broses profi cymhwyster i ymarfer fel athro/athrawes. Mae’r holiadur yn gofyn am fewnbwn gan eich Meddyg Teulu ac efallai y byddant yn codi ffi am y gwasanaeth hwn.

Gyrfaoedd a Chyflogadwyedd

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
Cyngor ac arweiniad unigol gan Ymgynghorwyr Gyrfaoedd proffesiynol
Cymorth i chwilio am swyddi, interniaethau, lleoliadau gwaith a chyfleoedd gwirfoddoli
Mynediad i adnoddau gwybodaeth am amrywiaeth eang o bynciau rheoli gyrfa

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Cymorth Academaidd

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

Ysgrifennu academaidd
Mathemateg ac ystadegau
Meddwl critigol
Rheoli amser
Sgiliau digidol
Sgiliau cyflwyno
Cymryd nodiadau
Technegau adolygu, dysgu ar gof ac arholiadau
Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Mae ein myfyrwyr yn bwysig i ni a'n nod yw sicrhau eich bod yn ennill y radd orau. Mae gennym system fentora bersonol lle cewch tiwtor personol. Mae gennym hefyd bolisi "drws agored" lle mae ein hathrawon academaidd ar gael i siarad â chi ar unrhyw adeg am unrhyw ymholiadau neu bryderon academaidd sydd gennych.

Sut i wneud cais

Mae’n rhaid cyflwyno pob cais am gwrs TAR Uwchradd drwy UCAS – cliciwch ar y botwm Ymgeisio ar frig y dudalen hon i ddechrau eich cais.

Dyddiadau Cau Ymgeisio

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.

Gwybodaeth Ychwanegol

Cyflwyno ymholiad Ôl-raddedig

Derbyn myfyrwyr rhyngwladol

Addysgu Cymraeg mewn ysgolion cyfrwng Cymraeg ac ysgolion cyfrwng Saesneg

Mae'r cwrs hwn yn caniatáu i athrawon dan hyfforddiant ddewis a hoffent ddod yn athrawon Cymraeg mewn ysgolion cyfrwng Cymraeg neu ysgolion cyfrwng Saesneg. Mae'r ddarpariaeth a'r cyfleoedd lleoliad yn cael eu gwahaniaethu a'u teilwra i gyd-fynd ag anghenion athrawon dan hyfforddiant. Rydym hefyd yn gallu cynnig dull hyblyg i'r rhai sy'n dymuno samplu lleoliadau cyfrwng Cymraeg a chyfrwng Saesneg.

Partneriaeth Ysgolion

Ewch i’n hadran ysgolion partner am ragor o wybodaeth

Asesiadau TAR

Ymchwil-gwybodus Ymarfer Myfyriol

Bydd asesiad ar gyfer EDPM30 yn galluogi athrawon dan hyfforddiant i ddangos eu bod wedi datblygu lefel uchel o sgiliau meddwl yn feirniadol a fydd yn eu galluogi i integreiddio dysgu academaidd a phrofiadol.

Asesiad 1: Myfyrio beirniadol ar gynlluniau gwersi

Bydd athrawon dan hyfforddiant yn cyflwyno 4 cynllun gwersi penodol gyda ffocws penodol ar faterion ysgol cyffredinol (e.e. rheoli ymddygiad mewn gwers Gymraeg), ynghyd â myfyrdod beirniadol 750 o eiriau ar effeithiolrwydd y gweithgareddau dysgu a gyflwynwyd. Dylai pob myfyrdod beirniadol ddangos fod ganddynt ddealltwriaeth glir o sut mae llenyddiaeth yn cyfeirio cynllunio ar gyfer deilliannau penodol yn eu pwnc a sut mae'r wers a ddewiswyd yn cymhwyso theori i ymarfer. Bydd athrawon dan hyfforddiant yn amlinellu (i) y llenyddiaeth ymchwil sy'n cyfiawnhau eu dewis o weithgareddau dysgu a (ii) sut mae cynllun y wers yn ystyried fframweithiau statudol, (iii) ffactorau eraill a gyfrannodd at wella'r profiad dysgu i ddisgyblion (e.e. cynllun seddi, cymorth gan oedolion eraill).

Asesiad 2: Adroddiad ar brosiect ymchwil agos i ymarfer

Yn yr ail asesiad, bydd athrawon dan hyfforddiant yn gorfod nodi cwestiwn ymchwil sy'n gysylltiedig ag un o'r materion ysgol gyfan a astudiwyd. Bydd athrawon dan hyfforddiant yn datblygu cynnig er enghraifft, prosiect ymchwil sy'n agos i ymarfer ar raddfa fach, a fydd yn gwella cyfranogiad disgyblion. Caiff y canfyddiadau eu cyflwyno fel adroddiad ysgrifenedig sy'n cynnwys adolygiad llenyddiaeth, methodoleg, dadansoddi data a thrafod y canfyddiadau. Bydd yr adroddiad yn myfyrio'n feirniadol ar ymyriadau a strategaethau a roddwyd ar waith yn y prosiect. Bydd yr adroddiad agos i ymarfer yn 6,000 o eiriau.

