Academi Hywel Teifi

Croeso

Mae Academi Hywel Teifi yn sefydliad arbennig iawn a sefydlwyd gan Brifysgol Abertawe yn 2010 er cof am gyn-Athro Cymraeg y brifysgol ac un o fawrion y genedl, Yr Athro Hywel Teifi Edwards. Y mae tair elfen i waith Academi Hywel Teifi - mae’n ganolfan ragoriaeth ar gyfer astudio’r iaith Gymraeg a’i llenyddiaeth, mae’n hybu addysg ac ymchwil cyfrwng Cymraeg ar draws y pynciau a gaiff eu dysgu yn y brifysgol ac mae’n gweithio i sicrhau lle amlycach i’r iaith ym mhob agwedd o fywyd y brifysgol a rhanbarth de-orllewin Cymru.

Tra bod yr Academi’n gartref i dîm creiddiol o staff mae hefyd yn darparu cymuned ar gyfer pawb sy’n cynnig addysg trwy gyfrwng y Gymraeg yn y brifysgol ac i’r miloedd o fyfyrwyr sy’n siarad Cymraeg yma. Mae Cangen Prifysgol Abertawe o’r Coleg Cymraeg Cenedlaethol a Chanolfan Cymraeg i Oedolion De-Orllewin Cymru wedi’u lleoli o fewn yr Academi. 

Trwy amrywiol weithgareddau mae’r Academi yn cefnogi, cynyddu a chyfoethogi darpariaeth addysg ac ymchwil cyfrwng Cymraeg Prifysgol Abertawe gan hybu cydweithio, mentergarwch a chreu cyfleoedd trwy gyfrwng y Gymraeg. Y nod yw sicrhau y bydd myfyrwyr Prifysgol Abertawe yn cael y gorau o ddau fyd - profiad Cymreig a Chymraeg mewn prifysgol ag iddi gysylltiadau amlddiwylliannol a rhyngwladol.

Yr hyn sydd gan Academi Hywel Teifi i'w gynnig:

Cyrsiau'r Academi

Cyfleoedd arbennig i astudio iaith a llenyddiaeth Gymraeg (llwybrau iaith gyntaf ac ail iaith) a'r cyfryngau trwy gyfrwng y Gymraeg ar lefel israddedig neu olraddedig. Am fwy o wybodaeth...

Cyrsiau'r Gymraeg....                        Cyrsiau'r Cyfryngau...

Darpariaeth Cyfrwng Cymraeg

Gwybodaeth am y cyfleoedd sydd ar gael i astudio amrywiol bynciau trwy gyfrwng y Gymraeg ym Mhrifysgol Abertawe.

Llyfryn Darpariaeth Cyfrwng Cymraeg Israddedig 2013-2014

Canolfan Cymraeg i Oedolion

Mae Canolfan Cymraeg i Oedolion y De-Orllewin yn gwasanaethu siroedd Castell-nedd Port Talbot, Abertawe, Sir Gâr a Sir Benfro gan gynllunio a datblygu cyrsiau dysgu Cymraeg i oedolion o'r radd flaenaf.

Mwy…

Coleg Cymraeg Cenedlaethol

Mae’r Coleg Cenedlaethol Cymraeg yn chwarae rhan bwysig mewn cynllunio, cynnal a datblygu addysg ac ysgolheictod cyfrwng Cymraeg.

Mwy...