Gwasanaethau Academaidd

Pwy ydym ni?

Adrian Novis

Mae'r Gwasanaethau Academaidd yn gyfrifol am weinyddiaeth academaidd ar gyfer rhaglenni a addysgir ac ymchwil ôl-raddedig; cofnodion a systemau academaidd; cyllid myfyrwyr; darpariaeth gydweithredol; disgyblaeth; arholiadau; graddio; rheoliadau ac ansawdd, yn ogystal ag Uned Cyfieithu Cymraeg y Brifysgol. Dan arweiniad Cyfarwyddwr y Gwasanaethau Academaidd, Adrian Novis, mae HybMyfyrio a derbynfa lle gall myfyrwyr a staff gael cyngor neu fynediad at nifer o wasanaethau, gan gynnwys argraffu a rhwymo traethawd hir/traethawd ymchwil.

Y Timau

Gwasanaethau Ansawdd Academaidd

Mae'r Gwasanaethau Ansawdd Academaidd yn arbenigo mewn ymagwedd perfformiad uchel sy'n canolbwyntio ar welliannau at sicrhau rheoliadau, ansawdd a safonau academaidd yr holl ddarpariaeth ôl-raddedig a addysgir ac ymchwil ym Mhrifysgol Abertawe. Y meysydd allweddol rydym yn eu rheoli a'u cefnogi yw:

  • Sicrhau a Gwella Ansawdd Academaidd
  • Cymeradwyo, Rheoli ac Adolygu Rhaglenni
  • Rheoli Portffolios
  • Goruchwylio Partneriaethau Cydweithiol
  • Arholi Allanol
  • Dysgu, Addysgu ac Asesu
  • Arloesi a Datblygu'r Cwricwlwm
  • Rheoliadau Academaidd
  • Prosiectau Profiad y Myfyrwyr

Yn ogystal, mae'r Gwasanaethau Ansawdd Academaidd yn gweinyddu Rhwydwaith Mewnol Ansawdd Academaidd y Brifysgol ac yn cynorthwyo'r Pwyllgorau a'r Byrddau allweddol canlynol:

  • Pwyllgor Dysgu ac Addysgu
  • Bwrdd Rheoli Rhaglenni
  • Pwyllgor Cymeradwyo Rhaglenni
  • Pwyllgor Safonau ac Ansawdd Academaidd
  • Rheoliadau ac Achosion Academaidd
  • Bwrdd Partneriaethau Cydweithiol
  • Pwyllgor Academaidd Ymgynghorol

Cysylltu â'r Gwasanaethau Ansawdd Academaidd

Gwasanaethau Partneriaeth ac Ymgysylltu Myfyrwyr

Mae'r Gwasanaethau Partneriaeth ac Ymgysylltu Myfyrwyr yn gyfrifol am ymgysylltu â myfyrwyr a'u cynrychiolwyr fel partneriaid er mwyn gwella profiad myfyrwyr yn Abertawe, gan gynnwys:

  • Datblygu a chyflawni ymagwedd strategol at ymgysylltu a chyfathrebu â myfyrwyr.
  • Cynnal ymgyrchoedd yr Arolwg Cenedlaethol o Fyfyrwyr (NSS) ac Arolygon Profiad Myfyrwyr, gan gynnwys Arolwg Myfyrwyr Ymchwil Ôl-raddedig (PRES) ac Arolwg Profiad Myfyrwyr Ôl-raddedig a Addysgir (PTES). Cydlynu a hyrwyddo ymgysylltu â myfyrwyr drwy arolygon a chyfleoedd eraill am adborth academaidd ac anacademaidd.
  • Gweithio mewn partneriaeth ag Undeb y Myfyrwyr, y Colegau a'r Gwasanaethau Proffesiynol i ddatblygu a gwella cynrychiolaeth ac ymgysylltu â myfyrwyr.
  • Darparu gwasanaeth HybMyfyrio ar Gampws Parc Singleton a Champws y Bae.
  • Cynyddu blaenoriaethau strategol y Brifysgol sy'n canolbwyntio ar ymgysylltu â myfyrwyr, cyfathrebu, adborth a chynrychiolaeth.

Cysylltwch â’r Tîm Ymgysylltu a Phartneru â Myfyrwyr, MyUniHub neu Ystafell Argraffu

Gwasanaethau Academaidd Myfyrwyr

Mae'r Gwasanaethau Academaidd Myfyrwyr yn gyfrifol am sicrhau darpariaeth ystod o wasanaethau academaidd o ansawdd uchel i fyfyrwyr a staff  mewn perthynas â'r meysydd canlynol:

  • Arholiadau (Campws Parc Singleton a Champws y Bae)
  • Asesu (pob lefel astudio, gan gynnwys rheoli Bwrdd Dyfarniadau a Dilyniant y Brifysgol, rhoi cyngor ac arweiniad i staff a myfyrwyr ar weithdrefnau a rheoliadau asesu, a phrosesu ceisiadau am ohirio arholiadau)
  • Achosion Myfyrwyr (gan gynnwys apeliadau academaidd, camymddwyn academaidd, adolygiadau terfynol, cwynion, disgyblu, addasrwydd i ymarfer, urddas yn y gweithle, estyniadau, gwaharddiadau, tynnu'n ôl, trosglwyddo)
  • Graddio
  • Monitro presenoldeb

Cysylltu â'r Gwasanaethau Academaidd Myfyrwyr

Cofnodion a Systemau Academaidd

Mae Cofnodion a Systemau Academaidd yn gyfrifol am:

  • Systemau asesu a gweinyddu academaidd
  • Setiau Gwybodaeth Allweddol ac Adroddiadau Myfyrwyr i'r Asiantaeth Ystadegau Addysg Uwch (HESA)
  • Rheoli ansawdd data
  • Gweinyddu cofrestru, trosglwyddo, gwahardd, tynnu'n ôl, cyllid, ffioedd dysgu, nawdd, bwrsariaethau ac ysgoloriaethau myfyrwyr
  • Monitro presenoldeb Myfyrwyr Haen 4 Rhyngwladol ac estyniadau teithebau Cadarnhad Derbyn i Astudio (CAS)
  • Cadw cofnodion ac adrodd ar ddyletswyddau
  • Cadw gwybodaeth am raglenni a modiwlau

Cysylltu â Cofnodion a Systemau Academaidd