Asesiad 3: Myfyrdod beirniadol ar reolaeth ystafell ddosbarth

Bydd athrawon dan hyfforddiant yn nodi ardal o reolaeth ystafell ddosbarth yr hoffent ei gwella neu ei mireinio. Byddant yn cymryd fideo o'u hunain wrth addysgu dros gyfnod o wersi er mwyn arsylwi ar eu hymarfer addysgu eu hunain ac i fonitro cynnydd o ran yr ardal o reolaeth ystafell ddosbarth a nodwyd. Bydd athrawon dan hyfforddiant yn ymchwilio i ddulliau rheolaeth ystafell ddosbarth a'u cymhwyso mewn awyrgylch ystafell ddosbarth. Caiff y recordiad fideo ei gefnogi gan fyfyrdod beirniadol o'r strategaethau a ddefnyddir ganddynt. Bydd yr adroddiad terfynol yn 3,000 o eiriau.

EDP300 Ymarfer Proffesiynol

Bydd yr asesiad ar gyfer EDP300 yn galluogi athrawon dan hyfforddiant i ddangos sut maent wedi cyflawni'r Safonau Proffesiynol ar gyfer Addysgu ac Arweinyddiaeth a gallant gael eu hargymell ar gyfer gwobr SAC a gyflwynir gan y Cyngor Gweithlu Addysg. Bydd yn rhaid i athrawon dan hyfforddiant ddarparu tystiolaeth yn erbyn pob un o'r 32 o ddisgfrifwyr SAC a nodir yn y Safonau Proffesiynol ar gyfer Addysgu ac Arweinyddiaeth. Yn ystod eu hymarfer addysgu, bydd athrawon dan hyfforddiant yn cael eu cyflwyno i amrywiaeth o brofiadau mewn lleoliadau addysgol gwahanol sy'n ceisio sicrhau eu bod yn cael mwy nag un cyfle i gasglu tystiolaeth yn erbyn pob un o Safonau Proffesiynol ar gyfer Addysgu ac Arweinyddiaeth yng Nghymru.

Bydd athrawon dan hyfforddiant yn defnyddio Pasbort Dysgu Proffesiynol y Cyngor Gweithlu Addysg i gofnodi tystiolaeth o gyflawni'r Safonau Proffesiynol. Byddant yn gallu lanlwytho tystiolaeth yn Gymraeg neu'n Saesneg mewn amrywiaeth o fformatau gan gynnwys ffeiliau sain a fideo (gyda chaniatâd priodol) yn ogystal â chyflwyniadau ysgrifenedig traddodiadol (e.e. cynlluniau gwersi, cynlluniau gwaith, adnoddau dysgu ac addysgu, dyddiaduron myfyrio, adroddiadau ymchwil).

Bydd yn rhaid i fyfyrwyr ysgrifennu 5 traethawd myfyriol byr hefyd (400 gair yr un) sy'n cyd-fynd â phenawdau'r Safonau Proffesiynol, sef: Addysgeg, Cydweithio, Dysgu Proffesiynol, Arloesedd ac Arweinyddiaeth, a thraethawd myfyrio hwy 1,000 o eiriau sy'n trafod perthynas y 5 llinyn â'r gwerthoedd a'r rheolaeth a nodwyd yn y Safonau Proffesiynol ar gyfer Addysgu ac Arweinyddiaeth.

Astudio trwy gyfrwng y Gymraeg a phrofiad mewn ysgolion Cymraeg yn ystod eich TAR

Datblygu’r Iaith

Gallwch astudio o leiaf 80 credyd o’r cwrs hwn drwy gyfrwng y Gymraeg. Os ydych yn penderfynu astudio drwy gyfrwng y Gymraeg, mi fydd y Brifysgol yn eich cefnogi i loywi eich iaith ac i fagu hyder. Gyda Llywodraeth Cymru yn buddsoddi’n enfawr yn yr iaith gyda’r polisi ‘Cymraeg 2050: Miliwn o siaradwyr’, mae’r galw am athrawon sydd yn medru’r iaith ond yn cynyddu.

Darpariaeth Gymraeg

Mae’r Brifysgol wedi ymrwymo’n llwyr i sicrhau pob cyfle i fyfyrwyr sydd am astudio drwy gyfrwng y Gymraeg ar gyfer yr holl lwybrau arbenigedd pwnc. Mi fydd yna gyfle i dderbyn darlithoedd, hyfforddiant, cyflwyno aseiniadau a mentoriaeth yn Gymraeg, gydag aelod o staff penodol yn sicrhau cysondeb, a phob cyfle posib i fyfyrwyr cyfrwng Cymraeg. Mae’r Brifysgol hefyd yn gweithio yn agos gyda nifer o ysgolion Uwchradd Cymru, yn ogystal ag ysgolion cyfrwng Cymraeg penodol, megis; Ysgol y Strade, Ysgol Gyfun Gwyr, Ysgol Gyfun Gymraeg Bryn Tawe ac Ysgol Gymraeg Ystalyfera Bro Dur.